文章

顯示從 十二月, 2014 起發佈的文章

2015

逆時針,倒時序,三百多日以來,我們一度以為世界末日,烏煙漲氣,充斥悲情。 結果,無論肉眼所見,數據顯示,安然無恙,大步行過。 今日唔知聽日事,那管上海威脅,競爭力下移,香港一年來仍然展示三個英文字強項:R.P.S Recover、 People、System,每樣都應該更樂觀,更自豪。 投資市場變化之大,用黃師傅說法,出年?極其量只能夠做半年預測。 又或者用羅博士比喻,近期市場一眾負面因素,其實是近幾年黑天鵝變白,白天鵝再重新變黑所形成。 去年贏盡全球,募集資金最多的對沖基金經理,今年幾乎包尾。星級一姐 Meredith Whitney創業搞對沖基金,結果基金幾乎解瓦,前者衰信通脹,後者錯在固執。 Crowd trade跟大隊未必傻仔,最重要在於閃身時間掌握! 信通脹,香港買樓仍然有錢賺。信內地通脹會加息,肯定作出有關預測的分析員已人間蒸發。 相反,太堅信內地基本因素不濟,令內地股市下行持續的一眾,投資者層面絕對無錢賺,專業操盤手層次,或者過半數已經解僱! Year-to-date,內地股市升五成,市值超前日本,正如卓伯德指,超前美國未必天方放談,但市場同時不能忽略,內地有大批非流通股未計算在內。 央媽愛市場,大媽勇於入市,前者成全了後者,而後者亦證明前者向現實低頭的政策是成功。 二媽合作,天衣無逄! 金融海嘯期間,市場學會頗多英文行內用字:ABS、 CDS、CDO... 而今年久違了得國產牛市,新認識中文字眼用詞更加多: 新常態、一帶一路、互聯互通、估值修復、滿倉踏空、滿倉套牢、高倉健、倉井空、僵屍復活等等...... 興奮之餘,市場亦不能因為央改,而忘記失聯、因為貸款,而忽略壞帳。 香港雨傘運動告一段落,但內地同時仍然進行股市雨傘運動,大量槓桿,充斥Umbellar Trusts雨傘信託產品,骨牌效應或要提防! 山水有相逄,當日新經濟股抬頭,個個愛騰訊,但近期不少電話查詢,投資者卻正為是否沽騰訊,買建行、沽環保股,買國壽而坐立不安。 法巴鄺樂天認為,投資者抉擇及舉棋不定前,最好先問自己,你玩Trend,短炒投機,抑或投資先?專業投資者著重是趨勢,而非走勢! 2015年,新舊經濟股可以千帆並舉,概念多的是、惟同一時間,市場變數亦多得很。法興提出,全球央行貨幣政策首次出現不一致局面,後果及

教父

「校長」李福兆辭世,股壇教父一身經歷大起大跌,蓋棺定論,證券界既認為,李福兆功大於過,而「校長」本人無論功與過,成與敗,其實對本港證券市場都有重大貢獻。 中環老行尊強調,李福兆並非聯交所首任主席,皆因聯交所正式成立之日為一九八零年,首任主席實為「金王」胡漢輝,之後胡氏及「校長」輪流做莊,到八六年正式開業,李福兆僅可稱上聯交所開業主席。 「校長」、「金王」二人七十年代末期穿梭業界,促成四會合併,今日港交所交易大堂,亦是兩人跟政府、置地簽字落實租用,而當日有份在場,原來包括現任香港特區首長! 「金王」一早仙遊,有老行尊認為,適逄事業高峰李福兆,少一個制衡,或多或少是變得處事霸道原因。霸道不等於無貢獻,「校長」功績之一,是令本港證券市場普及化,參與者提升。 話說,一九六九年之前,香港股票市場由香港會話事,洋人作風,壟斷地位,公開喊價模式交易全部英語進行,華人從業員,以至華資公司難佔一席位。 直到遠東交易所出現,情況徹底改變。 「校長」有份帶領的遠東交易所,率先改用中文交易,兼引進當時大批如長實、新地等華資公司上市,經紀人數不斷增加,股票不再是有錢人玩意。遠東之成功,之後再有金銀會,九龍會出現。 「校長」之功,在於打破股市壟斷,市場結構改變,及引入競爭。 而正正由於當時市場暢旺,四會競爭劇烈,形成不健康搶生意現象,包括降低上市門檻,各自爭攬新股。到七三年股災,再次觸發本港市場另一巨變。 外界以為,四會合併及聯交所成立,全數由校長一手包辦,事實不然。 四會不理性競爭,及股災出現,真正建議四會合併實為James Selwyn 施偉賢,即本港開阜以來首位證監專員。 施偉賢上任後,著手改善證券市場,並於七五年建議四會合併,但在華資、外資競爭,割據一方,合併呢張牌最初備受抗拒。 約一九七七年,市場死寂,合併舊事重提,負責幕後游說,擺平利益,責任落在「校長」身上。 無施偉賢推動,無「校長」穿梭,香港股票市場有可能等同美國交易所五花百門亂局。 純粹背景資料,當年四會合併形式獨特,先成立聯交所,四會成員可自行申請成為聯交所資格,每個牌十萬蚊,合併後一段時間,其實四會實際上仍然存在。 八七年停市四日,改寫李福兆下半生,「校長」被千夫所指,亦有意見認為,時任財政司翟克誠稍為成熟的話,結果會相當不同。 李福兆的確有過失,他成就了市

圍飛

假期前,我們為今年主流預測準確性,算個帳!! 而總結一年,與其數滬港通、計樓價升幅等等,其實簡單可以用「定向」兩個字,以概括環球以至內地市場表現。 美元定向上升、債息定向回落、油價定向插水,內地有定向寬鬆、定向刺激政策、定向降準,定向牛市等等。 但市場不能忽略,今年突破之年在於,內地前前後後出現多宗定向集資。 定向集資,在在貫慣內地激活私募投資主調,但白一點,跟「圍飛」分別無異。近一個月,圍飛集資,或定向套售,涉及已有平保、海通證券、及剛剛宣佈的中信證券。 該三宗「圍飛」配售,不知不覺涉及逾千億,而無獨有偶,每間投資者數目六至十,最簡單數字遊戲,頂多三十名投資者參與上述三宗「圍飛」配售,人均涉資三十三億。 以往,集資越多,投資者數目理應越多,惟在定向主調大前題下,市場奉為必然的假設已經打破,原來集資越多,投資可以以越少。 以海通為例,定向配售H股集資三百億,涉及資金相當於早前上市集資額的兩倍四。 中信證券當日上市集資一百三十二億,最新計劃定向增發H股,規模最多達四百三十二億,即等於重新上市三點二次。 平保、中信證券、海通,遠如中信集團整體上市,中石化賣資產,華能配售、信行集資等等,其實今年中資股完全充斥定向味道,規模之大尤勝數隻阿里巴巴公開上市,而當中最然首推中石化賣零售業務,及中信數百億資金注入267。 上述兩宗交易,涉及個別國際投資銀行參與,包括大摩及高盛,亦令其可以保持區內處理交易額排名五強。 但問題來了,投行交費排名,主要衡量該行本身在有關集資或併購活動中的貢獻,如果單以中信及中石化兩單計,投資者老早就埋班,認頭,情況亦變得有趣。 原因客並非自已拉!! 參與行由於貢獻規模有限,有意見認為要將多宗「圍飛」配售或交易涉及的投資銀行,剔出計算排名表考慮之列。如是者,大摩處理交易額區內排名,就會即將跌出五強。 而高盛如果扣除中石化賣資產的話,處理交易金額更大減八成。 難怪有中環人戲言,內地盛行的定向及「圍飛」配售及交易,幾乎等同變相封殺老外投資銀行。交易要靠中資,但中資數百億集資,原來十人以下已足夠承包,中資券商抬頭,挑戰及超越歐美一級大行,絕非天方夜談。

