財經拆局

半年已過，環球金融市場刀光劍影。 你，我可能只會關心賺與蝕，升或跌，經濟學人封面社論卻提出一個更嚴肅問題，按其標題「THE MARCH OF PROTEST」。 屆指可數，近一，兩個數月，土耳其、巴西、印尼、保加利亞、及部份歐洲二，三線國，示威不斷，而且主題不同。 據經濟學人觀點，示威已經走出傳統政治意識形態課題，網絡年代，加上經濟似好實壞情況下，呼籲市場及政府好好警剔。 呢個似晴實暗環節，更體現金融市場之上。一至六個月，投資者上了頗佳一課，二零一三年似乎全球充斥「大不力量」： 簡單而言正正代表「不」是一切是永恒、「不」是所有東西長升不跌、更重要「不」是所有假設必然成立。 由金價、債券、至美國、到近日中國，都屬於「大不力量」冒起例子。 絕對無人知道大不力量何時減弱，但觀乎半年埋單，中國股市跌一成三，香港股市跌百分之八，成為全球24個主要市場中、包尾分子! 港股完全受制內地貨幣政策、人行年初啟動正回購，象徵貨幣政策由寬鬆回歸正常。 配合經濟放緩憂慮同六月中的「錢荒」危機，大市由二月逼近二萬四高位，回落4千多點，失守250天線。 即使臨尾發力，上半年仍然跌1800多點，跌幅高達8%。 大跌市，半年間港股市值蒸發過萬億，升的藍籌只有十隻。 五窮、六更絕、港股市盈率只剩9.7倍，遠低於五年平均數，七月會否有翻身？ 或者與其歸咎什麼美國退市，資金興趣不大，鬼子佬不懷好意等等，倒不如先承認，中，港股市上半年，的而且確成為「大不力量」之下，不是任何假設都成立最大輸家。 市場中人習慣幾項假設，尤其喜歡代入中資股分析，中國經濟歡察，美其名呢類假設可以稱為GROOVY ASSUMPUTION，更貼切其實歸類做SILLY ASSUMPTION。 所以，如果因此而上半年毫無斬獲，甚至損手，先好好檢討，有幸仲賺錢，千其咪眉飛色舞。今日，最少三間大行發佈下半年策略報告，大摩、野村，德銀，主題清一色直指中國，中國風險最大，中港市場最受影響。 萬四點之言固然嚇人，但實際是去槓杆化，中央寧願忍受經濟陣痛，問題是投資者要自問是否同樣受得起! 上半年，中資股走資超過廿億美元，拍得著上年全年規模。呢個世界其實無估值「平」一定升呢回事。 中，港股市呱幾年，或者既受美國經常生事，但香港尤甚，其實更受伯南克熱錢，以及中國寬鬆量代政策保...

銀 荒踏入周四大致平息。案件重溫，單係呢個星期，撇除銀行點搶錢，個中涉及幾驚險等等。 內地情況似乎仍然流於，你有你，我有我表述，立場極不一致。 例如，人民日報叫當央行是股市奶媽，外管局就對著幹，大批QFII額度，更有趣係，堂堂總理國務院常務會議公佈，媒體理應例必行頭，但部份主要大報，卻用上速批額度做首席標題。 股市由股市主導不甚協調。人行及銀行仍然就資金市場情況你一言，我一語。人行叫銀行幫手，銀行最幫手，僅僅涉及召開吹風會，話自己安全健康，但觀乎姜總尋日話中有話，博奕升級，抑或同心協力，路人皆見! 阿爺唔想見太多理財產品，銀行偏偏置之不理。一個月四點二厘理財產品，據統計近一星期日推品種按「打」數計，對番同期一個月拆息，接近九厘相比，銀行有利可圖近四厘。 你話，銀行到底係咪想折息回？？ 銀行，同評論直指人行有責。但內地金融市場，並非中國足球咁簡單，後者頂多陪錢將主教金馬曹送走。 我地一直堅持一件事，就係拆息即使回落，不代表一切正常。再講如果咩，如果咩，其實最好係唔好再如果!! 後遺症呢三個字，三日前我地提過。 已經有!!! 據報，內地銀行水緊，令到企業更水緊。結果普通既貿易買賣交收，唔係用銀紙，而係用貼現票據，簡單講，即係「當鋪」張單據。 另外，銅鋼等等行業，盛傳日子難過，唔係訂單問題，因為一直係少。 佢地之所以大件事，就係資金斷層、鋼銅等等利差交易，依家怕部份被逼斬倉。 美林陸挺更直指，預期拆息好快回落至正常水平，是不切實際。 陸挺話，人行及國務院終於打破沈默，穩定拆息市場。 佢認為今次呢場由人行自製拆息風暴、背後成因複雜，但當局無人會願意負上令銀行體系崩潰、以及經濟硬著陸責任，因此經過近一個月的市場混亂，現時的確需要強調穩定。 不過陸挺指，要人行大量注資同業市場、令拆息回落至正常三至四厘水平，即使是要人行承認過去一個月做法錯誤，在內地肯定不會發生，因此未來拆息可能維持在五至七厘較高水平。

