出山


三十蚊杯咖啡係咪好貴?

單計一杯咖啡就梗係貴,不過計埋環境,大梳化、又有WIFI可以上下網,我話STARBUCKS呢其實三十蚊抵比。

不過美國人似乎都開始唔受落呢套,STARBUCKS舊年股價累積跌左四成二,係納斯達克最差嘅一隻股分,搞到退左休八年嘅創辦人「SCHULTZ」舒爾茨,都要重新出山,做番CEO。

舒爾茨其實就唔係真正創辦星巴克嘅人,不過佢喺87年時候買左星巴克,之後佢一手令星巴克由接手時候嘅十五間分店,發展成全球萬三間分店,有統計計算過,而家星巴克仲係以每日開多五間分店速度,進一步擴大規模。

不過呢個都係正正犯左市場學入面、過分擴張嘅老毛病,唔少星巴克分店,都變成難以控制質素,過去星巴克打正旗號的「CUSTOMER EXPERIENCE」,到今日都難以維持。

其實有部分問題都係「非戰之罪」,因為過去一年食品成本急升,令到星巴克經營成本大漲,過去幾個月喺美國已經兩度加價。

如果喺經濟好嘅時候都無咩問題,但而家美國經濟已經出現衰退,咖啡呢啲非必需品,自然成為首先CUT BUDGET對象。

就算真係要飲、佢地都寧願到DONUT連鎖店好像係DUNKIN DONUTS飲、至少平四分之一。

講到競爭,唔可以唔提麥當奴。

舒爾茨曾經講過、如果有人將星巴克同麥當奴,係會令佢相當「痛苦」,因為佢認為星巴克賣嘅係「浪漫同埋新奇」,言下之意,係睇唔起麥當奴快餐店沖出來的咖啡。

但實情係、麥當奴令「舒爾茨」認真「痛苦」先真!

今期經濟學人就講到,麥當奴已經計劃今年內、在全美一萬三千間分店,推出「coffee bar」多種意大利式咖啡,無論LATTE、cappuccinos、以至FLAT WHITE,都會加入到MENU入面,是麥當奴有史以來最大一次換「菜單」行動。

有美國消費調查已經指,麥當奴咖啡口味,評分已經同星巴克睇齊!

其實舒爾茨都唔係無睇到問題,早在去年二月,他已經講過擔心星巴克擴張過快,令到星巴克咖啡過分「商品化」。

好似過去星巴克會用意大利名牌EXPRESSO咖啡機沖咖啡,但最近就換左由磨豆、到打泡、以至換粉都是全自動咖啡機。

如果識得飲咖啡嘅人都知,呢啲咖啡邊好飲!

股價論英雄,其實過去一年,星巴克愈跌愈有,相反麥當奴就升左三成一。

今次舒爾茨重新掌管公司,初步睇市場反應正面、因為消息傳出後、STARBUCKS單日曾經升過百分之八,至於最終係咪可以重收拾殘局,就真係要睇下舒爾茨有無當年創造出「Frappuccino」的魄力!

話說回來,舊年開始,不少美國龍頭企業如DELL 及YAHOO的創辦人都要重新出山,執掌CEO的崗位,是大環境變化太大、或是接任人真的如斯不濟?

留言

SOX, drive away a lot of professional managers from being the CEO of a company - especially when they see a downturn in the horizon.

By the way, what Starbucks sells is a place where people can gather and discuss - for HK people that means an alternative to coffee shop and to a certain extend that is the case in CN as well. Such need, however, doesn't seem strong in the State thought, especially in recent few years.

Few years ago, I have thought of selling tea like Starbucks. Of course, the idea is the same - somewhere for mobile worker to meet people and work...
pakman說…
Well...

All that talk about starbucks, dunkin donuts, KKD and Tim Hortons makes me crave a good cup of tea

hahahahahha
Moneycafe說…
我們似乎看到兩個極端,一邊是像chuck prince等企業明星,因為次按問題而下台。另一邊就是像楊致遠、michael dell等星級創辦人又再次披甲上陣,出山重掌江湖。

是否在sox下,企業要找繼任人真的出了問題?
大傻說…
企業想尋找出色的繼任人,傑出的經理人也想在有把握時候接任卓越的企業,交出亮麗的成績單,造好企業的股價,讓自己持有的有限制股份/購股權能夠生效,獲得最高的回報,在經濟向下滑,企業股價向下調整的時候,是好時機去把自己的名字押上去? 加上SOX要公司的CEO和CFO核准每季財務報告,為公司帳目負上個人的責任,或許只有企業的創辦人才願意為自己的「兒子」承擔如此的風險和責任。
seikomatic說…
如果睇唔起大快活同美心咖啡既人飲過先知好過星巴掌,佢地都唔會去,因為星巴掌賣緊既系一種鬼佬既虛榮, at least it works in most of the Asian countries.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將