2009年5月29日星期五

潘朵拉的盒子

Sell in May錯了足足一個月,如果跟埋肥仔說的Last Call,仲要死埋最後一日。

不過我又覺得佢唱淡有理。

港股五月分累升左一成七,是35年來最大單月升幅,恆指一口氣由萬六穿萬七、萬七穿埋萬八,很快50天線就會升穿埋200天。

大家都知道今次升浪是靠一個資金推動,但資金來也快去只會更快,不過這個部分既然無法控制,大家又無謂搞對抗,可以開開心心順勢而行,賺返一轉。

不過說到尾還是有一些指標具參考價值的,說的是債市表現。

在眾多市場之中,例如股市、匯市、商品以至物業市場,債市對經濟周期的表現起跌,一向都是最有參考性指標,一方面是參與的不少是傳統的機構投資者,他們較多是深謀遠慮,更多的是他們追求的是穩定回報,看的是大趨勢,短期的波幅反而影響較細。

因此當美國三個A信貸評級嘅憂慮,直接反映喺十年期美國國庫券身上,息率五日嚟升左有幾乎半厘,係半年高位水平,這個警號就不可以不防。

債息目前是反映市場憂慮好似係中國呢啲國際投資者,係減少吸納長債,改為買入年期較短嘅短債,以免承擔過高風險。

由於短債需求旺盛,因此兩年期債券息率並無太大變化,亦令到十年期同兩年期債息嘅差價,即係所謂債券孳息曲線,一度拉闊到兩厘七五嘅創紀錄新高。

雖然七年期債券拍賣反應叫做符合預期,令市場稍為鬆一口氣,十年期債券息率五日嚟首次回落。

更重要係買家之中,有三成三係來自所謂「非直接買家」,即係來自外國中央銀行,比例同過去幾次拍賣係一樣,先令市場對美國信貸評級嘅憂慮稍為紓緩。

不過債券大王格羅斯、就對美國債市前景表示憂慮,佢話美國財政部係濫發左大量美債,市場係開始懷疑到底邊個仲願意買入美債。

如果以陰謀論看,各國央行根本無得選擇,如果一旦減少甚至唔買美債,價格肯定出現崩潰式下跌,到時一手都係既「貨」就會蝕到入肉,因此幾唔願意到好,美債還是要迫住買下去。

誰叫大家早已同坐一條船。

由於長債息率急升,後遣症已經逐步浮現,美國按揭利率升至二月以嚟最高,三十年按揭固定利率,升左零點三七厘,升至五厘三四,係二月以嚟最高水平,主要係國際央行避開吸納長年期美國國庫券,令投資者對長債要求更高回報,拉高左三十年按揭嘅利率。

瑞信話,由於借貸成本顯注上升,如果短期唔能夠扭轉呢個情況,過去兩個月以嚟增加嘅「風險胃納」,可能會隨時完
結,因為無論係消費者、以至金融機構嘅盈利都可能會受到影響。

任總說的多國央行救市措施難以「收科」,似乎己經逐步由預言走向現實,伯南克等央行打開了這個Pandora’s box潘朵拉盒子,一方面大幅印銀紙增加購買國債的規模,同時又由財政部不斷借貸去救經濟,結果就弄成了今天長債無人要,息口要飊升的這一個局面。

更可怕的,當然是克魯明滯脹的預言。

2 則留言:

亞羊 說...

大家銀紙"明通"化....

正....

咩... 咩..., 咩....

匿名 說...

frankly speaking, when you guys report the small segment of HSI today, the way "scrolling up" a list of rising percentages of the various stocks really doesn't do any good to the audience, what we want to see is a thorough list of stock prices, instead of just a list of rising percentages with such poor animation. Please correct such way of reporting asap.