文章

暴力哥

圖片
內地近日興起一個名詞,名為「暴力哥」。暴力哥何許人也? 讀一個標題:「建國底驚現暴力哥,國家隊護盤跡象明顯」。換句說話,暴力哥正正係萬眾期待國家抬高指數部隊。 市升,或者應跌反升,就惹人想入非非。譬如,民行有買盤,工行星期二五分鐘內,有近一萬手買盤,宏觀大環境難以解釋,於是市場就暴力咁,虛構一個暴力哥出嚟,形容暴力哥暴力入市,並且更暴力將暴力哥等同國家隊,匯金,中投等等。 出口表現一團槽,三個星期內,統計最少有六間大行降中國增長預測,最少有三間大行估中國有三成機會硬著陸。 隨著暴力哥既出現,內地股市被暴力掃高,叫人更遺憾係,外界進一步暴力式,將內地暴力升市,等同中央軟化立場,會刺激經濟,會有政策,甚至會減息。 內地經濟是否遠遜預期?是。出口之差係咪加速經濟下行?不是。因為,出口根本,或由頭到尾無好過,去年底,今年初,所謂內地出口數字亦根本無認真弄清楚過。 在連續第二個月打假,進出口數據除去水分,結果原形畢露。 細心睇六月出口大幅走弱原因,包括打假、外圍需求、人民幣升勢,區內貨幣疲弱等等。所以,刺激經濟能否刺激出口,減息會否帶旺出口訂單,答案不言而喻。 中環人話,克強總理提到,經濟增長要守底線,經濟失業不能滑出下限,通脹就不能升破上限,其實係由非洲,到美洲,以至亞洲,任何政府都要做既份內事。 首次提及要為經濟劃下底線,由上月爆發拆息風暴來看,中央的確對最後防線是留有一手。 新華社評論文章提出,過去一季經濟復蘇之路坎坷,不過新管理層不再走過去靠加大投資的舊路,說明中央明白不可贏得增長、丟掉發展。 將呢番說話暴力形容為暗示刺激經濟,正正忽略所謂克強經濟學背後,大理念其實係要刺激長遠經濟。 克強長遠刺激經濟既克強經濟學,我地早在有線中國組提出,界定為三點: 去槓桿、結構改革,及最重要為沒有刺激政策。 瑞穗經濟學家擔心,內地當前風險,不是硬著硬,而係政策軟著陸,即係心軟而轉軚,並用一個舊式刺激,打倒現代或新時代中國需要既刺激。 由上至今日海關,下至企業,的而且確形容前景有如世界末日。更有趣,熔盛重工可以一反民企常態,大裁員,資金周轉不靈,急撲水,通通毫無避忌全數公開。 白些講,就係講到自己有咁慘得咁慘。 投資唔得,消費唔好,連外貿都轉弱,今日大行獻計,就是將人民幣眨值!! 今年嚟,人民幣兌美元升值百分...

鐵木真

圖片
阿里巴巴四個字,仍然熱話全球。一,幾時上市、二,邊度上市、三,有咩上市,四,值幾錢? 總之,馬雲當年的確對1688小股東一般,但市場仍然對佢寄望甚高。 廿二間銀行,近乎白做貼錢,要都滿足馬雲八十億美元銀團要求,無非係上市之時,想當一官半職鋪路。 中環人有個笑話,環球金融界依家最呼風喚雨人物,非李克強,周小川,伯南克等等,而係阿里巴巴掌管投資者關係頭頭,無佢首肯,無佢引見,強如華爾街大鱷難以喺阿里巴巴上市,撈點油水。 阿里巴巴高管,已經係全球最想求見既神秘人。是日,馬雲接班人既陸兆禧,以處子之身高調主持發佈會。 以上任兩個月為理由,陸兆禧今日其實要交待兩個訊息:一,我地真係上市。二,地點香港機會極大。三,亦係晌重要,就係支付寶,小微金融,不在上市之列。 老實,既然高調整體上市旗號,天貓、淘寶等等,唔上市,等於阿里巴巴唔上市。由於支付寶性質,兼內地近期金融情況,支付寶及小微金融去向先係市場最關心。 說到底,阿里巴巴對外界來講,已經不再是網股,而係新晉銀行股。 如果講少少資料,以為阿里巴巴整體上市,就假設支付寶會包括在內,已經係根本性錯誤。 事關,早於年幾兩年前,雅虎同馬雲幾乎反目,正正係支付寶靜悄悄轉到馬雲私人名義,當時,官方解釋係人行法規,外資不能佔股,所以,支付寶不在上市之列,係一如預期。 眾所周知,支付寶再加阿里用戶,等如一間銀行。結果,理財產品,保險產品通通網上熱賣。 有留意的話,六月底被小川,福林齊齊叫停的餘額寶,直到幾日前,人行為首當局突然按下錄燈,財產可以賣,兼可籌集資金,令網絡狂人搖身一變為馬雲銀行。 內地監管一切OK,馬雲銀行正式成立,於是陸兆禧奉老闆指示,正式公佈,阿里巴巴不是銀行。正正係今日用意,亦可能係向人行當局一個交待。 都係果句,信馬雲,隨你。阿里巴巴上市前,受惠股全世界知名。但市場話變就變,當日一檔臉書就令不少人失威至今! 焦點聚集,已經係非上市既馬雲銀行金融集團! 反而值得係陸兆禧,同馬雲一樣不是IT人出身,不過當年以創辦支付寶一役在集團內打響名堂,心思慎密又放膽行事,正是陸兆禧個人之處。 大家都知,阿里巴巴高管都有一個以武俠小說人物的外號,馬雲就是笑傲江湖「風清揚」,陸兆禧取名射雕英雄傳的「鐵木真」,正符合阿里巴巴當前要沖鋒陷陣形勢! 