共識

普天同慶, 新一年亦就嚟到。 舊年今日, 各大經濟師、 股票分析員、 策略師做前瞻同 預測, 3百幾日後嘅今日 ,成績點呢? 樓價跌,股票升, 係舊年分析界對今 年走勢共識之中嘅 共識,結果全線錯 誤! 樓價破位持續,反 而恒指全年埋單、 極有機會要跌。 發展商,代理日日 唱好樓市,話開價 極抵,事後孔明, 原來最老實,無呃 過大家!! 陶冬曾經預期, 今年內地增長 7.8%, 內地唔減息, 勁錯!! 有股評人提出 2014年 兩大孖寶股份推介 ,騰訊及銀娛, 後者幾乎血流成河。 同樣貨不對辦嘅, 當然有麥嘉華,每 次揚言美股大調整 ,每次美股都係升 勢依然。臨近年底 ,今年唔尋常嘅事 情太多,近嘅、包 括港股一改成交例 淡,臨近長假期, 竟然有過千億。 而美國經濟增長 向上修定至5%, 十一年增長最強, 道指、 標普十二個月後 目標, 兩星期內已經觸及 ,大節當前, 固然可以視為 聖誕前漂亮嘅天鵝。 今日可以成為漂亮 嘅天鵝,聽日隨時 可以構成黑天鵝事 件伏筆,包括經濟 太強,美國可以提 早加息,甚至包括 美股太盡,預測市 盈率超過十七倍, 大有牛市第三期嘅現象。 油價低, 美國經濟強, 美金勁, 股市繼續看漲, 係目前市場對來年 預測共識。 共識形成, 往往係市場走勢 逆轉之時。 大家有留意嘅話, 內地大媽、券商、 大戶共識已成: 係股市繼續提振、 A股坐四望五。 但相比美股嘅 美麗天鵝, 內地股市近日太有 醞釀黑天鵝味道!! 借孖展炒股 本應係風險之極, 但市場近日對 融資融券餘額急升 , 券商集資去做孖展 業務極其受落, 大叫利好, 太有反智意味。 美股掂,美金強, 內地股市進入新牛 市,呢三個共識, 任何一範稍有唔對 辦,某程度上,係 互相牽動。 近期, 本港私人樓大賣, 居屋排隊攞表,市 民大呻、只要有貨 ,唔怕住郊區,本 港樓市長升不跌嘅 共識形成已久,亦 都暫時未有出現違 反共識嘅跡象。 銀行界共識仍在於: 美息即使升, 港息可以唔跟。 無疑,資金氾濫, 本港資金仍比正常 多嘅情況下, 上述推斷毫無漏洞 。 要留意嘅係, 港匯一改年底例強 情況, 美電升至7點76 水平, 或多或少喺加息 預期下, 港美套息盤 已經出

平反

為許家印討回公道 好、正視問題也好 ,證監會首次出手 郁沽空研究機構, 市場中人幾乎清一 色叫好,再次讚證 記well done!!! 但從另一角度看, 證監會一個行動, 一個理據,其實帶 出更多考慮,更多 需要正視地方。 Citron兩年前發表 報告,大數恒大地 產的不是,當日恒 大跌兩成。證監會 以發出虛假及誤導 性資訊為理由,於 市場行為失當審裁 處,對Citron展開 調查。 但結論及裁 決未有,幾個問題 即時來; 一, Citron屬於非持牌 人士,即使有證有 據,那有如何? 二、兩、三年前太 多獨立研究,經典 當然要數渾水,現 在證記只郁Citron ,難道曲線確認, 渾水當日對個別公 司指控是有理有據 ? 三,如何證明 Citron發出虛假及 誤導資料?呢點亦 屬於最困難! 簡單而言,Citron列 舉恒大多個問題, 包括負債極高、太 多資產負債表以外 活動,帳目及銷售 跨大,債務人為低 估等等,而當日多 間券商均異口同聲 不認同Citron指控 及其理據。 但資料 失實,跟向大眾發 出欺詐成份資料, 可以屬於完全兩個 不同定義。 按證券條例二二七 條界定,證監會、 或行為失當審裁處 ,需要證明Citron 明知資料有誤,而 故意發放,才屬於 違規。 中環人提出 ,表面上當日該機 構提及恒大有關資 料說來跨張,但 Citron亦絕對有可 能賴死唔認故意!! 強調自己資料經客 觀取證!! Citron一事,除牽 涉故意發出虛假資 料難以界定外,更 帶出整個監管空洞 。 學者提出, 既然持牌分析員 受監管,而非持牌 獨立研究機構亦可 以被郁,那現時市 場充斥的非持牌獨 立股評人,又點先 ? 獨立股評人基本 上無入場門檻,即 使羽翼未豐,個個 都可以獨立股評人 自居。 但中環老行尊指, 如果獨立為名,股 評人包裝,但背後 或者牽涉不同利益 持份者,某程度上 其實與Citron 無異,他們跟獨立 機構最根本之分別 ,往往只限於叫沽 ,及call buy之分 。 要執正的話,不 是要打擊獨立運動 ,而是要強化及完 善申報制度!!

