2010年5月1日星期六

高盛門

經過十個小時國會聆訊,布蘭克費恩在內部電話留言中,提醒員工,在可見將來,外界對高盛既關注仍未停止。

話口未完,聯邦司法部門就對高盛展開刑事調查,導致高盛股價曾經大跌一成。

高盛話,基於近日各界對佢地既高度關注,佢地對有關消息並唔意外。

講到自己好似置身事外咁,果然係高人。

檢察部門同證監會合作早有先例,過去曾經出現過兩個部門同時提出起訴,但有法律界人士話,要刑事起訴由於有較高既舉證要求、要證明詐騙有好大困難。

舊年底檢察部門曾經高調刑事起訴兩名前貝爾斯登僱員,指佢地喺07年涉嫌詐騙投資者,雖然聆訊中調查部門列舉左大量電郵同證供、但檢察部門最終都係敗訴收場。

雖然刑事起訴難,但高盛要面對更多的民事訴訟、就是不爭的事實。

關引起人關注,是一個名為Basis的對沖基金,要求高盛賠償一億美元。

Basis是一間已經倒閉的對沖基金,原因就是他們買了高盛一隻名為Timberwolf的CDO,結果價格大跌要清盤收場。

而Timberwolf正係喺早前高盛交比國會既電郵中、被一名聯席交易主管稱為"Shitty Deal"!(譯作狗屎交易是否恰當?)

回顧整件「高盛門」案,最大證據,就是黎自呢一批電郵。

依家高盛員工人人自危,投資者亦是借呢的電郵,告高盛點解明知係垃圾產品都賣俾佢地。

白紙黑字,成為罪證,二千年科網泡沫時,美林同花旗都試中招。

當時老行尊話花旗,同美林蠢,原來行內人習慣,重大事情商討,只講電話,不落電郵。

原因好簡單,喺電話無論講過咩,將來都好難追查。

布蘭克費恩師傳、即係前財長保爾森,就出晒名從來唔用電郵,有咩全部透過電話指揮。

布蘭克費恩亦深明呢個道理,出事以黎,同員工對話,淨係用電話留言。

所以最終拖累高盛同圖爾嘅,可能就係一部Blackberry,後生一代貪方便累事,一部智能手機在內,據講高盛年資短員工,其實唔識用電話留意呢個功能。

而事到如今,高盛已經成為National Enemy。

有高盛員工就因為太大壓力,唔敢去公開場合,連成班同事外出食晏都驚。

部分員工更被上司提醒,工餘時間,記著低調的。

一代天子門生,今日搞成咁,都咪話唔令人心涼。

3 則留言:

Angie 說...

Blackberry has always been controlling those Bankers' life 24/7! Just like a pocket time-bomb!This time, it provides the court with those "shitty evidence" as well; How ironic, right?

But the stock price of GS dropped 10% is also causing the layman investors losing their money!高盛,害人不淺! 定話係「錢」先最害人呢? Every year, graduates are still 趨之若騖,以入到高盛工作為榮!Sometimes I feel like it is more like 邪教, or else Lloyd Blankfein wont claim himself doing God's work! And I think he truly believes in it himself!

Maybe it's time to change this insane culture!

亞羊 說...

香港ICAC 工作D人又咪咁...

密密實實...

咩... 咩... 咩....

MoneyCafe 說...

所以今天看到Blainfein在CNN中,要說自己都是草根出生,跟他之前說要做"God's Job",真的是由天上跌落凡間......