世界安定?


一句「世界並非想像中安定」,已經令長和業績內、主席展望一欄變得毫無意義。

昔日「前景秀麗」、更恐怕變成絕響!!

有分析員睇和黃盤數,最大驚喜來自歐洲增長超過兩成,3終於步入收成期,大摩話比佢地估計仲要高兩成。

不過拆細集團大數、上下半年睇,EBIT實際嚴重走樣,由上半年16%增長、到下半年得番10%左右,反映下半年未必有想像中咁好景!

要數最計錯數,恐怕都無分析員估到、居然係財務及投資。

本來分析員估計、和黃呢個「金庫部門」,可以輕易賺到21億以上,結果埋單得12億左右,差幅高達40%!!

以和黃財務部往跡、真係擔心今次要人頭落地。

不過公道些講,對CFO陸法蘭可以話「非戰之罪」,因為霍大班而家興將一些無人要資產全部放入,包括左虧損擴大TOM、甚至唔想拖累屈臣氏上市估值,將嚴重虧損西班牙「瑪利娜」,都放埋入去,變成垃圾回收站!!

不過最令分析員驚奇,係低息環境之下,和黃減債之進取,完全出符意外:淨負債對資本跌至20%既11年新低,大摩分析員本來只係估計,負債率只係維持大約22%!

數返09年時候,和黃負債率當時達到近30%,換言之,五個年頭,負債率大跌十個百分點。

而家結合埋超人開頭一句不安定宣言、前景係「審慎」定「樂觀」,都不需多言! 大家真係要提醒十二分精神

所以亦解釋左,派息雖然有增加11%,但以現金流改善速度,派息比率反而係不升反跌。

久違既超人、雖然在記者會上談笑風生,有問必答,但不時流露出一、兩句憂慮前景,絕對看得出是有感而發!

佢仲慶幸自己三十年前、已經投資海外,而家香港資產佔和黃比重,已經跌至得番一成四,相反歐洲就佔近四成新高,否則呢分業績未必有今日咁好景!!

留言

JOHN說…
CEBOOK網民們:
你們要提防這擁有多於一個
FACEBOOK ACCOUNT
的騙子,自稱才子
Andrew Lee (Leemengtech,李廣來)之外,
還要通知你們身邊有
FACEBOOK的親朋好友,
切勿與這個在性慾、色情、
淫賤、誹謗、精神情緒健康
有問題(淫、瘋、毒)及那那枝"偽"術
的筆而與他網交..

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將