FOMC


我們在紐約街頭,做了一個小測試,比華爾街出入的人,揀伯南克同格林斯潘,兩個揀一個,點揀?

一個史無前例、歷任聯儲局主席近二十年,同七個總統合作過,另一個就只係上任年幾,結果都不難想像。

FT亦做了一個投票統計,問題是「你是否贊成減息半厘?」近二千個回應中,只有三成人支持,七成人反對。

不過伯南克、愈來愈證明到,佢係比得上格林斯潘,至少華爾街日報同彭博都係咁講。

最多人解讀,伯南克今次減息,係學左格林斯潘處理九八金融風暴、以及「九一一」危機嘅手法,即係以市場意料不及嘅措施,去防範未然、提早防止經濟出現下滑,總好過咩都唔做、等待衰退來臨。

喺大幅減息之下,伯南克為公開市場委員會FOMC取得一個新稱號,就是東京三菱UFJ叫的「FRIEND OF MARKET COMMITTEE」,即係「市場之友」。

讚好彈好,星期四伯南克就要到國會為次按問題解晝,今次大幅減息,除左幫佢取得一時掌聲外,市場亦都暫時忘記左、之前對伯南克反應慢嘅批評,睇來有好大機會甩身。

無錯,贏家係伯南克先真!

留言

匿名說…
「你是否贊成減息半厘?」

如果我係大行,為私募基金的槓桿收購包銷了超過3000億美元的商業票據,而它們又係9月到期,假如信貸市場再唔掂,大行就自己硬啃,玩下手仲要大筆撇帳。之後,又要裁員……股市又大跌……

你話我是否贊成減息呢?

FT的統計表示三成人支持,七成人反對。

即係三成人係大有錢佬,七成人係星斗市民。所以話一人一票,點可以平衡各方利益!哈哈!

我諗讚佢果班人,手上應該有成手貨!你唔減多D息,就真係唔掂!減半厘,我又有可以繼續再吹大個bubble。

你話我係唔係好應該起身大力拍手:Bravo Bravo!!

唔好話拍手,磕頭叫大佬都冇問題啦!

肥哨
Moneycafe說…
好似SIMON講,
減四分一厘就兩面不討好,
最失策。

唔減,就可以話自已無睇錯,
繼續企硬,不過後果就要自已承擔。

減半厘就最高招,
市場唔記得你反應慢之餘,
仲有人大力拍掌,贏晒全世界!

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將