聖誕亂象

內地股市近幾星期,出現一個聖誕現象。 所謂聖誕現象不外乎:一,聖誕燈飾;二,狂歡;三,狂歡期間非理性行為;四,酒後亂事。 內地無聖誕假,但上證指數一日內,多次時升時跌,製造報價機上時紅、時綠,早就為內地提早送上聖誕氣氛。 券商、私募基金、散戶及大媽狂呼,大行合理值三千一、二左右,我國股民齊來倒數要四至五千。A股一路升,中資股票資金不斷外流,十周之內七周合共走資近八十億美元。 佳節當前,某程度上中國股民及投資者,為大戶送上祝福,令其安全高位套現出貨。 中資股內熱外冷,可以認定為投資者結構不盡不同,或外資大戶走寶。惟近日,就連內地A股亦出現嚴重兩極化現象。 「中」、「國」字頭舊經濟股抬頭,概念股被斬頭。有內地證券形容,今日A股市況惹人關注是,指數炒高,小盤股炒粉,多隻個股其實出現股災。 逾二千隻股份下跌,逾百隻股份跌停,單單因為中金呼籲小心中小股,那太高估中金了!! 派對熱鬧後有人亂事,A股每逢升市後有作反,中證監表明,正調查十八隻股份有否涉及操控。無獨有偶,華爾街日報亦引述兩個不記名當局消息人士證實,中證監正就個股股份潛在造市行為,展開調查。 內地基於市場改革,增資兼擴容,對升市樂見其成,但不代表容許升市變癲市,甚至造市!! 中證監對孖展的瘋狂可不管,對全民皆股可不理,市場氣氛之好,股市表現之佳得來不易,正如內地分析指,內地股市當前最大風險:非經濟、非政策,而是股市瘋狂玩死股市本身,成也快牛,敗也快牛。 內地希望建立成熟市場,引入更多外來機構大戶,短則為入摩指鋪路,長線會令股市結構升級。可是,A股出現聖誕效應,到底引入外資大戶,抑或嚇怕他們,值得留意。 咸魚變大象股,基建、保險、內銀、煤、鋼,航運舊勢力復闢。從好方面看,至少可稱為價值投資,有估值修復概念。 但該批大價舊經濟股當炒,亦據講涉及大量私募基金染指,美其名是一帶一路,及低殘價值,但實際更多是方便為兩融提供抵押要求。

現在式

新一期經濟學人主題文章「Past and Future Tense」,以過去式套用將來式,環顧過去,經濟學人認為,環球經濟及金融情況,越來越似九十年代末期。 不足廿年前,當時環球市場美元呈強,歐亞卻出現兩個病夫:日本及德國。 美國當年風頭一時無兩,九九年經濟增長百分之四,失業率三十年低位,標普五百指數市盈率三十倍,數字上,目前未致於一模一樣,惟尤似當日薩默斯警示,全球單引擊行駛,絕對不妙!! 美國引擊修修補補之後,未算單天保至尊,中國新引擊形成新勢力,環球經濟發展而言,稱得上比九十年代平衡,但不要忘記,我國增長由近20%,跌至7%水平。 習主席要大搞主題概念,變相令基建及舊經濟模式復闢,極其擴張財政政策,變相極之寬鬆貨幣政策,我國領導人對來年經濟樂觀與否,不言而喻。 耶倫已經與Patient Couple兩個字劃為等號。考慮加息前會有耐性,兩次會議內不會加息,含意上某程度是一負一正,相互沖銷。 耶倫的耐性,已經令市場大好友的耐性按不著。 但可以預期,不消一、兩個月內,隨著兩次會議倒數,數據主導,今日市場解讀為鴿的儲局,明日隨時鷹派真身現形!! 瑞銀列舉來年環球風險,油價挫、高息債隨時爆煲、美國貨幣政策正常化及強美元進一步擾亂市場秩序,兼逢有普京貨幣危機,環球未致於到達危機地步,但為時不遠。該行認為,如今只寄望有重大事件出現,改變聯儲局貨幣政策正常化決定。 無疑,有關想法合符道理,但經濟、金融、政治及外交幾乎聯成一線底下。嘩,奧巴馬見印鈔後玩加息,可以令其餘國家慾仙慾死,到生不如死,牽引力既然強,豈會就此收手。 人人以為中、美博奕,但從另一角度,兩國何其合拍。 油價散,美國經濟受惠,中國亦然,普京隨時求見習主席,中國話語力即時提升,同一時間聖誕耶媽加息,強美元令人民幣貶值埋下落台楷,流動性及出口競爭力而言,中國又掂!! 去年,各大分析員揚言,本港今年樓價跌、股市升,結果原來調轉。政府對控制樓價能力及成績,有目共睹地....差!!! 既然無地,卻用二百多億搞房屋儲備基金,何其矛盾,政府不如用二百多億做資助首期算吧!! 外界覺得外圍越亂,資金流入本港越多,不要忘記,人仔來年極大機會改行貶值,按以往幾年,人仔升值預期與本港資金流向關連系數極高。 難道出年最大意想不到是,香港可以跟全球大隊,享受低通脹??

洗倉

下午三點十五分鐘左右,比亞迪電郵分析員,就股價波動召開電話會議。 說時遲,那時快,比亞電召開的緊急電話會議,即時出現線路塞車,據稱董事會秘書生氣了,電話會議就此取消。 面對股價由下午開市無耐跌4%、到8%,到15%,繼而20%,40%,及一度近五成,任何公司管理層都會生氣。 尤其不斷被電話追問,何解股價跌四、五成?點知啫,點答你啫,皆因比亞迪本身,亦根本對股價錄得史上單一最大跌幅真正原因毫不知情嘛!! 由成交榜僅佔廿多位,比亞迪股價越跌,成交榜排名越前,擺明股份已被洗倉。綜合基金界四大傳聞: 一,吉利翻版、受俄羅斯影響、 二,電動車銷售下跌、 三,有大戶股份抵押被追孖展,繼而斬倉、 四,政府更改政策,決定減少補貼。 似乎四個都會是原因,但四個單一原因,尤其減補貼,都不屬於最新消息,足以構成四分一日之內要跌約五成。 市場波動,高PE股被打靶,外界下午一度最擔心為,作為深圳市企業,因應內地近期情況,王傳福唔通......?? 又或者怕,一直賦予比亞迪溢價的股神沽貨。但暫時幸好,既然王傳福署名通告,即代表無野啦!! 至於股神沽貨,精於數口,他豈會揀每股三十多元水平,才決定分手? 比亞迪今日之跌,忽然令人聯想大摩功力!! 該行分別十月底及本月十一日,兩度下調比亞迪目標,到三十四元。 而最近一次,更預測最壞情況要見十九蚊。無獨有偶比亞迪今日正正稍穿該水平,隨即反彈。何其巧合,情況有如匯豐當年三十三一樣!! 中環人提醒,一二一一股瀉事件,不能視為單一事件,皆因內地炒股熾熱,私募基金盛行,兼且孖展槓桿充斥。 據稱,盤算高超的內地私募基金,基於息率成本等因素,老早將內地高Beta抵押融資股沽出,改為香港借孖展,而比亞迪正正是其中一隻熱門本港孖展融資股。 奈何,比亞迪弱勢持續,觸及券商追收孖展補倉水平,觸發個別斬倉,從而人踩人。 中,港股市融合,是好是壞,比亞迪提供一個另類反思。 基本面而言,比亞迪傳統車首十個月銷售跌兩成九,電動車共賣出萬多部,不算突出。 內地盛傳另起爐灶,大搞雙源無軌電車,兼大減補貼,正正令活在補貼及優勢政策下的比亞迪響出警號。 樂天虎當日四毫一,目前而言仍來得誇張,但習主席一帶一路、鐵路外交,舊經濟復闢明顯。 概念呢家野,無話永世既!!!

