入會


孫柏文為青姐做的friend club有三百多人入會,不過愈多人入會,最終都只係會益左晝面著著「拖鞋」的哥哥仔。
廿三歲的Mark Zuckerberg,他亦證明左、肯等待係一定有回報,最終比佢成功搵到微軟呢個大買家,以投資2億4千萬美元,買入百分之1點6「FACEBOOK」股權。

雖然價錢唔多,但以微軟收購價計算,FACEBOOK市值就達到天價150億美元,比起之前市場傳聞的100億仲要多五成,係二千年科網泡沬以來網站最高的估值。

最好笑係,微軟總裁阿BALLMER,今個月初先講過,話FACEBOOK呢類社交網站係泡沬,點知轉頭就要自已出錢去買,到底是談判策略?還是形勢比人弱?。

今期經濟學人就話,微軟跟本無得揀。

其實佢地過去三年來,都已經意識到、單靠軟件開發肯定係會比淘汰,不過多年來都是輸比GOOGLE,連DOUBLECLICK一役,都輸埋!因此幾唔願意都好,叫價幾高都好,微軟真係無得揀。

不過微軟都部署緊一個絕地反擊。睇最新一季業績就知,第一季度盈利增長兩成三,遊戲機XBOX 360,?第一季就賣180萬部,而新遊戲「Halco 3」更是賣個滿堂紅。
雖然FACEBOOK預期未來幾個季度,都唔會有盈利貢獻。不過微軟入股Facebook同時,亦已經取得銷售協議,微軟獨家可以取得獨家網上廣告銷售,算是有了根基可以追上Google。

如果看今季的大企業業績、無論Google、Apple、微軟、中國的百度,甚至日本的新力、任天堂,盈利都高過分析員預測,即使是雅虎經過「百日維新」後,盈利都有所改善。不過說到最後,雅虎仍然不能算是捱過所有難關,至少他們上星期就要關閉自己的社交網站「YAHOO 360」。

而最慘的是、連「刪」左都無人知,真陰功!

留言

lck1105說…
「享年廿三歲的Mark Zuckerberg」
我想請教:「享年」呢個詞語是否用於已經離世之人?
Moneycafe說…
Deeply sorry,
真係衰到應一應.....

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將