神話逆轉

上星期人行大幅減息108點子,我們已提醒要留意人民幣走勢。

如果睇初初兩日官價,的確未有太大影響,不過留心睇場外不交收合約,會發現人仔已經反映一年後會回落七算,隱約看到人民幣有眨值壓力。

豈料到周一,情況有變,人行以6.8505開出人民幣兌美元買賣中間價。

即時震驚市場。

點知星期二情況仍然無變,單日再觸及0.5%跌幅上限。

要留意是,中美第五輪戰略經濟對話,星期四喺北京召開,而更觸目中央經濟工作會議,就在八號舉行,人民幣兌美元匯價卻在這時錄得匯改以嚟最大跌幅,跌到停版。

你說是否敏感時刻?

內地已經揣測,人行並無入市干預人民幣匯價,已經表達明確態度,唔少內地報章嘅標題都話,人民幣或者已經發出貶值嘅信號。

隨即觸動咗美國財長保爾森嘅「神經線」,佢促請中國,應該擴大內需,減少依賴出口,繼續保持人民幣升值嘅步伐,令美中貿易可以取得平衡。

瑞信分析員陶冬話,內地出口下跌,失業率上升,為要測試外界對人民幣貶值嘅反應,人行喺星期一大幅調低買賣中間價,咁係顯示匯率政策有變。

相信,人民幣兌美元三個月內會跌穿七算水平。

到底人民幣眨值係咪可以刺激出口,從來都是一個敏感話題。

減息固然令息差優勢收窄,更重要係擔心經濟活動放慢,「保八」已經成為中央全力爭取嘅目標,最新公布嘅中國採購經理指數,更創出新低,就更確認呢個走勢。

摩通龔方雄就認為,內地經濟面對問題,唔係價格上競爭力,就算貶值,都解決唔到出口,同內部經濟問題。

佢形容,如果人行真係改變匯率政策,係危險造法。

留言

匿名說…
Inflation ignited from cut in interest rates are slow while it from exchange rates devaluation is quick.
大傻說…
今天MoneyCafe請AndrewFung分析人民幣匯率很精彩,獲益良多,希望他能多上MoneyCafe談談外匯投資。
匿名說…
"试水" 的可能性底, 但是给市场知道人民币不再使单边走很大. 短期应该是在七算附近浮沉.长期会继续走强... SC

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將