離奇供股

李寧、吉利,一間選擇供股,一間決定盈警,股價表現當然命運一樣。 中環人指,一定要形容兩間公司的話,前者是抵死、後者歸納為疑團重重。 因為俄羅斯問題,吉利預警全年盈利會下跌約五成,即全年賺約十三億。 用上半年十一億盈行計,下半年只賺兩億,按年大跌八成半。 當然,事到與今,全世界都知悉俄羅斯危機重重。但觀乎今年,吉利大約只有萬六部車銷售到俄羅斯,佔其出口比重三成,但佔吉利整間公司銷售只有百分之四左右,單單4%銷售佔比,可以令業績半年少賺近十億,何德何能也!! 外界一個懷疑為,吉利問題實不限於俄羅斯問題,普京僅為李書福提供盈警下檯階。另一懷疑是,吉利海外應收帳出事。按資料,公司海外應收帳約廿八億人民幣,近九億來自俄羅斯,貨幣由於貶值六成,匯兌虧擴約六億。 比起吉利,李寧對股東而言,一切來得簡單,就是氣上心頭。年年話改革,年年會會改善,惟成績等同於零、更甚是兩年內兩度供股,資金用途幾乎一樣,體操王子變為高台跳水運動員,奈何泳池水淺,佢未重傷,小股東先重創! 的確,非凡、TPG一眾人等承諾包銷,可以理解為信心及承諾。但事到如今,既然有信心,你倒不如將公司私有化,總好過隔年伸手,再言,供股未完,包銷費列明有百分之二點五,各方合共先收約三千萬左右佣金。 TPG原本透過金珍君,表現上為李寧動過真情,說去存庫,強調轉型、但二零一二年起,金珍君功績是為李寧帶來13億港元負現金流。帳面值、持一成八股權的TPG入股以來蝕四成左右,但別忘記該私募基金僅3.8%為實際持股,其餘全數屬於可換股債,可攻可守,但坐享高股息,由此角度而言,TPG從來對李寧認真過,講心抑或講金,心照也。 今次無論王子,抑或TPG,均只選擇按CB持有部門供股,談不上認真之餘,可稱得上均真,說到底坐享高息一批可換股債避免被攤薄。 而包銷名單中的羅先生,羅豫西資料不多,但名下投資多間A股公司,亦有染指個別本港二線股。李寧變數,可能已經不在重點於李寧,而是羅先生!!

赤色星期一

俄羅斯央行喪加息 六厘半,但對盧布 的支持維持唔到半 日。 市場仍然對全球 新興市場貨幣赤色 星期一相當憂心。 從好方面睇,俄羅 斯央行五日內,第 二次加息,幅度之 大、表明當局對捍 衛匯價信心之強。 但從壞方面諗,一 九九八年違約以嚟 、最大嘅加息幅度 ,而且成為歐洲近 廿幾年,央行單一 加息幅度最高一次 ,明確表明,普京 終於接受一個現實 :貨幣隨時有崩潰 危機。 金融市場層面而言 ,全球大於區內, 區內大於一國,市 場已經不再關注來 年中國增長目標, 財金政策云云,最 新討論主題是,區 內為首新興市場, 是否已經出現一九 九八年的貨幣危機 。 比去年年中一次 純粹憂慮美國退市 觸發的跌浪不同, 今次區內為首新興 貨幣跌幅持續、跌 勢之久,遠比去年 更為嚴重,而彭博 追縱新興市場貨幣 指數,原來已經跌 至十一年低位。 既可以稱為赤色 星 期一 ,更加貼切形 容為、血洗新興市 場事件。 盧布急跌同日,印 尼貨幣跌至九八年 低位、土耳其貨幣 單日跌超過百分之 三,創歷史新低, 印度再跌至十三個 月低位,遠至南非 ,當地貨幣單日跌 近2%。 貨幣層面 有跌勢之餘,印尼 債息上升至十厘, CDS指標反映違 約機會,喺委內瑞 拉大幅上升。 跟九八年一樣,美 元強、油價跌、新 興市場貨幣立體式 下跌,當年由泰國 至香港,至於今次 俄羅斯引發,終點 不詳。但比較十多 年前,有幾點是截 然不同: 一,區內 市場利率仍然相當 低,用最極端香港 做例子,拆息一度 見三百,現在仍然 大概是零點三左右 ; 二,區內平均外 債佔GDP比例大降 ,由當日四成,減 至兩成半左右; 三 ,九八年區內儲備 合共只有六千多億 美元,現在累積超 過八萬億美元。 但到底區內貨幣跌 ,係代表市場預示 經濟轉差?定係市 場相信美元繼續轉 強? 又或者到底係 咪油價下跌、而觸 發嘅連鎖影響? 仍然未有確實答案 。但敢肯定,美元 來得比預期強,徹 底擾亂大戶部署, 最新調查顯示,基 金持有現金水平, 增加至百分之五, 而更有趣係,對沖 基金持股偏低之下 ,槓桿水平竟然係 零七年最高,唔通 正正係對沖基金喺 油市,以及新興市 場輸大錢? 正如沉迷於A股升 勢同時,留意事項 有二:一,伯南克 印鈔機開動以來,

