黑洞 (號外)
聯儲局兩日前聲明無提及一句次按，但唔夠兩個日，歐洲央行就作出九一一事件以嚟最大規模萬億救市行動，到底歐洲係咪知道一啲我地唔合道東西？
英國金融時報專欄提出，歐洲央行嘅舉動，只係由於隨夜利率大幅飊升，因此需要透過公開市場運作，將資金注入銀行體系，運作幾乎係機械式。
雖然歐洲央行以fine tuning、即係微調去形容今次拆借出資金，不過九百幾億歐元嘅規模，就係平日公開市場運作嘅十倍，絕不是微調。
因此，真正嘅問題，唔係歐洲央行到底知道咩特別問題，反而係向央行借入短期拆息嘅４９間銀行，到底點解要咁恐慌拆入咁龐大資金。
金融時報認為，事件除左反映銀行需要預留資金應付本身問題外，更重要係認為整個金融市場嘅虧損、會比而家估計嘅仲大。
華爾街日報引述分析員話，真正需要咁多短期資金，其實係對沖基金，如果佢地仍然出現資金短乏，而低價出售手頭組合，可以造成金融崩潰。
央行出手，非旦不能夠穩定市場信心，反而予人一個清楚信訊: 一個深不見底的黑洞已放在眼前，雖然無需恐慌，但有足夠理由轉軚，相信調整時間真係會比預期長．．．．
不過在黑洞中又見一絲曙光: FT社論話實在無需恐慌，Economists就撐伯南克，認為而家佢唯一應該做的，就是堅持己見 "the right thing for Mr Bernanke to do is to keep standing firm."，唔知大家又點睇?
留言