微信! 你信?
分析員對騰訊，等於金庸筆下，神鵰俠侶既過兒，小龍女關係：至死不渝，一生一世。
而馬化騰筆下既企鵝，基因劇變，不單止行得更快，而且會飛。飛既企鵝，遇上過兒同龍女，誕生出正正係五百蚊目標價。
騰訊業績，未見突出，但憧憬及預期最難量度，既然股價年內升幅五成上，上市以來升幅數十倍計，騰訊等於一幢物業，長期持有包無死，既然如此，股價由於三百八十破過，要型，要潮，要JUICE，俾夠五百，又何況?
五百是否天方夜談，好難講。但市場對騰訊旗下移動業務，形同酒醉過後無所不談。
用中金五百報告做例子，佢地認為，WECHAT潛力幾近天上最強，兩年內市值見五千億人民幣，比依家高出二千億。
騰訊目前市值七千億左右，如果騰訊市值已經有一半來自微信及WECHAT，呢點在在成疑。
一，咩叫市值先。二，業務有貢獻咩？亦用另一個角度，WECHART若然現值三千億人民幣，咁點解要買騰訊，當然買原創者!!
中金條數計得好大，佢地認為按騰訊移動用戶計，只要網遊在移動平台普及，並提供每月人均一百蚊人民幣貢獻，估值由此得算。
即係咁，如果移動用戶用月平均消費二百、五百、甚至一千人民幣，WECHART市值，豈不是要蓋過整體本港及內地股市市值現在總和!!
至於目標四百五十蚊既高盛，就提出騰訊二次起動理論，當然賣點繼續係WECHAT及微信。
按高盛睇法，騰哥
先將用戶普及兼擴散，製造Critical Mass，繼而局部取入收費業務，並用客戶人數為賣點，物色廣告收益，而最後一個階段，就係利用平合增值發展，包括電貿等等。
總之，此志不渝既關係，建基於WECHAT好、WECHAT巧、WECHAT頂瓜瓜。
WECHAT等於頁岩氣項目，未有氣體出，概念可以繼續吹。
而更實在係，騰訊股價表現出，抄襲同原創，雖然本質極端，但現在情況反過來被形同為增值創作，豈非諷刺!!
說來諷刺，今年香港有700，納斯達克一樣有隻新浪，分別累升50及60%、均是兩地股市的升幅英雄榜。
巧合的是，兩間公司盈利均遜於預期，目前市盈率分別達90及42倍。
不過以分析員共識，堅信兩間公司PE到2015年，市盈率可以降至19倍水平。
正如FT的LEX指出，騰訊的未來是建基於一個未受考驗、到底這個市場以為可以成功的模式，是耶非耶?
留言