空缺


如果問除左伯南克之外,對美國貨幣政策最有影響力嘅人係邊個?

答案係聯儲局副主席科恩。

英國金融時報有高度評價,話佢係美國中央銀行危機管理最重要既締造者。

紐約時報形容佢具備資歷,同影響力。

事實係、唔係退休,外界可能唔知佢功績。

但正如華爾街日報講,40年聯儲局生涯中,科恩永遠站喺主席後默默工作,貢獻一切。

由地區小職員做起,科恩零二年獲喬治布殊提名為理事,四年後再升為副主席。

為協助伯南克,佢由背後轉到前線解釋政策。救市方案佢有分諗,銀行壓力測試係佢負責。連協調各國央行,亦係科恩既工作。

科恩鐘意踩單車番工,6月23日之後,聯儲局呢個車位再見唔到科恩嘅單車。

對於拍檔,伯南克話,以佢嘅經驗,佢嘅智慧的確貢獻良多,聯儲局,以至全國,實在欠佢嘅太多。

科恩退下火線,奧巴馬正頭痛物色人選,填補三名聯儲局理事空缺。

薩默斯,同蓋特納亦正有機會發揮影響力,建立聯儲局內奧巴馬班底。

搵咩人入局,正顯示白宮,對增就業,或抗通脹,邊樣睇得重要。

前理事邁耶一語道破,話奧巴馬高舉刺激經濟大前題,鴿派當道,會係理所當然。

最新消息係,白宮將會以合約形式、聘請現任麻省理工經濟學教授Peter Diamonds出任聯儲局理事。

鑽石先生擅長行為經濟學同稅務問題,曾經喺零三年出版「拯救社會保障」一書。

作為行為經濟學者,佢支持透過改革稅制,逐步增加對低下階層的社會保障。

雖然未有公開表達立場,但照牌面睇,Mr. Diamond是著重福利多於通脹問題,似鴿多於鷹。

留言

Hong Kong說…
昨天晚上看张一鸣说现时的楼市还没到如常1997 的疯狂情况, 张兄次言差儿.
在1997, 买楼是一个价单, 先到先得, 所以要排队打尖, 但今天,卖楼方法是很不同,推出单位数目和价单是不请不楚,发展商用市场的心理用最高的平均价卖出最多单位.
还有发展商给代理佣金性质跟以前也不一样,现在可以视为他们的推广费或宣传费用.
还有, 政府高官从来没有实地到售楼处考察,处永远都是纸上谈兵, 政策不是时间不当或是不到位. 请官员多多检讨.
亞羊說…
D 官只懂識出糧....

咩... 咩... 咩...
匿名說…
pls read post no.18
http://www31.discuss.com.hk/viewthread.php?tid=11185544&extra=page%3D1&page=2

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將