2009年12月21日星期一

光怪陸離

我們早已在上市委員會首次否決俄鋁上市時,就提出要留意呢單Deal,想不到最終都變成一宗「大龍鳳」!

獲批上市嘅俄羅斯鋁業,只能夠私人配售上市,每手成本二十萬港元,但散戶最少要俾一百萬,先可以入場。

消息指,證監會希望散戶理解到呢間公司嘅複雜性。

但說來矛盾,既然公司債務如斯複雜,監管機構大可以禁止俄鋁上市,現在禁止散戶參與,反而因為減少「供應」,分分鐘會「人為地」製造需求,結果是引來更多散戶冒死參與。(香港擁有百萬元流動資金的人何其多呀?)

其實俄鋁承銷團曾經諗過,將股分全數配售形式上市,甚至以介紹形式上市,但需時較長,最終認為唔可行。

當然潛台辭是,介紹形式上市不能集資分毫,當然是不會考慮。

據了解港交所上市委員會,上周四會議中,原則上對俄鋁上市開出綠燈,但要求提交更多補充文件,當中最受關注的、亦是俄國國營銀行短期貸款問題。

我們也是因為這間VEB,才對俄鋁上市表示關注。

想一想,近日俄鋁要重經高達170億美元債務,如何取得資金肯定是關鍵。

最後,俄鋁終於獲得國營銀行VEB貸款,能夠重組債務,本來屬利好消息,偏偏VEB提供的年期只有一年,仲要獲分配上市認購股分,世事又何來咁巧合。

在事件曝光後,VEB先承諾會延長貸款期至二零一三年。

由於要應付債務問題,同其他因素,俄鋁一定要爭取喺今年底獲批上市,否則要重新預備招股文件,可能令上市計劃押後到四月,係俄鋁最唔想見到。

為左配合監管機構要求,俄鋁上市文件多達一千頁,係有史以嚟最厚既招股書。

偏偏這分「重磅」招股書,散戶連公開看的機會也可能沒有。

跟據現在的發展,一旦俄鋁將每手入場費大幅增高,就會類似當初構思嘅「專業板」市場模式。

DAVID WEBB亦批評,無需要咁做,因為監管機構應該以披露為本做大前題。係咪認購新股,係由投資者,唔係證監會決定。

David Webb話,限制散戶參與招股,反而減少保障。一來,散戶只要花得起二十萬,仍然可以喺二手市場買到。

如果公司出事,公司法規定,佢地唔可以根據招股書既內容、向違規公司作出控告。

至於提高每手股分金額到好高水平,David Webb更直言證監無「耳性」,原因係九八年推出創業板時候,已經作出廣泛諮詢,結論係過分繁複同無效率,緣何又舊事重提?

5 則留言:

亞羊 說...

唔知報價機点set??

係都買巴郡啦!!!

篤手指唔知股票行受唔受呢??

咩... 咩... 咩...

亞羊 說...

再唔係走去平機會...

是否平等呢???
只准州官放火,百姓不能点燈..

咩... 咩... 咩...

pakman 說...

Rusal is a mystery.

With the key question being IPO in HK, why now, why in this state... This is probably one of the most tortured IPO seen in HK.

BUT!! I think I cracked it.

I have read through it.

The Russian forces behind this IPO.

The policy behind this.

It is a very very good story...

pakman 說...

Next Wednesday on Money Cafe my friend hor hor hor

亞羊 說...

一格一萬啦...

短炒...

買388....

咩... 咩.. 咩...