疊馬仔

疊馬仔失踪事件，過去兩個星期一直困撓博彩股表現，不過四月分數據，就未有令市場失望，係咪有人「諗多左」?

去年疊馬仔收入達300億美元，佔整個澳門賭業收入60%，甚至多過好多大型賭城全年收入!!

傳聞而家「走佬」的金麟負責人，就帶著一百億元，而且可能引發更多投資者，對「疊馬仔」營運模式有質疑。

由上月中傳出、近日連大行都開始追踪，貴賓廳中介人、俗稱疊馬仔可能出事，已經成為澳門熱門話題。

華爾街日報報道，自上月尾爆出，負責澳博、銀娛、新濠及美高梅旗下貴賓廳業務的金麟，一名叫黃山負責人，擄帶約一百億元潛逃，迅即被澳門中介人網站登出「尋人」啟示，仲話明是「危險人物」。

疊馬仔「走數」，並非新鮮事，不過金麟以高息2.5厘吸引投資者注資，再放貸予VIP廳賭客，令規模快速膨漲。

不過由於內地打貪愈來愈重手，令這盤生意愈來愈難做，傳聞今次事件中招者眾，在澳門疊馬仔圈內、就動員超過一百人「尋人」。

疊馬仔走數，可能令澳門博彩業面臨13億美元虧損，更多投資者會要求疊馬仔回水，產生「連鎖效應」，分分鐘令現存二百多間中介人出現倒閉。

不過同時亦可能，會改變行業生態。

用逆向思維諗睇，可能係危中有機，好似永利咁，早就觀察到「疊馬仔」模式未必再行得通，近日不斷減少貴賓廳樓面，轉為毛利更高的高端中場。

剛公布首季業績，永利澳門純利升一成，好過預期，原因正是將更多賭枱，由靠疊馬仔的貴賓廳、轉移至毛利更高的高端大廳。呢個做法，係有先見之明。