萬二蚊

政府有錢淨,消息話、成個財政年度預計盈餘有望超過七百億

庫房水浸,但政府唔會再派錢、會提出一系列的紓困措施,其中中產得益最大。

稅務擔子會輕左、消息話政府會退稅,上限萬二蚊,而個人免稅額、亦有望由十萬零八千,增加到至少十二萬、父母同子女免稅額都會調高。

咁做可能令稅網收窄,但消息話人工上調加上通漲,提高免稅額亦好合理。(此點真是不敢認同,稅網再收窄,日後只會令財政收入更波動,一旦要打逆景波,到時分分鐘要全民加稅,到時一定同你死過!)

供緊樓嘅亦有得益,供樓利息扣稅期有得延長,差餉亦會有寬免。

家家戶戶都享受到嘅,電費補貼亦有望加碼、每戶一千八百蚊,學童資助亦會增加。

至於舊年創先河既iBond,今年繼續有,規模一百億,相信今次認購反應可會熱烈得多! (不過回報其實已經不甚吸引。)

財爺自己在網址話唔追求掌聲,不過觀乎呢分預先張揚既預算案,怎能令人不聯想到大曾要威威下台?

自己口就講到好驚好驚,仲大言不慚話歐債危機最好可以比佢任內處理,但同時就安排自己外訪密密麻麻,請問佢邊有時間處理咁多問題?

回望曾財爺五年任期,每每都係做多派錢工作,對於長遠競爭力可謂乏善足陳。

甚麼六大產業不說,最經典莫過於發展伊斯蘭金融商機,除左任內帶過隊外訪中東,請問呢個伊斯蘭商機仲有咩工作做過? 而家愈行愈遠,留底只係一埋笑話!

其實香港呢幾年最大機遇,莫過如發展人民幣離岸中心市場,但每一年財爺對此描述,都只是適可宜止,市民要真知了解人民幣業務的機遇,我們反而強力推薦李小加寫的萬言書,不論思路及競爭力的建議,都絕對比預算案強出萬倍!

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將