資金緊張，有銀行直言已到要「保命」時間。 上星期四、當隔夜利率抽升至30%，發生了一件這樣的事: 有銀行交易室在下午四時，仍然有幾十億人民幣資金缺口，但借不到錢要緊急上報。 結果董事長要親自出馬到交易室，打給兄弟行的總行董事長求救，緊急調度資金，在最後五分鐘、才用借來的錢填補了資金缺口。 此說可能有所誇張，但在在證明銀行違約之說，絕對有跟有據!! 大如工行，董事長姜建清都說過去幾日拆息風暴的確令人緊張，更將矛頭指向今次自製風暴的人行。 姜建清話今次事件不是錢荒、而是「心荒」，認為中央應該向市場、提供更清晰及穩定的政策預期，等他們知道中央想政策如何走。 其實人行何嘗不是上了一課? 雖然最終人行屈服，向個別銀行注資，但官方繼續把茅頭指向銀行。 人民日報發表評論，再強調不論銀行還是社會資金都充裕，「錢荒」是銀行玩「錢生錢」遊戲時，資金錯配的後果。 要解決，將放錯地方的資金放回對的地方就可以，銀行成本增加有限，不會危及存戶存款安全，更不會令銀行倒閉。 人行負責人接受新華社訪問，亦指責部分商業銀行，對流動性管理未能高度重視。 市場利率回落，人民銀行釋放善意，內銀出現恐慌性買入，大如工行建行股價單日升幅6%，是否代表雨過天青？ 如果信係，似乎受股市反彈影響左思考。正如美林崔魏所講，大震盪之後，涉及後遺症更深，更大，更不能不正視。 當街坊阿叔都識講回購利率，拆借利率回落，人行不會見不救的話。其實，正如內地學者所指，市場仍然用緊舊既一套，就係風雨過後，一切回復以前。 但既然內地人行為首，擺明玩鋪大，係咪影響僅僅涉及嚇下你咁簡單？ 亦即係，如果由理財產品，主導部份信貸供應，左右大部份銀行盈利，提供很大部份市場資金既玩法有變的話，影響就正正好似美林所講，一，近日情況係咪有銀行被逼停止部份理財產品續期，而導致有抵押品被逼沽售? 二，資金斷層，短期無辦法填補情況底下，會唔會因為有公司會周轉有問題。 更深層次是後遺症可能令利率自由化大幅推遲，結果是令改革決心事與願違。 上述問題，僅僅係最初步評估，因為內地金融債抵債，實在太耐，複雜過複雜。雷曼式危機可能嚇人，但論影響及擴散，在在可能比當年美國更大。 正面方向，陶冬博士認為人行今次強硬「擠泡沬」，即使教訓完結，但商業銀行都要交功課，未來要保持信貸政策審慎，有秩序地去...

