2009年6月11日星期四

四大衛對哥利亞

美國雖然經歷金融海嘯,不過要挑戰佢世界霸主地位,一啲都唔容易。

不過有四小子一於無有怕!

代表新興市場嘅「金磚四國」BRIC,下星期就會雲集俄羅斯,討論儲備貨幣問題。

而作為會前「熱身」,俄羅斯同巴西都率先表態,話會減少外匯儲備中嘅美元資產,準備購買國際貨幣基金組織債券。

金磚四國一致行動,先有俄羅斯同巴西都表態,會減持外匯儲備中嘅美元資產,轉而購買由國際貨幣基金組織發行嘅債券,各自會購入嘅規模大約一百億美元。

「金磚四國」之中,除咗俄羅斯同巴西外,中國同印度,都會減少外匯儲備組合中,美元同美債嘅比重,中國將會購入大約五百億美金嘅「基金組織」債券,印度購入嘅規模,亦同中國嘅差唔多。

目前金磚四國喺基金組織嘅投票權,加埋都唔夠百分之10,好難同美國匹敵。

金磚四國今次嘅行動,有助擴大佢地喺「基金組織」呢類國際金融機構嘅發言權,制衡美國喺基金組織「一言堂」獨大嘅情況。

主席胡錦濤,下星期會出席喺俄羅斯莫斯科附近嘅凱薩琳堡,舉行嘅金磚四國首次峰會,商討美元嘅「國際儲備貨幣地位」問題。

目前金磚四國,加埋嘅外匯儲備,大約有2萬8千億美元,淨係中國就有大約兩萬億,而且主要係美元資產。

峰會嘅決定,對美元同美國債券後市,有主導作用。

高盛指,金磚四國已經減持緊美元,「沖淡」美元貶值,對本身外匯儲備所造成嘅損失,包括中國在內嘅國家,已經將持有嘅美國政府長年期債券,逐步轉為短期債券。

美國財政部最新拍賣嘅190億美元十年期債券,各地央行為首嘅海外認購,反應雖然踴躍,但市場要求嘅利率,就明顯高咗,反映央行對長債價格,態度審慎。

可以睇下淡友中堅分子、「末日博士」魯賓尼點睇,佢都認同美元儲備貨幣角色、無可避免受削弱,雖然唔會一夜之間出現,但長遠一定會發生。

個個都唔願意買長年期美價,債息自然係升完又升,琴日一度見過四厘嘅八個月高位,結果係扯高埋三十定息按揭利率,升到去五厘七九,比兩個星期前升左八十點子,對樓市都咪話唔傷。

華爾街日報計過,當按揭利率跌至五厘以下時,可以幫到萬幾二萬個家庭,每年透過轉按可以慳番二千五百美金,而家利率升返,當然一切就化為烏有!

其實債息上升真係對啱啱復甦嘅樓市又打一棍! 睇下斷供情況,就知未有改善。

五月分美國斷供宗數達到三十二萬一千四百幾個,按年增加左一成八,係連續三個月喺三十萬宗樓上。

即係每三百九十八個美國家庭之中,有一個就會斷供,其中重災區繼續係內華達州,每六十四個家庭就有一個斷供,比例係全國水平嘅六倍。排喺之後就係加州同佛羅里達州。

調查機構估計,上半年斷供總數會達到破紀錄嘅一百八十萬個。

摩根大通更預期,到左明年中,總斷供人數會高達六百四十萬戶,而樓價就會累積下跌三成九。

咁美國呢個哥利亞,真係咁難打底?

8 則留言:

匿名 說...

IMF 除了每几年有來自不同国家的捐獻外,根本沒有收入來源,现在有美元危機,
巴西和俄羅斯美元外匯儲備不算多, 但出來唱下就可以令油价和各种原材料上天, 何乐而不为也?

Man

匿名 說...

i just dont understand why the tiny segment reports on your channel always involve the background noise, especially telephone ringings. That's extremely annoying, and it's not only a seldom problem, instead it always happens. PLS GET RID OF THE TELEPHONE RING TONES AS PART OF YOUR REPORTS ASAP!

匿名 說...

For money cafe, the same, the background music are too loud that the audibility is too bad to hear.

MoneyCafe 說...

可否告知是那個環節有電話聲?

有錯一定要認,希望大家見諒.....

匿名 說...

it did not happen within a segment of a programme, instead it was recorded as part of the reports for daily stocks/index roundups and financial news. This problem has consistently been happening, not only just for once.

Zo 說...

那個環節有電話聲?
有錯一定要認,希望大家見諒?

唉!節目質素好,但係音響技術就差啦。點止電話聲,仲有大細聲添!

匿名 說...

以前睇華爾街速遞都聽到貴台 office 有電話響
不過而家就以 MoneyCafe 嚴重D

Victor上

MoneyCafe 說...

經查明後,電話聲主要是來自中環office。

由於Moneycafe或部分嘉賓是在中環 office做直播/ 錄影。由於地方是與港聞組共用,很難要求正常採訪不接聽電話,以至有如此蝦碌現象。

對此深表抱歉,讓我再想想有什麼辦法....