擘價


新盤擘價大戰一觸即發!!

元朗新盤已經大混戰, 又再加多一個荃灣盤狙擊。

原本新世界元朗溱柏, 貼近市價開出, 長實慣常玩截擊, 今次開出荃灣昇柏山幾乎同價!

折實呎價, 大家都係8000幾蚊。

長實喺荃灣昇柏山首批82伙, 實用呎價8792元, 比二手價折讓一成

由於提供多項折扣, 包括即供減價7%, 會員減價3%, 連同其他釐印費津貼等, 最多扣減樓價超過一成三之後, 三房單位入場費623萬, 而兩房單位最低訂價477萬。

昇柏山係單幢樓, 只有402伙, 主攻兩至三房單位, 位於大窩口國瑞路, 交通唔算方便, 步行去港鐵大窩口站需時大約10分鐘, 而且附近係工廈大廈同村屋為主, 景觀一般

不過昇柏山開價相比荃灣區縉庭山、以及工廠三寶包括爵悅庭, 開低一成至一成半, 不過呎價等同元朗另一個新盤, 新世界溱柏折實每呎8494元。

睇下減得最多嘅三房單位, 入場費最低係2樓RA單位, 實用747呎, 訂價723萬3千蚊, 即供有得減, 折實價就係623萬8千, 減咗99.5萬, 平過荃灣同樣屬於工廠區嘅新派屋苑, 都要過萬蚊一呎。

呢個價, 係等同葵涌區、同系嘅雍雅軒。

荃灣昇柏山開價, 有競爭力, 亦有殺傷力, 直情係衝住元朗溱柏嚟打。

代理相信, 兩盤對壘, 首先會打低二手市場, 短期內新界區中小型樓市, 成交將會停頓。尤其係元朗區, 散晒!

證明後市需要減價賣樓,二手市場勢必有排冰封落去!

8月份頭20日,全個元朗區,暫時只係錄得大約30宗二手買賣,按月同期大減一半

連同區內三個貨尾盤同一時間, 已經有1400個新單位任揀, 代理話經紀必定, 先行集中火力推介一手新貨, 元朗區二手樓市, 起碼要冰封數以月計。

全個元朗區差唔多成個月喇,都只係做得嗰幾十宗、二手樓買賣咁少!聽落、都幾恐佈!

而家開始都需要有心理準備!嚟緊其他新盤, 都會轉趨貼近市價開出。

雖言發展商個個財雄勢大, 但要支持有現金投乎, 現金流又點少得? 持貨唔賣扮高貴, 一係是華懋, 再唔係就係恆隆, 其他肯定都有壓力。

樓價之前一直高企, 呢刻終於見真章! 新盤一個二個跪低, 唔會再有溢價!

新盤回歸現實, 貼近市價、甚至低過市開推出二手樓無晒防線! 唔跌價, 試問仲點啱數?!

似乎一直等待的樓市調整期, 指日可待!

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」