長尾

又係每季報數時間。

零八年第一季港台電視節目欣賞指數調查,有線財經跌至二十大尾,好在有個「財經即時睇」節目排上十五位。

當然「有線財經」就繼續保持走在最前線,排名第四,僅次於星期二檔案同鏗鏘集之後。

講到CAFE,雖然是二十大不入,不過在認知率低的一個組別( 收視5%以下),排名居然是第二,而其他有線財經節目,好似商品有價、創富早餐及大行報告,排名都不錯。

如果再仔細睇呢一組排名,十二個入榜節目全數為有線出品,這反映了一個事實: 我們在製造「長尾」!

這正如CAFE一開始的構思: 節目並非針對一些只慣問 NUMBER的觀眾,而是希望集中一批追求更多知識的中產觀眾,他們本身已經有很豐富的投資經驗,追求的是更廣闊的國際視野、渴望了解香港及以外的政經、經濟理論、管理、IT的智識,而這些很明顯是小眾有興趣的節目。

本港的媒體競爭,現在無論是收費電視、互聯網、報章、以至電台,都全面步入跨媒體年代,競爭當然愈趨激烈,但我們相信不會出現一家媒體獨大情況,反而只有抓到長尾,才有自己的生存空間。

留言

匿名說…
可否透露收視率的調查方法,
進入internet年代, 舊式大眾傳媒的收視率概念, 可能要重新檢討
Moneycafe說…
調查方式可以參考下列:
http://www.rthk.org.hk/special/tvai/2008/question.htm

不錯,現代人上網時間更甚於看電視(可能兩者一齊做),作為舊媒體,我們真的需要再檢視點樣發展長尾市場。
匿名說…
長尾的節目也可以好看,正如千里馬只需要一個百樂。
小弟今年就大學畢業了,從前睇money cafe可說是不定期的,但從考試期間當作小休,三十分鐘剛剛好~反而放鬆左又學到野!現在日日都追了~

最吸引到我看的是主持們的個性,嘉賓的內涵及知識的廣泛,的確吸引著我去追看。每日半小時不同的話題的確令到眼界更廣,有時更會帶出一些新穎的角度。我最想講的是昨晚睇到恆生總經理訪問。帶了我去從一個老闆的角度去睇作為畢業生的我看金融界的入門~

謝謝你地在香港建造一個如此有趣的空間!香港呢個地方以"相當客觀"的數字黎做標準,長尾未必會有"主流"欣賞,反而我相信睇money cafe的觀眾真正目的是享受這杯口味剛好的咖啡。一間成功的咖啡店應該有自己個性口味的咖啡。

難得上黎打左咁多野,都希望Money cafe可以繼續努力,如果香港(包括貴 台)有更多類似的節目,相信最有福的是所以參與者。

多謝你地~我會繼續支持Money cafe!
加油!
匿名說…
本人是有線用戶,覺得你們的營運方式,同舊式大眾傳媒差不多,以網絡傳播大眾化內容,同無線亞視相似,
既然有光纖連接用戶,每個節目,每個頻道的收視率應有準確數據, 不似統計調查般靠估,
你們好像無利用網絡的互動特性,製作出同無線亞視不同的節目形式,
對於些要另外收費的小眾頻道,從用戶角度,如無興趣, 免費也不會0徙時間收睇
匿名說…
首先聲明,我唔賭波,唔追劇集,對艷照門一眾主角,冇乜興趣,所以到現在仲未cut有線,

1. 最鍾意睇MoneyCafe, 尤其係青姐+C老板+肥仔孫,同埋棠棠,嵐嵐推波助瀾, 其他嘉賓唔係唔好, 不過由於身份
地位關係, 講野太過正經, 太多包袱,
佢兩個就唔同, 口沒遮攔,有0個句講0個句, 不過都唔好講D太超出香港人想象力範圍既野, 有次講冰山貓仔同性火,
C老板幾乎想教訓肥仔, 我好驚呀, 我承認我唔係好愛國!

2.雖然我唔識煮飯, 成日食快餐, 但係喜歡睇肥媽,蘇絲黃講飲講食,
樓盤傳真就個個星期六都追, 算做從小市民角度出發, 唔似其他傳媒同類節目, 簡直幫地產商引君入甕,
時事寬頻幾好, 媲美港台鏗鏘集,飛常政經就搵到猛人上0黎, 全靠飛哥面子law

3. 其他如拉近文化,香港刺針, 至fit男女都成日睇, Animax有D卡通幾有feel,
Discovery, National Geo. Animal.只係間中望0下 ( 同人講就懶環保, 懶有國際視野,
D獅子老虎咬來咬去有乜好睇, 嗚..嗚.., 其實我既口味好鬼本土, 好鬼肥師奶 )
計落有九成時間都係睇有線新聞同財經台, 應該收番平D喎!

4. 點解唔整番個節目重溫channel ,肥媽,蘇絲黃,樓盤傳真,時事寬頻.呀..........
俾我地揀番以前走左雞既集數黎睇!
pakman說…
Hold on...

So if we boost Money Cafe's name recognition, we might not even make it on the list next year? Because we are no longer in the sub 5% category?
匿名說…
支持money cafe,這是我留著有線的主要原因。

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將