一夫當關

其實英鎊下跌與否, 對港人影響實在有限。雖然說是前宗主國, 除左要比留學費用、以及仲等緊88樓解畫、都底要為英國物業減值幾多外, 脫歐與否, 對港人日常生活真係無咩關係。

反而係因為脫歐、引發的避險情緒, 就真正影響大家荷包。美、德、法、日、瑞士、澳洲債息,均創紀錄新低,債市及日圓熱爆,就引發資金全面避險。

彭博統計、全球主要債市資產,錄得「負Yield」規模達到十萬億美元,按周增急11%。潛在影響,不容忽視。

當然好似拆局周二解釋、暫停贖回對成熟市場投資者等同流動性「爆煲」,對上一次英國同類房產基金暫停贖回,就令寫字樓樓價由高位回落四成。而家市場擔心係、英國正在重蹈覆撤。

有專家已經警告,英國當地資產市場已經有資金撤走跡象,憂慮「Fire Sale Risk」會再沖擊市場。

不過亦有正面思維、認為今日同08年不同,不單是未有出現信貸風險,而係英倫銀行有一位可以「一夫當關」的中央銀行行長,能夠發揮定海神針效果。

彭博有一篇專文、詳細披露卡尼在英國公投脫歐後,當局的連串針對市場穩定措施,當中有一句最有震懾作用: 「公投的結果可能是出符意外、當英倫銀行已經早作預備。」

呢句話係喺公投後一日,卡尼飛到去瑞士出席BIS年會上,向全球其他銀行派發定心丸。之後佢隨即又返到去倫敦,為脫歐後可能發生的潛在危機作出應變。

跟據英倫銀行官員披露、原來副行長及主要官員級別,都要在公投前留守倫敦,以應付任何潛在威脅。

諷刺既係、同政府高層在公投後呈現既一片亂局,包括首相卡梅倫辭任,支持脫歐既前倫敦市長約翰遜被背叛、獨立黨黨魁又離奇辭任,面對「政治真空」,呢位高盛出身既中央銀行家,發揮出穩定軍心既型像,可以話係事件中唯一贏家。

評論認為、卡尼兩星期以來既三次露面,除左兩次放水,又暗示減息,更難能可貴係佢對金融市場可能影響民生既潛在風險,說得坦白,包括經濟可能衰退以及金融風險開始出現,既無隱暪、亦無刻意誇大。

當今次世、三大中央銀行家,耶媽已顯出進退失據、甚至已損及聯儲局公信力。德拉吉就似乎更傾向「語言偽術」多於實際行動、反而一向較沉默的卡尼,在危機之中見真章,證明他在08年時任加拿大央行行長期間,成功處理危機絕非浪得虛名。

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將