以為黑色星期一股市大跌，已經到深淵。 真正考驗原來未降臨。 A 股一開市已經跌穿去年十二月，所謂「建國底」的 1949 點水平。 之後人行未有進行公開市場操作救市，市場信心幾乎盡失，指數由「西安事變」 1936 ，再跌至辛亥革命、八國聯軍、甚至重返清末 !! 指數跌至全日低位 1849 點，跌幅有近 5.8% 、是 09 年 1 月以來最低水平。 人民日報評論文章更令投資者最後希望幻滅。 文章指，中證監及人行不是股市「奶媽」，批評每當股市下跌，就有意見要當局要出手。但救市及托市，反而加劇市場積貧積弱。 過去四年半升幅全數蒸發，網上充滿股民的悲觀情緒，有形容 1849 點低位，是代表中國股市，比建國還要倒退一百年 ! 就在人心虛怯之際，尾市卻迎來一線曙光。 內地媒體傳出，下午上海陸家嘴論壇召開發怖會，監管部門會穩定市場信心。 大市出現 V 型反彈，跌幅由低位顯著收窄反彈近 6% 。 換言之，股市由兩次歷劫地獄，最後可以重返人間。 和訊網之後報道，國務院秘書一局緊急下發通知，要求銀監會聯繫各家金融機構，立即上報用好貨幣增量、盤活存量方法，亦被市場解讀為中央有意，穩定市場信心。 結果在陸家嘴論壇發布會上，三大監管機構大部分時間都為近日內地鬧錢荒事件維穩。 而真正的救市希望，亦在傍晚隱現。 人行首次發表聲明，指目前流動性並不短缺，而人行為保持貨幣市場平穩運行，近日已向一些符合，宏觀審慎要求的銀行提供流動性支持，貨幣利率亦已回穩。 又呼籲銀行要避免非理性行為，大銀行就要進一步發揮好，市場穩定器作用。 由驚嚇式下跌，配合內地屍橫偏野，區內營造慘淡氣氛，點知，三聲倒數，化為神奇。 結果上星期，未見過三十厘拆息不配做交易員，今日能夠處變不驚，絕對可以成為星級交易員。 敗也人行，成也人行。人行僅僅派出一個級數及官階不高既支行副主任，金口一開，市況可以近乎止跌，在在證明內地市場信心到達脆弱極點。 全日港股成交暢旺，簡單講，沽得多，亦掃得狼。中環人話，下晝各路英雄資金，確確實實出現不問價式買盤，趁市亂，博反彈，明顯不過。 正如沈大師好，野村好都異口同聲指，嚴重超賣，就有技術反彈。 事到如今，元氣大傷。論全日...

探子回報，今早八時正左右，各大行早會，經濟師，策略員雲集，交易員大時份時間問兩個人：就係中國經濟師，同內銀分析員，內地在幹什麼!! 詳細問題一如所料係同拆息風暴有關。 內銀分析員答得爽快，有影響，影響有待觀察。相反，面對一系列有關內地政策，動機，連鎖影響等等問題，幾間大行內地經濟師支吾以對，短線不明朗，長線會樂觀云云，呢類答案SALES最唔知點反應。 短短闡述呢件早會事件，其實簡單交待左股市發生咩事，點解會跌，同點解跌咁多。 因為，市場怕唔明朗，而內地拆息風暴牽引出，係不明朗之外，會有更多唔明朗及更多諗唔明、想唔通既問題。 而更甚係，基於沿用近廿年既假設隨時失效，重新洗牌，重新計算，至有重新結論。 故此，一切未有答案之前，就出現人踩人事故!! 中資股及內地經濟情況，事到如今，最重要係，邊個既夠膽，亦夠快，行出來，無論睇好抑或睇淡，都可以將新形勢下既內地經濟及公司盈利，提出一個科學，而又有說服力既量化答案作為參考。 搵工，無經驗係最唔值錢。 估市，無經驗量度就最易出事。 當大行仍然推銷中國估值吸引，股價對帳面值跌至四年低位，稍有勇氣，其實大可以駁佢地一句，便宜又如何? 到左WORSE CASE未先!! 財經拆局年頭已經話經濟師太牛，太天真，非八則九，結果現在通通降至七點四至五。 有留意今日情況的話，正當人行罕有一早上載致銀行通函之後，中，港股市跌幅正式擴大。 簡單而言，外界唔想知，唔想見既野發生左。 面對個幾星期的拆息風暴，這分聲明正代表人行終於打破沈默。 人行星期一上載一篇、上星期一向各省市支部，政策及商業銀行發出通函。 文章表明提高流動性管理，屬於中央國務院要求，要求安排足夠頭寸，確保正常支付結算。 並點名要求大型銀行，要配合央行穩定市場，並且表明，銀行要避免作出存款沖時點行動，即臨近季結爭取存款補充資金。 人行表明不注資立場，打破了個多星期以來市場不切實際幻想。 新華社評論亦提出，中國不是沒有資金，只是資金流錯了方向，尢其進入了投機和非銀行借貸的層面，令短期借貸利率大幅抽升。 確實、由總理李克強一個月內三提「盤活存量資金」，到人行提出優化金融資源配置，用意是通過市場調節、讓資金流向最應該去地方。 路透分析認為有關表述，已顯示中央去槓桿化的決心明顯。 從呢份通函睇，重點有二：...

