預言

近日寫得多喬治布殊,先發現真的有不少人對他心存反感。

本地的不說,就連一向持平的經濟學人,也不忘在新一期零八年號中,揶揄布殊一番。

其實而家離布殊離開白宮時間唔夠一年,到底佢仲會有咩貢獻。經濟學人就話,應該就無。

呢位被認為係一九二一年、「威爾森」總統之後最唔受歡迎的美國總統(有睇「貨幣戰爭」應該知,就係個位被諷刺為銀行家操控、成立聯儲局個位),而最新調查就顯示,美國選民而家最關注的、已經不再是反恐或者係伊拉克問題,而是美國經濟。

分析員已經估計,美國經濟在去年第四季、會由之前百分之四點九,回落至只有百分之一。

亦正因為今年是大選年、無論民主定共和黨都唔希望經濟會出現衰退,而喬治布殊亦講到明、正研究用財政政策刺激經濟,預計方案幾星期在UNION OF STATE後公布。

正是這種對現狀不滿的心態、渴望求變的心態,就造了選民選出民主黨總統參選人「奧巴馬」。

看他在「艾奧瓦州」「黨團會議」中,就贏得精彩。

「希拉里」原本被視為民主黨必然總統侯選人,佢同「奧馬巴」正代表「懷念過去光輝」,同「為未來而戰」兩派之爭。

「克林頓」無疑係「希拉里」最大本錢,但經過呢8年,經濟可能進入衰退,出兵伊拉克。亦令一向「念舊」的美國人改變想法。

可以說喬治布殊做左民主黨首席助選團團長,「奧巴馬」到目前為止,成功利用佢在政壇新手,可以帶俾美國人全新轉變策略,暫時令民主黨帶頭。

有選民形容,「奧巴馬」眼中見到誠懇,反而「希拉里」成個機器咁,好似「老馬」。

作為新仔「奧馬巴」話,要制造神話,策略係增值,唔搞分裂。

奧巴馬1962年夏威夷出世。細個父母分開,跟「媽咪」去過印尼,又經常逃學,大麻,可卡因佢通通試過,反而令後生一代更有親切感,至少不是高高在上。

之後讀法律,成為「哈佛法律評論」首位黑人社長。96年開始做「伊利諾伊州」參議員,新聞周刊05年選佢做美國最值得重視政治家。
至於他政綱表明立即撤兵伊拉克,同放寬移民政策。對於最棘手次按問題,佢建議立法,規管濫批按揭。

至於中國問題,奧巴馬亦較共和黨「哈克比」指中國操控貨幣立場靈活得多,強調會用貿易談判,解決兩國商貿問題,同繼續向中國施壓將人民幣升值。

預言家「韋恩」今年已批出,奧巴馬會入主白宮,我們在歡送布殊之餘,都要對這位新紅人多多認識先得!

留言

Moneycafe說…
haha! 我就知你會咁講!
Cory說…
美國呢D 白人至上既國家, 真係會容許黑人做總統?
匿名說…
Hmm.. 只是語文問題: 減少用引號會讓讀者看得沒那麼吃力.
damon說…
正如愛德華茲所言..我們還未準備由女人來當總統..我們亦未準備好由黑人來當總統>>!!那麼如果奧巴馬拜米高積遜為師....黑變白.....得咗....win左...!!其實..美國經濟真的正下滑中..最新數據..新增職位下跌.失業率上升..這是最基本的問題..就好像我們hk97..98..99..年開始差的時候..但轉了總統係咪一定係靈丹妙藥??我們由董生轉了曾生就得...>!!!

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將