石油風暴

12月17日會成為聯儲局歷史性一頁,正式為長達六年既QE同超低率政策,劃上「完美」句號! 但「完美」既定義,只適用於美國本土市場,對其他經濟體來講,先係災難既開始。 不過耶倫既精心部署,包括低失業率同高增長率既經濟組合,分分鐘會被一場油價風暴撓亂!! 講到加息、恐怕無人心急過歐智華,不過獅子錢莊最新報告,就提出聯儲局加息時間表,可能遠遠遲過大家想像! 原因正係油價,由於預計持續下跌會損及商品及服務價格,估計到明年春節,美國CPI 會進一步跌至1%以下,換言之,「耶媽」到時要處理既、唔係通脹問題,而係通縮!!因此加息最快時間,都要到明年9月,而且比盡加息幅度都好有限,預期到2016年底,聯邦基金利率頂盡、都係1厘半,即係加息幅度都係一厘二五! 瑞信已經用「貴價油時代」告終,預測今次油市崩潰係結構性,上周已有不少分析同意,低油價會嚴重干撓俄羅斯、土耳其甚至挪威央行既貨幣政策,而家更表明,連全球最大央行都可能受到拖累! 更可怕係對全球資產市場進一次再分配,一旦恐慌蔓延,資產市場可能出現意想不到的影響。 由於油價急跌之快,好多對沖基金要補倉,好多時只能夠將手上最流通既資產套現,股票之外,垃圾債亦成為沽售對象! 今年以來,所謂垃圾債券既回報大約有5至6%,本來都尚算吸引,但估唔到一場石油風暴,令呢個總值1萬3千億美元垃圾債市場,分分鐘都可以爆煲!! 六月以來,垃圾債價重挫左8%,當中有三分一跌幅係今個星期先出現。計埋息率大約有回報5.28%,今年以來高息債只係勉強叫做唔使蝕錢,成為2008年以來表現最差,更唔好講過去兩年都有15%及7%回報。 垃圾債一度被認為,是最能夠對沖加息既資產,不過今次油市風暴,已經打破呢個傳統智慧。一啲持有重倉股市同高息債基金,而家都面臨嚴重贖回甚至有流動性問題。 不過值得注意係、聯儲局既歷史,對油價變動過去並唔係太過「上心」,以08年同11年為例,當時油價急升,但聯儲局對收緊貨幣貨幣既呼聲、完全當聽唔到。而聯儲局線人、華爾街日報既「大JOSH哥」,亦估計耶倫會按原定計劃,在明年中開始部署加息。 低油價係「兩面劍」,油價下跌當然可以刺激消費信心,但同時亦構成通縮風險。另一張Wild Card係歐洲,因為當地並不似美國咁依賴油價,但通縮風險就肯定會令歐央行面對更大量寬壓力,到時強美元分分鐘就會成為觸發另

新常態

有留意中央經濟工作會議,焦點已經不再是放在GDP 目標幾多、又或者財政貨幣政策有咩變化,而係「新常態」地位,被推高至黨中央共識,再次突顯習近平進一鞏固大權! 過去一星期,中環不斷流傳李克強被架空消息,由今次中央經濟工作會議都睇到,雖然李克強仍然有分參與,並對明年重點工作作部署,但明顯「克強經濟學」,已經唔再係「新常態」佔有任何官方地位! 完全由新常態主導。 一星期前拆局講過,「習隊長」權力集於一身,不論政治、軍事、以至經濟地位,都成為鄧小平以來,權力最集中既人物,勉強要做「阿二」,亦只有落得大權傍落。 新常態首次出現、係喺今年5月APEC會議上由習近平提出,跟據官方講法、經濟工作會議後,"新常態"已正式成為黨中央共識,並成為未來一段時期經濟發展的重大邏輯。 但對於新常態,莫講話外界認識唔多、就算官方內部,能夠掌握都係少數! 好似一句告別「模仿型排浪式」消費,就考起唔少官方人士,結果要專登搵社科院專家解讀,其實就係指一窩蜂既消費模式,例如汽車爆發式消費或家電下鄉,都歸類為呢種! 不過習近平可能唔記得左,所謂汽車或家電下鄉,都係由政府政策推動,商家同消費者先跟風參與,「起浪者」、其實就係政府本身! 當然,個性化消費、綠色消費又或者悠閒式消費,都係新經濟下重要元素。而配合新常態,經濟模式都要「換檔」,由高速變成中高速,更重要係、新既GDP目標,由過去既「約束性」指標,變成一個只係「預期性」目標,換言之,可高也可低! 瑞信陶冬博士就對新常態感到異常興奮,形客係中央首次明確表述左新常態既具態內容,重要性甚至高到、會成為明年第十三個「五年計劃」既基礎! 反而在內地走慣江湖既平安證券,標題就用「老調重彈新常態」,指出新意欠奉,並大潑冷水,提出明年推行的各種改革、並不可能達到市場預期既程度! 值得留意係、在新常態下,炒板塊規則固然有變,過去玩「家電下鄉」「汽車下鄉」固然炒唔起,反而在新常態下,2015年將是改革落實年,過去兩年提出左既央企、國企改革,以至資本市場、民營銀行准入,都會加快,識得炒既你,好應該知道點樣部署!

雙十二

百麗星期三公布既同店銷售,再次為內地零售銷售商響起警號! 瑞銀既「史賓沙.梁」在眾多分析員中特別細心,留意到百麗業績係受淘寶「雙十一」打擊,加上消費者已經認識到百麗定價過分進取,肯定未來同店銷售趨勢,只會拾級而下! 可怕既係、雙十一效應未完結,馬雲淘寶已經擺下「雙十二」戰書,又靠「全民瘋搶」打折半價做賣點,會唔會又掀起另一輪熱潮? 眾所周知,雙十一係專為天猫商家而設,到雙十二就係為淘寶集市商家谷銷售。不過今年居然遇到極尷尬局面,內地媒體形容「雙十二」已變成雞肋,不論商家以及消費者熱情都大幅冷卻,甚至興起「正反兩方」辯論,係咪應該取消「雙十二」! 的而且確,雙十一驕人既571億天量成交,有幾乎一半人話,係提早催谷消費者購物,加上有商家話要打折五成至七成,其實血本無歸,所以令雙十二急速「遇冷」。 跟據百度最新投票,有八成一既投票,都贊成「雙十二」早應取消,認為仍有亮點既,不足兩成。 有買家更喺微博埋怨,話平日買淘寶貨、兩日就送到,相反在雙十一,要兩星期先到貨,反正折扣唔多,就叫馬雲不如取消「雙十二」! 商家方面,雖然好似做多一倍生意,但有分析提出,真正贏家,唔係阿里巴巴同屬下商家、反而係對手騰訊既合作夥伴京東商城先真! 里昂在雙十一後,進行左一次大規模調查,指雙十一當日,天猫同淘寶的確分佔左49%及25%生意額,京東就以17%排第三,不過作為商家,由於強制要提供更高折扣,令佢地變得無利可圖! 令人意外係、調查發現買家原來對減價、其實興趣唔係大。據統計,平均貨品真正減價幅度只有20%,而且當中因為減價而選擇京東更低至16%,反而大部分京東用戶,更對快速送貨表示讚賞,有41%買家話三日已經收貨,相反天猫淘寶就大部分要一星期先收到貨! 過去一年備受疚病既退貨問題,京東亦遠勝,退貨率只有一成,反而天猫同淘寶就有三成買家話最終要選擇退貨! 更有趣係雙十二前夕,工商總局居然打馬雲嘴巴:話天貓有賣假貨!認真唔比面! 回想當日,阿里巴巴在杭州總部搞幾場大龍鳳、由陸兆禧、蔡崇信到馬雲輪流登場,市場亦以為阿里巴巴「完勝」京東,但無論由送貨速度到購物經驗,京東先係真正贏家。如果反映股價身上,顯然阿里巴巴而家就係Overprice,相反京東同騰訊仲諗得過!

