出手


如果「坐艇」可以坐著「POSITIVE CARRY」,都唔錯。

呢隻142呎長、要九個船員先開到嘅巨型遊艇「POSITIVE CARRY」,零四年先落水,有五間豪華睡房,加上船主有三個小朋友,因此全隻船都非常Child-friendly,設有唔少小朋友嬉戲設施。

船主就係UNITED CAPITAL 行政總裁John Devaney,而家隻艇連同豪宅齊齊放售,搞成咁,又係次按出事。

九九年成立的UNITED CAPITAL,最近因為投資次按損手,旗下幾隻對沖基金已經停止比投資者贖回。

最近幾隻爆煲的基金,公布原因都有提到離不開資金市場逆轉,大家可能會同John一樣開始問一個問題,到底伯南克去左邊?

前聯儲局主席格林斯潘喺87年股災,LTCM出事,以至911都分別以出口術、或者係發動華爾街大戶、甚至直接出手救市,金融市場封左佢做股神,「有求必應」!

英國金融時報LEX認為,同格林斯潘唔同,伯南克只係睇經濟數據制定貨幣政策,而今次次按危機只係影響信貸市場,因此喺通脹未解除威脅下,聯儲局一直都未有作出行動。

不過兩年期債息已經開始反映,今年內聯儲局會減息兩次。利率期貨亦顯示,年底前減息機會率增加5成6。

以上周五美國失業率升至百分之四點六,股市又急跌二百八十點,看來呢部印銀錢機已經蠢蠢欲動.....

星期二晚Money Cafe請來馮孝忠,除了講今次次按問題外,仲會講下市場對次按與CDO的一些誤解。

留言

匿名說…
where is the customer yacht ?

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將