2009年9月17日星期四

好了傷口忘了痛

一個股市,一個樓市,似乎海嘯真的沒有發生過。

恒指升至13個月高位,「金九」半個月恆指就升左二千幾點。

用技術走勢印證,大市由07年高位近三萬二千點跌落嚟,到舊年低位10676點,喺星期三啱啱收復番一半失地,即完成所謂「黃金比率」既五成反彈。

上星期至話港股、有望見二萬五千點,轉眼大市已經迫近二萬二,李兆基都係嗰句,話而家要居安思危,又話自己開始唔識睇市。

而相比起股市,樓市的情況更令人吃驚。

一個尖沙咀8百幾呎單位,賣到二千四百幾萬,部分相連單位呎價更做到3萬6千蚊。

太古城海景單位,依家要過萬二蚊呎。

其中一個做成樓市泡沬原因,是內地資金瘋狂入市,幾乎下下現兜兜買貨,睇樓更只佔小數,幾乎只要聽到叫價合心水就入貨。

另一個推高樓價因素可能與低息有關,好似依家買樓上會,如果造拆息計按揭,現水平利率低至唔使一厘,幾乎係有紀錄以嚟最低。

優惠利率計嘅話,部分銀行提供P-3厘25優惠,即係實質利率只有1.75厘。

金管局終於出手,去信銀行提醒佢地要留意按揭利率定價,有無利率、同資金上嘅風險。

大量熱錢流入,現時優惠利率,同反映銀行資金成本嘅拆息,兩者之間息差有近5厘。

金管局話,呢個水平唔正常,按過往5年平均計,最多只有3厘9。金管局提醒,一旦息差情況逆轉,銀行會被逼大幅加優惠利率,呢個情況05年就試過。

金管局未來嚟緊會接觸個別銀行,要求佢地交代,現時提供俾客戶嘅按揭利率係咪合理,同可以承受利率,同資金風險。

說來諷刺,當各行各業都要想辦法開源節流時,資產市場就當海嘯從來沒妻發生過,世事真的可以如此完美的嗎?

4 則留言:

柒加伍 說...

你覺得唔仲意可以轉台,無謂要人改變風格呀。

匿名 說...

原来羞辱人可以说是一种风格. 甘都得!!
不如叫胡曼青叫他的儿子上学时是羞辱他的老师,然后说着是我的风格, 还说这是我的风格是跟我妈学的,有是找她吧了!! 您想胡小姐会有怎么的反应.
要知电视台是公众事业,乘担社会责任, 这个不关转台和不转台的事或是看不看的问题.请不要颠倒黑白,把不对说成对.

亞羊 說...

"羞辱人可以说是一种风格??"

咁試問閣下買了該股票為了什麼??

現今升市就是大價股, 但又問業績有問題股票??

反過來問投資者点降買入該股..
答案多數是: 不知道....

亞羊覺得這絶不是 "羞辱",
而是 自取其辱...
因為冇聽過 証監一句 "學問為先"??

不過,都要多謝這批股民,若冇這些股民,那炒股票可能更難...

咩... 咩... 咩..

匿名 說...

亞羊,你的思路发生问题. 羞辱是从人与人之间的态度,而你所提的是人与投资市场的态度,两者是不同的范畴,不能混在一起来谈. 看来你单是跟胡小姐刷鞋,还有上晒脑. 这种思路不宜涉及投资, 很容易输大钱.