睇市

圖片
今日最少收到兩份有關區內市場調查,包括一份由美林所做,CFO對區內營運及業績前景預期。 另一分由摩通大通會見區內基金經理之後得出既總結。有趣係,兩份調查主題大概相近,但結論卻截然不同!!! 美林訪問大企業財務總監,簡而言之佢地比牛來得更牛。經濟增長?睇好,並形容區內市場不能忽視、盈利前景?樂觀,七成一預言,今年會較往年好。 反之,摩通會見完區內基金經理,結論係投資者比分析員更審慎,甚至悲觀。 經濟前景?不明朗未盡反映、盈利能見度?下調盈利周期還未開始。 我地經常就投資做出類似求神問卜既動作,有大師問大師,有師傅搵師傅,而作為公司高管及基金操盤手,理應最了解經濟,最接近市場,幹什麼結論完全相違? 尤其處於調整未完,擬似轉角市況,投資者信咩好?? 上述涉及頗簡單一個問題,到底公司睇市準,抑或投資者睇市準? 類似問題,外國唔同學者得出唔同結論。更弊係,俗的講,大戶經常「老點」,而公司管理層亦經常誤導,或判斷信準。 但如果信一次資深市場人士的話,準與不準,其實公司高管及市場成熟投資者,勝算其實機會各半。 有經驗既老手話,如果經濟處於一個平坦周期,例如繼續向上,或者仍然處於向下,高管準繩府會較高,因為市場一批多左投術走勢,以及資金,估值等等左右干擾。 相反,如果經濟大環境處於轉角期,後者多數掌握較快。 無人知,或者百分百肯定,目前屬於轉角,抑或大趨勢既持續,但觀乎唔少中資企業,其實一年三百六十五日,有八成或以上機會對前景睇法,都會公開話好,或明年會好!! 經濟運行有變,遊戲規則不一樣,兼且公司預視判斷能力不足,熔盛肯定不是個別事件,中資被遺棄,不無原因。 對於大區內市場,印尼、泰國等等仍然被看高一線。但退一步睇成件事,債息升,美息突破兩厘七,美林賭年內見三厘,匯豐話,三厘正正係痛苦區,但樂觀一派繼續大叫大嚷,三厘仍屬偏低。 與其糾纏二,二五,及三呢的數字,最簡單問,息率不足兩個月升一厘,係咪合理?是否過急? 息升,融資成本高,呢個僅僅係美國公司面對問題。身處區內,債息可以等同資金外流,貨幣下跌,政策混亂,再融資困難等等,貨幣區內倒水跌之餘,包括香港在內既利率掉期持續抽高,惹人關注!! 一個字:Tight! 美國憑其十九萬份新增職位,退市暫屬RIGHT TIMMING,對區內而言,百分百肯定係WRON...

