土炮勝洋貨

經濟差,股市無理會經濟專家警告,今年嚟大幅反彈。

投資銀行收入水漲船高,邊間I BANK最賺錢,如果連埋坐盤,發債業務,一定係高盛。

但如果將範圍收窄,高盛無分,摩通亦唔入流!

如果單睇I BANK新股包銷業務,即係淨係協助新股上市,兼負責埋包銷,出符意外,最賺錢I BANK排名榜,出現有統計以嚟,都未出現過嘅情況!!

排頭位就係佢...中金,第二位係中信證券,第三先輪到大摩。

今次係九五年,有同類統計以嚟,首次有中資行上榜首五大。而且一上就上到頭兩名!

講下背景,中金係首間中外合營嘅內地I BANK,建行係大股東,其次係大摩,阿頭就正係朱鎔基個仔,朱雲來。外界雖然批評佢獨裁,唔聽人意見,搞到原先埋班嘅大摩人,走得七七八八,但佢近年一手包辦中石油,工行等IPO,基本上一有大國企上市,總有中金分。

中金海外個名雖然夠嚮,但如果講內地網絡,始終唔及中信證券果皮。話曬中信證券先係內地第一大行。

中金今年嚟新股包銷額有183億美金,令佢地高據全球榜首,排第二嘅中信證券做左43億美金IPO DEAL。

但如果按包銷宗數計,中金今年嚟得三單DEAL,至於中信證券多一單,有四單。

三,四單DEAL打天下,正好反映係內地今年係全球新股集資最多嘅市場,加加埋埋過千億人民幣,佔全球集資額過半。

全球最大集資額新股,包括中冶,同中國建築,就令兩間土炮行成為全球榜首。單係中冶,淨係包銷費用已經超過一億美金,佔全球今年包銷費用百分之4。

新股之外如果加埋批股,再融資,同其他收費,中信,同中金都唔失禮,全亞洲名列第四,同第五位。

排頭係大摩,反而高盛無分。

分析指,匯豐世紀供股,因為當係歐洲DEAL,作為包銷商高盛,無計入亞洲入面,否則,中金會剔出頭五大。

由於內地推國際板,兼且有創業板,外界估計,包銷排名榜,繼續會由中資行領先。

土炮一舉成名,除左中金外,中信亦密密領軍,據講,舊年唔少做歐美大行嘅海歸派被裁,中信就將呢的棄將收歸旗下。

留言

匿名說…
Business in IPO is relying crucially on relationship and not the skills and size. The ranking in China is just reflecting the degree and the extent of the relationships with the Central Government. So, the IPO ranking in the order words is the ranking of "RELATIONSHIP".

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將