迷債的社會公義

政府終於承認,無講過雷曼迷你債券持有人可以取回六、七成投資。

大佬呀,第一日開始我地已經鬧,有咩可能由政府說迷債抵押品仲有六、七資產是有價值?!!!

就算信託人當時告訴你有部分仲值六、七成資產,都無理由由政府向外公布,持有人有機會可以收回六、七成資產。

要知道,當時我們身處海嘯中心(正確點說,而家都是),資產每日大縮水,就算今日仲值六、七成,它朝也不排除會跌至三、四成,甚至是零資產。

不錯,兩星期前政府提出方案後,好似一時之間成功將問題壓住,大家心理上覺得可以收回六、七成也不錯,因為放在股票上無左一半已經是相當幸運,「一折」股更是通街都係,結果這個錯誤的預期,到最後變成落空,投資者又再次將失望情緒爆發,結果又是一發不可收拾。

更不可思議的是,今天仍然有人在電台公開呼籲政府「做啲嘢」,包括向分銷三成呢類迷債的中銀香港施壓,要求以「穩定香港」做理由,由阿爺出面要求香港銀行自己拿荷包,賠比投資者。

枉我們平日如何如何要建立香港作為國際金融中心,這種穩定壓倒一切的想法,真的是以大局出發,考慮香港整體利益? 不錯,大家都會認同,今次迷債揭發了部分銀行是以不良違規手法銷售投資產品,明顯是違反了法規。對於這些受害人,我們覺得政府有責任調解(事實上,金管局已經做了這方面工作),甚至可以使用公帑使用訴訟基金,協助受害人控告銀行,循民事訴訟取回一切損失。

事實上,銀行面對這些必輸個案,其實亦心理有數,早前已有個案自願賠足百分百金額。但切記,不宜採取集體訴訟,否則就是令一眾應負責任的投資者,可以搭順風車而成為Free Rider。

有不少人批評,這種是不近人情,甚至乎是無視社會公義。到底什麼是「社會公義」? 我們的解讀是,就是每個人、每個機構,都應負上本身社會法律責任,如果有人嘗試逃避這種責任,政府就應該介入,以法律作出制裁,伸張公義。

銀行需要在迷債事件上、負上誤導部分投資者責任; 同樣,早已了解投資性質、知道風險何在的投資者,亦要負上自己的責任。

雷曼即使在半年前,信貸評級仍然有三個A,世人會有任何人想像到它要倒閉嗎? 政府、證監會、金管局當時容許呢類產品在港銷售,難道它們又要負上責任?

而家已經有銀行,因為迷債事件發出盈利警告,如果事情愈鬧愈大,影響到投資者、以至存戶信心,要知道,我們的外匯基金,已經為全部存款作出百分百擔保,最差情況,你真的認為不會燒到自己?

留言

匿名說…
今次你們終於明白這個火燒連環船的道理,迷債苦主是時間收手了,銀行已經開始頂唔住,你要中銀香港食曬,但大家可有想過你要全港第二大銀行食曬既後果,中銀已經衰左東亞同好多cdo,佢係唔係可以再輸多廿幾億?如果真係咁,我諗大家將會面對好貴既息。請記住香港既銀行唔會俾政府入股,政府根本冇機會影響銀行做生意既方針,出口術係唔會有用架。
其實,溫總說得很對,這次金融海嘯已經不單是特區內部的事,絕對應該提升上國家去處理。而佢亦好心水清,佢已經觀察了特區政府很多天,亦見識到曾特首既冇能,唔該陳家強、曾俊華同曾陰權都放低尊嚴,聽下任總既建議,政府而家機遇會又唔預佢,我真係好擔心冇左任總後既香港會係點,坦白說,接觸過任總既人都知道,他的確有真材實料,對香港金融政策上的熟悉程度同前瞻性,絕對是無人能及,請實事求事吧。60歲就要人家退下來,當年greenspan 80歲都未退,請傳媒做返個民意出來,向特首施壓,「香港需要任總」。
匿名說…
100% 支持這觀點。曾俊華,請收聲。Don't give false forecasts and comment anymore !

亦請雷曼所謂"苦主"們收手了。今次金融海嘯我們所有人都輸好多,一樣唔知將來點退休、點過埋下半世,但我哋都無輸打贏要,請替香港的投資者在國際間留點尊嚴吧!

也請甘乃威、老鼠芬或民建聯收手吧!你們巳撈夠政治油水,你們如此無賴下去,我們選民的眼晴是雪亮的,你們下次選舉死梗。你們是在侮辱我們大眾,以取悅小眾,我們選民是記得的!
匿名說…
d人以為呢d係打倒巨人(銀行),但係就唔記得其實係搬起石頭砸自己腳...
匿名說…
唔該請施永x上來鬧下,佢真係為左自己的利益咩都夠膽講,干預銀行運作,都夠膽建議,佢發言既目的好明顯,希望銀行放水,放水俾人買樓、放水俾佢既買家商家佬周轉,這樣就有人搵佢d經紀買樓。我真係好質疑點解佢可以入機遇會,要明白機遇會不是一個清談節目,胡亂發言,果度係果個曾特首收集意見,brianstorming既地方,你都知曾特首已經不食人間煙火,如果佢仲採納埋呢d冇水平既委員既意見,真是香港人的不幸。有心人可以望返施生過去一年既言論,就知神又係佢,鬼又係佢,佢只係一個典型市場冇定向風既信徒,隨風擺既牆頭草,香港靠佢真係自求多福好過。

雖然呢個評論未必好對提,但施生既言論一定是明日討論既焦點,我己經等唔切,要發表一下。

大時代的我
pakman說…
After watching the news today...

I had exactly the same feeling.

Let me probe him Monday...

Money Cafe man... Ready for a mile stone show tommorrow.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將