勇敢新世界


一個Jackson Hole 年會,果然是大放「鷹氣」,先由耶媽出手、見唔夠功力,再由副主席費希爾做解讀,表明9月及12月都有加息機會,扭轉市場對加息預期。

印象中Jackson Hole 年會要「畫公仔畫出腸」,歷史上絕無僅有,亦顯示當局已經非常介意,市場如何解讀FOMC的決策行為!

雖然媒體及市場焦點,全放在耶倫同如何評估加息機會,但今年年會主題,其實是央行如何應對下一次危機,以及政策工具有效性。

當年初日歐央行都選擇以負利率作為工具,雖然一度引起市場震撼,但好快已經被評為弊多於利。

吊詭既係、負利率造成既負面效應,幾乎同貨幣政策原意完全相反。

以日本為例、負利率推出以來,日圓不單無跌、反而是十幾種主要貨幣中升幅最大,
今年以來急升16%。
至於瑞士、銀行應對央行負利率既造法,非旦唔係將銀行貸款減息,而係加息以收回資金成本。
德、日、瑞典瑞士、丹麥消費者寧願增加儲蓄,而並非提高消費水平。

據摩通統計,現時環球去到負利率嘅國債,總和多達8萬8千億美元,係全球國債總額嘅3分之1。但顯然、貨幣政策失效,已經係眼前事實。

最大惡果,其實出現在資金市場。擔心負利率影響回報、「資金難民」恐慌到將錢全數投到疑似有回報資產,撓亂了資本市場運作。

理論上當債價上升、息率下跌,債券應該會跟據供求關係調節,不過由於央行印製出既數十萬億資產表,已經完全扭曲經濟學理論,基於QE Infinity and beyond,資金寧願蝕息都要等債券升價,結果將債券當成股票炒,後果係令到整個資金市場翻天覆地!

而且不單是債、股、匯、商品市場被扭曲,簡單睇下本地樓市,雖然回報跌至紀錄低位的一、兩厘水平,但資金仍然係驚死買唔到樓,所以好Grand Yoho一日清貨之後再加價一成,一樣係入票者眾,樓價似乎已經再無唔關供款能力事!

金融時報既評論係、中央銀行家要進入「勇敢新世界」既行列。今次聯儲局發出雙重加息訊號,似乎反映當局有心撥亂反正,耶倫要重收拾投資者信心,以及表現出果斷的決心,至少看來9月是有充分加息的準備。

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將