不死券商

經歷過黑色星期二大跌市,內地股民星期三要做部署、知唔知第一件事會做咩? 考我唔到既、有上海股民就由面至底、再由底至面睇一次人民日報,睇下有無官方「風險提示」,結果發現無一篇文提到股市過熱。轉個睇到中國證券報,見到頭版頭條標題:「牛市撞腰不足懼」,簡直如獲至寶,可以重新放膽入市。 內地股民深切理解、作為政策風向標,社論先係股市最好明燈! 瑞信陳昌華都同意,可以同今輪牛市比較既99年至2000年A股升市,正正就係由99年5月一篇人民日報社論觸發、而家只係只係重複當年既Story! 要量度風向標,鬼子佬就唔識睇社論,里昂就用券商股、作為A股有幾熾熱既測溫計! 6837 海通證券,2012年上市以來,累積升左九成,夠熱啦! 不過要留意,當中有一半升幅係喺過去一個月出現! 當然上市以來,海通基本因素不斷改善,無論ROE、資產負債表,更重要係喺「發行人」排名榜、由去年第六位,跳升至第三位,成績表夠晒亮麗! 不過同步上升既、仲有係海通既P Book! 市帳率由九月底1.4倍樓下、已經去到2.6倍,貴盡全行,要支持股價,ROE要由8%先合理,而唔係而家只有1%咁大把!! 海通向分析員講述收購既聖靈銀行,係部署海外發展三步曲、包括先在港設立分支、先後於09年收購大福,而今次買聖靈就係最後一步,但分析員都係唔了解、到底券商同銀行、有咩協同效應? 無錯,聖靈由07至13年ROE 都有近10%,只係上半年要應付減值,所以先急跌。但未來要合併,附帶既成本急升,就更難估計、呢點,里昂一定唔會講,因為正正發生喺中信收購里昂時出現左! 無論如何,里昂結論係、即要面對集資壓力,未來ROE又可能下降,有貨既、無理由唔走啩? 不過好似FT講,內地禁賭,但股民同賭民其實無分別! 特別過去幾日A股成交屢創全球新高,較之前急漲6倍。唔使多、如果出年平均有6000億一日,花旗計過海通同中信證券就值得升多1.3倍!! 更不可忽視係內地既「動物精神」!又或者調轉用雷軍講法,站在風口位、一隻豬都可以飛起上來!

城投債

要來既終於要來,想避既始終亦避唔開! 我地唔係講佛語,而係講等左好耐既A股大跌市。高槓杆帶來既大牛市,唔講都知,係一把雙面劍,牛市當然成為帶領大市上升動力、但市場一旦轉向,風險亦都倍大!! 「上午數錢、下午抹淚」,相信對好多內地股民今日寫照。而特別對八、九十既新一代,都無經歷過券商斬倉日子,眼見明明上午升左既銀行、券商、內險股,都仲想緊咩位可以獲利時,下午已經被大手斬倉,血本無歸! 當然今日大市逆轉,市場消息眾說紛云,有傳因監管層出手,或者係券商進一步收緊孖展,以至中證登收緊城投債風險、扯高市場利率。 以上講既可能通通都係理由,不過一個上市公司通告,亦可能帶出玄機。A股掛牌既山西證券、在深交所發表通告,表示收到控股股東山西國信投資通知、要減持山西證券四千萬股,涉及六億幾資金。 講真,面對證券股近日急升,大股東趁高套現無可厚非,不過內地媒體就解讀成資金逃出券商板塊,殺傷力就變成非同少可! 諷刺既係瑞銀,朝早出報告先話非理性可以持續一段時間,仲叫散戶多搭一轉順風車,點知轉頭已經比網民鬧爆! 共出一徹仲有人民日報,今日社論先用「未上漲、就喊過熱」,形容目前A股未需主動調控,結果又成為「明燈」! 當然、由中證登引發既債市「黑天鵝」,的確對投資氣氛有心理影響。城投債問題,坦白講、過去半年除左美林既崔魏,大家都好似唔記得左,但今次由中證登出手,就令市場風險意識提高,將一眾高風險債券、人民幣、以至股票拋售,引發震倉潮。 債市震倉係咪不利股市?市場利率抽升,強如國開行都要暫停七年期發債,國家電網亦推遲原定明年推介100億人民幣發債計劃。 更多憂慮係流動性問題!其實國家財政部早已經定出死線,就係明年一月前,地方政府要交待地方債問題,不過今次中證登提早出手,只接納有AAA級企業債,仍然是令市場意外! 大家有所不知,內地比既所謂AA級別,喺穆迪同標普既評級系統中,已經係非投資級別,即是大家平時講既垃圾債券! 有內地券商估計,多達4700億企業債,會幾乎變成「廢紙」,引發連鎖效應當然非同少可。 想當年,首個地方融資平台,正係由國家開發銀行創造,多年來雖然為地方加快GDP增長,但風險同樣被倍大、變成內地經濟最大計時炸彈。瑞信陳昌華今日正好有分報告,為多年來政策性銀行功過定論,結論係近年將國家開發銀行商業化之路、已證明係失敗之舉,未來可

萬達

盡管A股火熱既股民熱情一啲都無冷卻,但萬達商業來港上市,就面對一再挫折。 由最初傳出100億美元,之後收窄到60億,而家再縮水到39億,不過都未知係咪最終數! 如果搞到好似隻豬肉股萬洲咁,要上唔上最後夾硬上,恐怕最終收場都會差唔多。 萬達上市臨門前,再改動招股書,好多基金都話唔係太鍾意。降低集資額事少,其實都早有預期,反而勉強谷大盈利,就令人唔多舒服! 今年整體預測盈利提左21%,達到240億,預測市盈利5.5至6.6倍,表明睇好吸引! 當然魔鬼在細節,240億盈利中,有97億係公允值收益,比原來多左45%,即係玩帳面數! 如果睇實際盈利,只係上調左8%左右,基本市盈率介乎9.2至11倍,已經唔算吸引! 講真、主席王健林其實為今次上市已經做足功課,親自為IPO打氣做訪問,同步上市仲有內地萬達影院,更爆出有意收購製作電影「饑餓遊戲」既Lions Gate, 最新搞作、連養豬都搞埋,在貴州開設養豬場,投資總額10億人仔! 都係個句,鍾意既就認為係一個多元化既金融「鐵達尼」、唔鍾意就會好似FT 形容既「結合兩大洲既投資垃圾袋」! 值得留意係萬達自己標榜既一個賣點,就係遍布全國110個城市、總共有159座既「萬達廣場」,呢個亦都係萬達品牌,點解喺內地有咁多人認識! 有內地分析師同意,呢種遍布全國性既商業組合,其實係內地好罕見,原因一般內房、即使好似央企中海外甚至潤地,都唔容易做到,因為地方政府好多時都有人為阻力。 所以市場反而對呢種獨特經營模式,唔知點估值! 有接近交易既消息透露,由於基金對估值有保留,喺競價投標制度下,基金比萬達最合理估值,可能只有30-40億美金,以下限計,只係得番230幾億,會輸埋比中廣核!! 其實到最後要輸既,可能仲有388。雖然有左中廣核加埋萬達,令到港交所全年IPO可以由舊年第四扒番上第二,僅次於有阿里巴巴已紐交所,但上市公司質素參差,上市無耐盈警又有、爆煲要證監出手賠番錢比股民都有兩隻,試問市場質素點維持? 統計數據顯示,舊年同今年有玩新股既股民,平均兩年分別有77%及75%要損手離場,反映公司質素其實愈來愈差,香江股市就好似變左提款機!

