Helicopter Ben

今次揼水八千億美元,伯南克可說是備受好評。

華爾街日報形容得最興奮! 稱好似比左到房屋市場一枝強心針。

有按揭代理話,一日嚟嘅生意,係過去一年嚟未見過。

吸引業主為物業重新融資,係三十年長期按揭利率,由5.95厘、回落至5厘半水平,係七年最大跌幅。有學者預期,今次聯儲局「揼錢」,可以令最少1180萬個家庭受惠。

其實今次聯儲局動用八千億美元恢復信貸,如果有留意伯南克研究,應是早有先兆!

伯克早在零二年、佛利民九十大壽晚會上,發表嘅一篇重要演說已經有所提及。

當時仲係學者嘅伯南克話,1929年大蕭條主要原因,係聯儲局當時錯誤採取左收緊貨幣政策,佢形容,當利率已經跌至貼近「零」水平時候,聯儲局就有責任、透過買入按揭證券,迫使利率下調。

當時伯南克話,政府有責任提供穩定貨幣環境,包括係溫和通脹,當年伯南克仲向佛利民承諾,以後唔會再犯同樣錯誤!

既往不究,今次聯儲局揼水,雖然備受好評,不過並非無風險。

聯儲局雖然唔需要、好似財政部咁發國債集資,但不斷印銀紙嘅後果、除左為伯南克帶嚟「Helicopter Ben」稱號之外,美元肯定會不斷眨值,而聯儲局嘅資產負債表,已經由八月時候嘅九千億美元,增加至二萬億美元,未來肯定會進一步上升。

華爾街日報提出,市場最擔心、係重蹈日本覆轍,喺九十年代採取零利率時候,錢只係亂使、反而令衰退延長。

而借出去嘅錢一旦未能回收,會令聯儲局嘅資產負債表受損。

至於擔心引發通脹同點樣退出市場,就更已經係後話。
//////////////////////////////
其實伯南克,本身都係個相當有分量嘅學者嚟,只係華爾街出事,先至經常被人批評。

嚟緊兩年,相信佢會有更大壓力,因為奧巴馬嘅星級財金班底,再委任一個重量級人物,佢就係前聯儲局主席「沃爾克」Paul Volcker。

沃爾克八十年代出任聯儲局主席,多次大幅加息後,成功協助美國解決通脹。近期聲望比格林斯潘仲要高。

沃爾克現年八十二歲,華爾街日報報道,自從九月信貸危機惡化,奧巴馬一直依重沃爾克提供意見。

奧巴馬助手指,基於年紀問題,奧巴馬唔能夠搵沃爾克做財長,但仍然無放棄,搵佢入白宮幫手。有前經濟顧問委員會主席話,沃爾克加入內閣,亦會有助制衡薩默斯嘅影響力。

留言

今次美國救市個情況同日本又唔係完全一樣,當年日本政府救市,規模細好多,而且呢次係從未見過全球各國政府一齊聯手,真係好跨張!
匿名說…
It is always easy to look back and say I am an expert. Every crisis has its own cause to fail and every cloud has its silver lining.
Having said that, every disaster must be coming from burst of bubble, resulting from interest rates hike in a relatively short period of time that the financial market cannot quickly adjusting themselves. In short, how to manage soft landing in every trough of business cycles is crucial task of the respective monetary authorities.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將