擺上檯?


黃師傅話,四月初形成上升裂口必補,26200一旦未能守穩,向下移動就要度量黃金比率調查,隨時二萬五左右?!

港股搞成咁,係咪要報警??
有口痕友話,與其報警,倒不如報廉署!

今日及上周五,借深港通傳聞上下各炒一轉,實在假得離普,正當市場真假難分,理智盡失之際,一個消息,隨時帶來異常震盪。

路透社話引述三個消息人士透露,深港通因為技術因素未解決,所以未能宣佈推行。用技術因素做理由,基本上唔會有錯。

再睇報道,技術因素在於納入股份類別及額度分配問題,呢兩點,早於滬港通啟動之前一早就知,談不上新聞!!

報道又話,八月一旦不能公佈的話,年內推行或有問題,甚至影響加入富時、摩指等等!

嘩,將我國市場開放,資本帳改革、及潛在數以萬億計資金流入,全部擺深港通上檯,中環人回應話:你要,咁諗,無野好講!

但提醒一句,八月不公佈,年內難實施,是否假設出錯??
首先,有滬港通在先,深港通相比下,簡單得多。
第二,別忘記,滬港通其實宣佈後一周就正式開展,犯不著四個月!!!

基於監管者及幾個交易所對市場傳聞有不置可容,既不承認,亦不否認慣常造法,有無諗過,深港通呢類市場敏應消息,某程度上可以被市場「生屈」??

大事之秋,理性判斷,理智思考,某程度上都係緊守崗位,貢獻社會的一種。講完!!!

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將