見頂訊號

話說內地微博討論股市,網民傾得最多係兩個見頂訊號:一、央視新聞主播講股市;二、兩桶油連日漲停、都係股最後一戰之時!! 年紀輕既股民可能無咩印象,07年時,大市見頂,上證突破6000點,當時正正係兩桶油破頂之時,之後既故仔,恐怕就不用多提! 經歷兩個幾星期急升,今早散戶都經歷左一轉疑似「過山車」,十點指數升近3%,以為三千點「垂手可得」,點知半小時內,大盤突然全線回套,倒跌過百分之三,散戶形容就好似「人踐人」,爭相要沽貨、遍地哀鴻~! 原因正係十點過後,傳中證監出手要求證券行上調「融資保證金」,由於市場早有預期當局唔會對大市過分槓杆不聞不問,消息一傳出,股市即時崩盤! 但內地股民既生命力,又點會咁快完結? 當十點半過後澄清並非監管機構要求,只係個別證券行控制風險,股民又再鼓其餘勇,再戰江湖,結果造就全日過萬億成交,再次改寫「人類歷史紀錄」! 平均每0.74秒,就有一億成交! 面對瘋牛、但唔係個個有錢賺,內地股民不斷發揮創造力:「人世間有一種悲哀,叫做漲停跑輸」、「滿倉踏空怎辦?滯漲股都係會飛既豬,就耐心等候吧!」「空方不死、多方不止」.... 更多人創造出新名詞,好似有人「高位建倉」、但「滿倉踏空」,就改名為剛去世既日本名星「高倉健」,真係佩服內地網民創意! 散戶有面對大牛市不賺錢既煩惱,大戶何嘗唔係一樣? 就連國家隊,面對呢個突如其來牛市,都顯得促手無策,要連夜緊急開會應對! 以保險資金為例,掌握著數以萬億計資金,但此刻只可以話心情複雜:大戶正係今次大牛市中、最大「踏空者」! 由於規模大、轉身難,又近年結,保險資金近期都無主動加倉,唔少之前引以為榮既「低倉位」策略,而家變成大牛市之中,最失策之舉,分分鐘仲要跑輸過大媽! 以保險公司目前持倉比重,大約只有11%左右,同十月比較、只係增加一個百分點,顯然保險公司未有趁市況改變而調整策略、所以主流險資,今次都係「踏空」居多。 如果咁樣講,咁平保、國壽、新華過去一個月累升左15至24%,豈不是市場過分放大? 又未必,因為保險資金一向都係內銀最大股東,第三季就持有超過四百億股既內銀,以今輪升勢集中金融股,就算唔加倉,加埋都可以有過百億帳面盈利! 講真、連阿爺都透過社科院,為牛市撥火,無論散戶大戶都只有順勢而行,好似日前話股市會倍翻既大摩、又吹「摩笛」,用最「藍天」分析,

習隊長

圖片
奧巴馬近年對中美關係,可以話若即若離、時好時壞,但琴晚佢對國家主席習近平既一番評論,就被外交界認為對中國新一屆認領人,反映出相當深厚認識。 奧巴馬觀察係、在過去幾十年裹面,無一個領導人可以好似習近平咁快,在兩年就完全鞏固權力,成為鄧小平以來,權力最集中既一個領導人。 拆局早喺去年底做2014年預測時,已提出「習主席權力進一步增加,甚至架空總理、政治局、正正反映、改革的力度可能是遠超想像。」 結果一年下來,習大大對證券市場改革、金融改革、國企改革、以至政治體制改革,大刀闊斧力度,一年前又點能夠想像? 半邊染紅既里昂證券,發表2015前景,正正就係習大大做封面、以一身中國隊長打扮,未睇內容已經先吸引眼球! 報告主題正是「Reform Power」,形容國家改革力度不斷加強,明年經濟增長目標肯定會放慢,以落實推行更多改革,包括更多針對金融市場、央企以至地方政府改革措施會出台,相信股市會繼續呈現V型反彈! 恒指目標26500,已經算係大行中較牛。 為下星期中央經濟工作會議定調,新華社發稿,7%已成為多數經濟師共識,更稱下定決心既中央政府、不會糾結於GDP「小數點既變化」!! 果真是豪言壯語。 其實啟動今次A股「超牛」升市,正正係人行突然出手減息,據里昂了解,其實都係國務院迫人行屈服,甚至要向外表明,人行唔似聯儲局、並非獨立機構,簡言之就係為阿爺出力。 有明眼人睇出,今次減息、唔單單係要救經濟,更重要是重新激活資本市場,令明年推行既央企改革、以至金融市場改革,可以有更大本錢,所以「5000點」不是夢,恐怕好快會夢境成真! 因此要炒國策、的確就要認真領導人思維,例子之一是當李飛星期三提出澳門唔可以「博彩業獨大」時候,有操盤手已提醒,背後另有玄機! 當然背後同習近平過去兩年打貪思路完全一脈相承。上任兩年以來,下馬貪官已有數千人,如果繼續容許黑錢流入澳門,又點可以立威? 「清洗大平地」其實早有部署,博彩股今年以來走晒樣,亦非朝夕之間既事。

