戰場

逆向思維諗,特首的一帶一路論、成功令全香港人都認識呢個國家重大策略,唔識「洗版」既佢,居可以成功一洗再洗、今次在阿爺眼中,應記一功!

有功唔止一帶一路,君不見人行打大鱷、成功利用本港戰場,將淡友殺個遍甲不流,CNH一役大功應記入史冊。

可惜呢招係七傷掌、犧牲離岸,力保在岸,將幾年來用心打造離岸人民幣中心,幾乎一手摧毀。

在離岸市場決戰炒家,人行初勝一仗。本港隔夜人民幣同業拆息,由周二66厘,大跌至3.6厘。交易員話,已經回落至正常水平。

不過後遺症不少,銀行界話,事件重創人民幣離岸市場,形容過去幾日出現流動性危機,銀行及交易對手,均不知如何為人民幣離岸產品定價。

離岸點心債市場首當其沖,由於拆借成本一度大幅高於點點心債回報,令相關債券大舉被拋售。匈牙利政府就率先叫停、原定發行的30億人民幣點心債,有關債券原定今周在亞洲進行路演。

同時亦反映左、面對CNH拆息波動,88樓再一次盡顯「無能為力」。

話就話提供流動性,但其實咪又係喺離岸個資金池搵水,仲要用市場拆息計數,中環人話,今次人行完全跣左陳局長一鑊金。

唔好以為CNY無咩變動,其實內地一樣有後遺症,CNH大幅波動,令內地居民都多左戒心,四處撲美元。

在北京上海深圳、多家內地銀行分行,均出現美元庫存不足,客戶提取超過1000美元、就要預約。

更有私人銀行表示,上星期已經將全年的外匯兌換額度用光。

銀行無得玩、有深圳店鋪出現盲搶港元,108都殺,好似QDII居然亦成為搶手貨,買到額度告急。

可以留意埋、一直無咩人理既「港股通」,雖然係用人仔結算,但都當係買到港元資產,由去年10月以來,日日全數錄得淨流入,是有紀錄最長。

一切一切都反映、內地居民係人心虛怯,呢個先係最大隱憂。

瑞信經濟師陶冬指,境內居民兌匯潮會加劇貶值,估計全年資金外流,大約有7500-8000億美元,維持人民幣有序貶值預測,人民幣年底會跌至6.78兌一美元。

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將