唱高開低


剛講完邊個分析員估得準,又想考大家、邊一種資產係全世界都估錯?

都唔易估中,係人民幣!

當全世界憧憬人民幣會持續升值,今年總結......升得百分之三「咁大把」!

所以有策略員都講過、因為憧憬人民幣升值而買不交收Forward,其實未必化算,相反趁著熱錢狂潮炒轉新興市場,反而更值搏!

人仔自己唔升、不過靠著呢個升值STORY,加上資金流入,亞太區資產就全線標升,區內股市升至兩年半高位,至於區內貨幣亦升至六星期高位。

升幅最凌厲係台幣,創出十三年新高,馬來西亞貨幣上到七星期高位,南韓圜亦去到兩星期嚟最高水平。

交易員話,部分資金由內地轉投其他新興市場,更形容,胡錦濤訪美前,無人願意沽出手持貨幣。

由於QE2,區內貨幣2010年間,買盤多過沽盤。

今年嚟,泰國,同馬來西亞貨幣累積升左一成,台幣,同坡元亦錄得近百分之九升幅。

交易員話台灣央行如果唔係連番干預,台幣升幅會更大。

出年通脹,熱錢呢四個字,繼續令區內央行負責人頭痛。

所以未到新一年,南韓已經出手,出年起再下調外資銀行投資外匯衍生產品上限,國內銀行上限亦都調低。

台灣當局連日嚟亦審查外資銀行外匯交易,包括不交收遠期合約買賣情況。

印尼更決定、分階段將銀行外匯存款準備金率,由目前百分之一,到出年六月大幅調高到百分之八,變相要銀行保留更多外匯,減少熱錢,預計可以吸收25億美金。

不過大摩提醒,區內基本因素仍然理想,但唔少區內貨幣已經充分反映合理價值,高通脹情況下,明年各央行點部署資本管制,值得各位關注。

留言

匿名說…
please read..
http://www29.discuss.com.hk/viewthread.php?tid=13664228&extra=page%3D1

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將