2011年9月5日星期一

真理?

講要自由浮動就容易,有沒有想過如何落實? 人家對沖基金一旦做你世界,一邊散布撤資消息一面做雙邊套戥沽空港元期指,又或者反手大手吸納港元期指,炒高之後再散貨,你又如何應付?

仲有,居然敢說脫勾後形勢有變又再掛勾? 你當市場傻既? 邊有人信你? 無公信力的貨幣發行局有何公信力?

不錯,講得大聲唔代表你無禮貌、只係代表一個人心虛!! 辭窮則氣現,不能心平氣和討論,只懂聲大夾惡就是專家??其實牛頭角順嫂都明白市場不可能完美,市場都有失效時候,君不見三年前的金磚海嘯?

我們不是贊成永遠實行聯匯,因為任何制度都有代價,自由浮動一樣有它的壞處: 過去香港是一個出口港,沒有實質天然資源,聯匯容許我們與貿易夥伴定價時可以減少匯兌風險。

今天的香港、匯聚的不再是貿易,而是人材資金及資本流動,對一個如斯開放的市場應實施何種貨幣制度,當然可以討論,但永遠將自由市場掛在口邊,只懂將經濟理論當成真理,恐怕那不是太天真、是太傻了吧!?

6 則留言:

Tony 說...

香港仲講貿易?
出口,進口轉口全面痿縮, 加上仲有幾多用港幣用黎做結算?
大單交易唔係用美金就係用人民幣, 相信只有股票同物業係用港幣計價吧.....
從事貿易企業或個人自有一套方法去處理匯率及利率風險, 唔一定要靠聯匯
84年嘅 7.8:1 嘅匯率仲係咪合理, 相信冇人可以拍心口保証吧......

WING KIN 說...

基本一上 2 害取其輕。

俾 d 基金佬食大茶飯基本上係避唔到,但如果只係一次半次, 以而家既基調, HK 未至於食唔起。

反而任由匯率 & 息率不合經濟形勢咁低企, 果種慢慢閹法仲痛苦。

匿名 說...

羅家聰 唔會再上Money Cafe.........

Simon the Conservative 說...

因乜事搞到咁燥底?

Evan Lin 說...

"講要自由浮動就容易,有沒有想過如何落實?" 呢個先係main point。

KC 個point唔係話脫勾有一定嘅benefit,而係政府嘅standpoint 係完否定脫勾嘅優點。一個policy 要改,要經過一定嘅研究,冇人(包括KC)否定過脫勾會比人做世界嘅可能,但係呢個係政府嘅責任去行出一歩去研究。如果真係對香港有好處,如何去定policy 落實執行,言之尚早。

興就興在,政府冇諗過去行第一歩。只係否定輸入性通脹同聯匯嘅關係同佢地對香港民生嘅影響。

KC 冇心平氣和討論,係一個問題,佢個論點有冇point 又係另一個問題。

話時話,"MoneyCafe" 今次好似同平時嘅style 有啲唔同,冇左果種冷眼評天下嘅傲氣。希望只係個別文章。

hkaladdin 說...

有point? 我唔覺得囉... 青姐都喺報紙講同一個問題,但感覺完全唔一樣。Style? 佛都有火 !!