滿倉踏空

內地股民最新流行名詞「滿倉踏空」,看似矛盾,但就成為股民最新寫照。 都已經揸到成手倉,內地遇正大牛市,點會賺唔到錢?原因正係近日「小盤唔得大盤得」,內地股民買買埋埋都係中小股,但呢幾日資金流入、都係券商、銀行、保險、地產等大型板塊,其他板塊分流甚少,結果只有眼光光睇著大市升。 有咩方法可以突破「滿倉沽空」,簡單,靠融資、即係我地講孖展。有老股民話、再唔追加融資買銀行股,就會被大市拋棄。 過去幾年,內地散戶慣左「抓少放大」,追入都係增長股或創業板,但面對呢一輪大盤急升,好多都已經把持唔著,要加倉殺入金融板塊。 有內地證券行已觀察到,11月下旬,營業部大戶既保證金賬戶,增加得非常明顯,原來只有幾百萬資金既、突然變成過千萬,而呢啲客戶多數來自鋼貿批發、家具外貿等企業,唔少近日更將流動資金全數搬到去股票帳戶,全職專心炒股票。 就連外資行大摩都大吹「摩笛」,估內地可能出「Ultra Bull」局面,中文翻譯姑且稱為「超級牛」!! 有幾超級?大摩認定,未來A股18個月內,可以大漲一倍,死未? 大摩亞洲及新興市場策略主管指,由新開戶人數表明,投資者正大力參與建倉,認為高成交量應該得到重視。 但要認清高成交背後、所謂「資金市」來源,其實正正就係開頭講既高槓杆,相反、外資反而係撤走多過沖入A股。 所以不得不佩服美林崔魏,單人匹馬向中國1億股民挑機! 作為全港最佳策略師、崔魏發表既「大勢」報告,簡簡單單一頁紙,但中環人形容殺傷力巨大,更甚係解開點解A股猛升、但港股甚至H股不跟之謎。簡單講、就係「唔跟風」! 崔魏「一士諤諤」,認為A股成交屢創新高,但背後只是缺乏基本因素下的市場過渡亢奮,原因簡單,就係睇唔到盈利有改善、以及過分桿杆進一步惡化。 當然,崔魏「熊市反彈」說法,的確有討論空間,但佢老兄一向睇重內地違約風險因素,而由今日A股表現先高後低、後市既風險,似乎真係不宜低估。 中環操盤手對近日A股提出陰謀論,就係外資似乎唔多領情「滬港股」,流入A股資金遠少過預期,中資基金要Front Run 外資,唯一方法當然係製造利好消息,好似先焗人行減息,之後透過融資谷大成交量,就係怕你外資唔敢再唔入市。 中外角力,作為小戶都係跟下風算,更重要係、A股大戶已落指令,無論未來兩星期股市好定醜、到20號就一律要沽貨離場,大家識計日子嘞!

走資ETF

黑色星期一大跌市,事後回想,當然理由多多,不過里昂一口斷定:佔中、走資、油價、Risk Off,全部唔係理由!! 里昂而家染紅,莫非真有內線?按佢地推斷,大跌市背後,言之成理只有PMI同百城樓價指數疲弱! 如果由星期二反彈市來睇,里昂又的確估中:數據愈弱、愈反映阿爺需要加快出手救市,君不見今日內地媒體高唱入雲-- 央媽要減息降準救市,唔睇清楚,幾乎以為人行已經做左野! 當然,內地要救市,等到政策落實出台已經係低招,製造政策預測,先可以快人一步。內地媒體由「放風」減息、批萬億方案、以至國企改革「1+N」形式,好似已經包含晒成個中央經濟工作會議既所有議題! 連串消息下,內地股市再注入強心劑,股民在微博直言:「係咪已經開通左全球股市通?」、又或者「今晚就降準?」 逆向思維一向都係內地散戶最擅長,下星期阿爺就召開年度經濟工作會議,正係最好建倉好時機。 有中環人話,講升幅、港股大指數固然唔使睇、就算國企指數今日表現,都遠不及2822同2823咁亮麗,跑贏大市之餘,甚至比A股大指數仲要好。 但值得留意是、2822同2823沽空金額都創左新高,至於A股ETF溢價,由八月中以來,都係負數,即使今日急升,都無改變呢個情況。 其實有滬港通以來,A股ETF表現已大不如前,過去兩星期,流出2822既資金,達到8.5億美元,相當於66億港紙,創2012年南方A50成立以來新高。 即使「老牌」既安碩A50,過去一星期亦流出近6億美元資金,創09年以來最大紀錄。到底點解釋呢個A股升、但A股ETF贖回增加現象? 德意志有個講法:投資者,特別係來自香港,在滬港通開通前夕,早已睇到係利好A股多於H股,於是透過Pair Trade,買A股ETF、沽空H股ETF,取得5至10%回報。 唔好睇少呢個幅度,以今年對沖基金平均回報只有2%,已經算相當理想。 於是到開通日子,投資者就開始由A股ETF獲利回套,引發大規模流出,令到2822同2823都有折讓,表現反而唔及在美國上市ETF,仍然有超過1%溢價。 坦白講,有滬股通之後,肯做功課既投資者,都已經離棄A股ETF,寧願直沖入去買180 同380既 A股,唔需要再被動跟隨ETF。所以睇今日滬股通額度,都加快用左32億人民幣,係一個星期以來最多! 果然,有得揀,先係老板。無論政治定股市、一樣啱! 

中廣核

關注金鐘局勢既人,琴晚可能一夜無眠。但作中廣核十五大保薦人,就想眠都無得眠! 作為iBanker,有大Deal 在手,瞓少一、兩晚其實閒事,不過作為中環人最有競爭力一族,唔瞓事少、無面事大,有中環人話,為左攞到1816貨,有人打盡關係、亦有基金經理學左政壇一樣要「碌爆卡」,就係希望可以分到些少貨。 但有保薦人慨嘆,今次攞唔攞到貨,已經同面子無關,一來因為中廣核實在「太爆」,更重要係、今次分貨由公司主導,已預留6億美金股分比「關係戶」,加埋「十八羅漢」,即係國開行、南方電網同GIC等基礎投資者,已經佔左今次集資6成3貨,加埋公開發售熱爆,其餘剩底大戶、已變成無貨可分,點會唔頭痕? 中廣核今次IPO,可以話適逢其時。盡管大市大跌600幾點,但既是食正內地要節能減排,跟據中國減排計劃,到2030年前、就要將碳排放量降低,加上同高鐵一樣有輸出概念,更成為領導人外訪「送大禮」最新項目。 因此預期六年內內地核能發電規模,要比而家增加三倍,中廣核作為龍頭,證券行都唔單止唔見大戶抽飛,反而擔心一手難求。 中廣核「巴弊」之處,是全球首家單一以核電為業務既上市企業,而中廣核又係龍頭,佔內地核能發電量三分二,加上有併購概念,令發電量到2019年可以提高一倍,以呢種組合、真係投資者夢味以求組合。 好似FT LEX 專欄提出,中廣核優勢在於政府在關稅、企業擴張以至退稅前提下都獲得支持,以股價對明年市盈率16倍計,雖然唔平,但仍然係可以接受,話唔定分分鐘,之會為「港股通」下,打開缺口既新投資機會。 有多事之徒硬係唔信有咁大著數,專登走去睇多達23頁既風險因素,唔少都係擔心涉及全球既核電事故,可能會重演2011年福島事件後,內地要暫停核發電既日子。 不過與其擔心天災人,更大風險在於國策。講緊既唔係節能減排,而係內地為左要加快推動核能發電,已經計劃在中廣核之外,培養新既核能企業,包括將目前排名二、三既「國核技」同「中電投」合併,成為可以同中廣核平起平坐既核電巨無霸。 雖然中廣核表明反對,但國家能源會已經表明支持,到時中廣核龍頭地位,可能就有變,呢個風險因素,反而睇勻招股書,就無寫落去。