翻生凱恩斯

上星期我地介紹過Simon Johnson既"13 Bankers",同今個星期拆局好書都可以話一脈相承,同樣都係反對政府拯救銀行,不過唔同既係、今日介紹呢本由諾貝爾經濟學獎得主「斯蒂格理茨」所寫既"Freefall",難讀好多!

原因正正係呢本書既弱點,太有野心!

Joseph Stiglitz斯蒂格理茨呢本"Freefall",唔單止由金融海嘯成因講起,亦都有分析政府角色以及改革金融銀行體系既見解,當然佢亦都有提出解決問題既方法,但最獨特、亦相信最有資格由佢,就係點樣改革而家主流既經濟學!

本書一開始就以奧巴馬出任美國總統做開頭,話佢曾經好有機會、可以改革目前流弊多多既資本主義制度,令經濟回復穩定同持久既增長,但最終奧巴馬係錯過左呢個機會!

呢個被斯蒂格理茨形容為人類歷史上、最昂貴既錯誤,其實就係指奧巴馬無接管有問題銀行,而係透過不斷注資銀行體系、拯救呢啲所謂"Too Big to Fail"既銀行!

佢提出,而家既金融體系需要作出結構性改革,銀行唔應該再從事高槓杆活動,而係回歸基本,提供有效率既結算服務,提供借貸同管理風險。

喺斯蒂格理茨眼中,「大政府、小市場」先係解決金融危機唯一出路,而且面對住雙底衰退既風險,政府應該要準備提供第二輪救市方案。

呢個建議,喺最近呢幾日、寧捨啱聽!

當然斯蒂格理茨明白錢唔會由天上掉落嚟,佢認同政府要控制赤字,而最好方法,係向有錢人埋人: 大幅加稅!

主力提倡政府介入,唔怪得經濟學人,會用凱恩斯翻生、嚟形容斯蒂格理茨,佢自己都喺書入面一再表揚「凱恩斯」,認為過去幾十年「凱恩斯」得唔到學術界應有尊重!

呢一部分亦都引伸到書入面另一個主要話題,就係要改革現代經濟學!

以「不對稱資訊」而贏得諾貝爾經濟學獎、斯蒂格理茨評擊部分取得諾貝爾獎得主,提倡既所謂金融創新,就係間接鼓吹金融海嘯!

佢更搬出左海耶克同Adam Smith,認為佢地都有提倡政府角色既重要,所以新既經濟學教科書,唔應該再一味提倡市場萬能!

總括嚟講,"Freefall"喺為救市方案成效同經濟把脈、似乎係好有前贍性,經濟發展亦好似被佢不肯言中,但自相矛盾既係、既然政府經常被佢批評到咁無能,我地又點可以依靠、一個再大既政府?

留言

I saw this book on your desk the other day and I was thinking "oh my, he must be desperately looking for something to read..."

Here's a book I strong recommend "The Rational Optimist" by Matt Ridley. The electronic version is better as there are so many cross referencing but killing trees is not a bad idea either.
Moneycafe說…
Freefall isn't a good book to read, it's too ambitious...
Of course I want to have a ebook, but iPad still no news ah....

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將