盤活存量

圖片
年頭,央行一片寬鬆之聲,Abenomics安倍經濟學熱炒全球。 年中,我國不讓日本尊美,決定來一個Keqiangnomics!! 克強經濟學,相當簡單,某程度上等同一個經濟政策上既修正主義,將日本大半個世紀經濟發展上錯誤,一一修正。 克強經濟學,力撼安倍經濟學,全球寬鬆巨大洪流之下,肯定屬於獨自上路。 今日,國務院頒布轉型升級指導意見,下達全國各省市各部委,有評論認為,呢份意見指導文本,是成是敗,幾敢肯定都會列入近年中國經濟發展重要文獻之一。 升級來得聲勢浩大,內文重中之重其實一點:借得其所,錢用得要實在。 換句說話,升級指導意見,實為貨幣及貸款政策指導思想,而由國務院名義發佈,絕對值得玩味!! 更可圈可點為,升級指導意見,十點要項,每段各編定工作牽頭單位,協助部委,印象中,內地經濟政策如此分工鮮明,兼向外披露,實屬首次。 既然牽頭,職責一一劃分,是否涉及問責,抑或因權爭就且下回分解。 內地部委派系分明,鬥的鬥,爭的爭。日前,我地提及發改委大戰人民銀行,如果看看今日十大工作分配,由人行牽頭佔四、發改委佔二、財政部中證監保監銀監各佔一。 故此,數字上講責任重大,權力最多,克強經濟學大管家,或大贏家,似乎是小川一人。 但數字歸數字,內地既有問題多,貸款浪廢,信貸過量,用不得其所,核心問題其實係結構未轉型,產能太過剩,央企太大權,中小企被邊緣。 克強經濟學升級版了解問題所有,第二點明確提到要轉型,要差別政策,而該項工作牽頭卻不是人行,而是發改委。 因此,升級力量之下,人行即使權最多,工作最大,但關鍵與否,還繫於發改委。 由發改委主導淘汰過剩產能,由發改委話事,淘汰落後企業,亦由發改委決定行業貸款差別政策,大行經濟師反應係「有無搞錯左??」豈不是自己人查自己人?? 部份經濟師更坦白,提醒我地發改委從來屬於製造產能過剩部委;每年目標多少、產量水平、不要強,要更強等等,都來自發改委手筆。 其實,有學者指,內地到目前為止未必搞清楚,內地當前問題到底來自貸款資金不到位,抑或貸款需求無上升? 如果係後者,產業調整就至為重要,而並非單是克強經濟學中既盤活存量。 道理好簡單,內地目前產能使用量已經跌至不足六成,按國際貨幣基金組織計算,幾年以來已經急跌近二十個百分點,再投資就等於回報降,那會有貸款投資意慾? ...

克強經濟學

圖片
去槓杆化 結構性改革 避免大規模刺激計劃 呢三點被經濟學家稱為克強經濟學重要支柱。 講緊嘅係、金融體系要將資金支持實體經濟,地方政府不要大量舉債。 國務院星期三常務會議,為克強經濟打出最明確信號,盤活貨幣信貸及財政資源兩個存量。 亦即是代表要徹底告別、過去政府主導大投資擴張發展模式。 近年財政資金沉積已到驚人地步,經常出現地方政府舉債,但資金不到位情況。 以國家審計署早前公布,58個中央部門中發現16%預算執行未到位,形成結餘356億元。 以民航局為例,去年未執行預算有過百億,相當於一半預算撥款沒有花出去。 同樣,從貨幣信貸來看、截至5月底M2餘額達104萬億人民幣,位居全球第一,是GDP總量1.29倍,其中單計人民幣餘額就有67萬億。 工行董事長姜建清就講過,以67萬億餘額計,如果每年可以提高信貸周轉率0.1%,縮短貸款限期一個月,就相當於通過存量周轉6至7萬億元。 以過去每年新增貸款8至9萬億元計,換言之每年只需要投放2萬億信貸,將符合克強經濟學中減少槓杆化要求。 有內地學者提出,盤活貨幣信貸及盤活財政資源,是相輔相成的政策。 由收緊地方債、銀行理財產品,到上月一場拆息風暴,到今次提出以激活舊錢,擺明就是不再印新鈔! 新領導層經濟思維愈來愈清析。 由期望憧憬、到觀察不肯定、最終了解領導人心意,內地愈來愈多渣打指市場是低估了李克強、即使冒經濟下行風險,亦要堅定經濟決策的決心,而以短痛換來久安,是值得支持。 外地媒體則相對悲觀,金融時報主筆馬丁沃夫表示,經濟轉型過程,可能令庫存、固定資本大幅減少,有硬著陸風險。 馬丁沃夫形容,目前內地經濟就好像一架、只有半數引擎未壞飛機,正在減速著陸,雖然有成功機會,但代價可是領導人目前未考慮過,就是要大幅增加財政赤字。

善心人? NO La!

