新人事

要數呢兩日經典的市場羊群心理效應例子，星期二已經有活生生兩個例子。
 
渣打昨日都提及，會否是另有陰謀論? 由單一機構提出指控是否就足以令人致信。
 
更莫名其妙其實係思捷請新任CEO。
 
對思捷董事會來說，贏唔到人、唯一選擇係照抄。
 
思捷由 inditex，Headhunt 左分銷同營運總裁Martinez 馬丁內茨，係喺七個候選人之中脫泳而出。
 
思捷喺分析員會議上都坦言、係睇中佢喺FAST FASHION既經驗，希望將ZARA 幾個星期就將服裝轉款既模式，引入到思捷。
 
不過令大行大惑不解係，馬丁內茨到而家都未同現任既總裁范德施會面，亦未有同現任管理團隊有任何溝通，擔心四年總值二百億元既改革計劃，會受到考驗。
 
而年僅既四十二歲既馬丁內茨，經驗亦受到質疑。
 
佢喺任職ZARA 營運總裁之前、負責公司挪威同瑞典既業務，零售行內形容係唔合格，主要係喺定價同時裝既呎吋上，符合唔到當地人要求。
 
而且馬丁內茨過去只係管理過幾千人既團隊，以思捷遍布全球既萬四名員工，而且唔少高層都係由范德施喺過去兩年請返來，點樣融合會成為挑戰。
 
何況FAST FASHION唔係話學就學，Inditex既成功之處係供應鏈管理，每間分店只係有三日存貨，新設計既產品只係需要十五日就可以上架，一個星期賣唔出就會收埋唔賣，呢啲先係而佢地零售佔業務比重達到八成半，相反思捷只有五成六既比重係來自零售，其餘近半既批發業務，對馬丁內茨來講，係完全缺乏經驗。
 
令人更失望的是、思捷電話會議失望，指管理層迴避新總裁既業務定位。
 
大行亦都話，新任總裁唔構成股價上升動力，星期二既漲幅跟本全不合理，今天回套先係正常調整。

不過話說回來，以近三百萬歐元年薪，單日就托起數以十億計市值，無論如何，這個CEO 都係抵請!