圖片
今日,相信會有一萬人同時大失所望! 因為為數一萬個、價值一百萬嘅平價上車單位,一筆勾銷! 政府正式表態,不接受恒基李兆基捐地起樓,仲反建議,捐地人士不如搵非牟利機構洽商、會較適合。 坦白講,政府無論係咪接受捐地,都一樣比人彈! 一旦接受發展商嘅好意,就一直會有話柄係另類官商勾結。 唔接受嘅話,眼白白無咗一萬個潛在供應,演變成三輸局面!政府、四叔、上車人士都輸! 輸唔輸,就睇政府! 增加供應呢個重任,唯有靠晒政府,但加快興建公營房屋方面,政府又無能為力,仍然係困局一個! 政府婉拒四叔損地提議,四叔對於被拒於門外,表示歡迎。 作為主要發展商,四叔毫無損失,但對於政府,問題似乎來得複雜。 印象中,陳茂波就四叔捐地發言次數不多,勢估唔到,最詳盡,最實質一次就係SAY NO。 中環人話,政府決定可以理解,但亦反映內心膽子小,既爭扎又無奈。 對梁振英來講,由無地,變任揀地,到唔要地,本來肥肉在前,但怕風險太大。 一,接受損地本來就諷刺之極,最大地主理應係政府。 二,攞一幅,或七幅,就會觸發日後潛在雙向性利益輸送話題,政府日後只會附近建一條路,或者起一個公廁,都隨時製造話題。 三,「平」樓何謂「平」,對象定義等等,唔係一時三刻。 亦因為唔要冒風險,梁振英寧願用三十個月樓花期,人為數字谷高供應,而非實地,建實樓,自我保護,抑或增加供應,已經有先後之分,重要及次要之別。 但如果外界再今次拒地放大,政府增加供應是自打咀巴,未必係SAY NO就係NO MORE 咁簡單! 正如施老闆所指,本港確實需要土地興建房屋,只要問心無愧,受你就受你,何需怕外間閒言閒語? 本港地產分析員一直認為,四叔捐地,政府要地係雙贏,當佢地中午知道政府拒絕免費要地之後,第一個反應係「有無搞錯」!! 講真,地,肯定唔夠。輸家一定係想有「平」樓的市民,以及之前因為捐地,有助提升恒地每股資產值而買恒地既投資者。 以恒地農地總量,大行計算每股資產值介乎每股六至十二蚊左右,但四叔一捐,體現價值之後,再以現金方式補償,有大行計過,恒地農地每股估值就會提升至近三十蚊。 如是者,思歪不止止斷市民買屋夢,兼且搞埋破壞,恒地股東難體現價值。 公平的講,接受捐地與否,政...

實彈演習

圖片
經歷左痛苦的六月,特別是內地一場自製「拆息風暴」,經過半年結後,拆息終於穩定落來。 但大家仍然不禁要問,過去兩星期到底發生左咩事? 華爾街日報追踪拆息風暴來籠去脈,中央要如此懲戒銀行,其中一條導火線,是六月頭十天。 當時,全國銀行新增貸款已經有一萬億元,人行形容是前所未見,更甚是七成都是短期票據,資金在表外流轉,沒流入實體經濟。 人行內部會議揭示,當局評估是銀行一廂情願以為經濟放慢、中央就會推出刺激措施,因此預先提供放貸。 會議點名批評信行、民行、平安銀行以及郵政儲蓄銀行,而人行亦決定出硬招,逼銀行改善貸款結構。 但人行破天荒未有向市場注資,就引發流動性恐慌,關鍵是六月二十日。 當天回購利率被扯高至破紀錄三十厘,市場謠言四大行之一中國銀行亦出現違約,人心惶惶之際,金融市場幾乎失控。 雖然中行澄清有關報道失實,不過中央認為並不足夠。 最終由主管金融事務國務院副總理馬凱介入,下令徹查中行債務違約的傳言,要求監管部門展開調查,誓要揪出導致市場恐慌的幕後黑手。 中央亦認為部分傳媒,報道太過誇張,中宣部開始禁止內地媒體,使用「現金短缺」及「流動性不足」等用詞。 據講,上星期內地黨傳宣機關對媒體作出三點指示,全部都同近期熱話既拆息風暴有關。一,媒體避免製造不安,報道要強調內地資金充足。 二,多作正面報道,三,提供正面分析,要市場正面了解內地經濟情況,及人行舉揩。 換句說話,如果再三消化三點要求,內地就夾息、同打擊理財產品呢場仗,簡單講,係既要改革,亦要市場正面解讀,半點負面演譯也不行。 到底,呢個係咪屬於根本性互相抵觸,互有矛盾,不得而知。但由事件發生,到華爾街日報揭露幾日關鍵事態背後,似乎不單止係人行大戰銀行,而係更牽涉兩大主角:周小川及馬凱之間。 周小川掌管人行以來,內地學界,分析師一直清楚,任何改革,任何控制過量放貸活動,最大阻力不是銀行,而是發改委。 事有巧合,發改委正正由馬凱掌管多年。 市場大戰規劃,今次拆息風暴就算未定誰勝誰負,經濟師相信,路亦難行也。 華爾街日報及金融時報幾乎同時刊登拆息三十厘既背後一幕,誰屬深喉,以及時間性令人細味。 由六月十九日央行武林會議,小川大罵銀行不是,到中行盛傳違約,短短廿四小時間,中間發生過咩? 又或者咁講,無...