有交易員話見過拆息30厘，算是沒有遺憾。 更有基金指，是否將高利貸市場直接搬到同業市場？ 拆息飊升到歷史新高，人行最終有冇出手? 有注資? 無注資? 定係注咗資、但無傳聞的4000億噤多呢? 官媒反應係，隻字不提。 內地媒體消息混亂，謠言亦滿天飛。 報道過銀行施壓要人行放水，最終減存準金希望落空，宜家又指銀行向銀監會求救，希望由銀監出面同人行溝通，緩解資金困境。 有指人行其實早在星期二，已經召集各大銀行開過會，明言不會出手為市場注入流動性，希望銀行繼續去槓桿化，把錢注入實體經濟。 銀行出事傳聞不斷，之前傳光大違約，宜家傳到去中行，中行急否認之餘，更向公安報案。 這真是天大笑話!!! 而資金緊對銀行業務的影響，逐步浮現，有指部分銀行，要暫停票據貼現。 為應付滿足貸存金率要求，有銀行轉向零售市場吸納資金，建行就推出一隻跟SHIBOR掛勾的短期理財產品，收益急升至超過7厘。 有銀行亦因為信貸額度緊張，收緊房貸優惠，廈門農行最近就取消首套房利率9折優惠，信行亦執行「不打折」。 今次人行與銀行之間博奕，領導層亦深知小型銀行有潛在「爆煲」風險，所以人行實際上亦有向市場放水，只是力度有限，亦只會暗中操作，以免對銀行發放錯誤的救市信息。 財經雜誌福布斯點出，今次拆息風暴，其實是代表監管層發動了一次壓力測試，是一場「可控」的金融危機。 但由測試結果來看，銀行表現似乎是令人失望。 由拆息抽升，到易名為拆息風暴，繼而升級至信貸危機，再被外國分析指係雷曼翻版。 今次中國式既拆息市場兩星期左右表現，絕對可以成為教科書案例。 因為，全球似乎只有中國人民銀行，唯一獨有親自炮製信貸緊張局面，同央行精神，照顧銀行宗旨，徹底違背。 每當內銀傳出風險上升，壞帳大增，股價下跌，就算有證有據，若干評論如嬰兒喊食奶一樣，「怕咩，萬大事有阿媽」。 正如黃金戰士話，呢的咩叫道德風險!! 如果拆息事件令「萬大事有阿媽」既假設不再成立的話，以後分析中資，分析內銀，似乎會自我進化。 金融時報對由央行自編自導自演既中國拆息風暴一直疑問極大，結果佢地下一個結論係，當中有政治成份。 證據之一係，降準鬧得最近磅，最有可能發生既同日，人行網上反映重點上載，要學習黨群眾路線精神，從嚴黨重大決策，順應群眾期望。 既然咩都有可能發生，...

銀行錢荒，陷入恐慌。 甚至有指連四大商業銀行亦需借錢，隔夜回購利率一度被推升至30厘，上海隔夜同七日同業拆息，雙雙創歷史新高。 面對拆息持續上升，市場恐慌進一步加深，廿一世紀網報道傳出四大行之一中國銀行，亦出現資金違約，即使交易時間延長半小時，都無法取得資金。 最終人行被迫出手向市場投放四千億人民幣。 這或可以解釋，隔夜拆息在尾市，突然顯注回落，收市跌番去4厘，倒跌三點五厘。 到底人行為何態度異常強硬，要到最後一刻先出手? 分析認為，正是要迫銀行處理好影子銀行，以及收回過度在房地產借貸。 說真，今次可以說是中美同心，抽水萬金。正如身在歐美推介既美林亞太研究部講，海外投資者最關心係，中國到底發生甚麼事？？ 前牛斌變身熊斌，外界議論紛紛，外國人更直指：Umm Something Wrong in China!! 陶博士重申，周小川無非要懲罰理財產品充斥既中小銀行。但瑞銀陳李講更得好：再咁玩落去，會有金融危機!! 好明顯，危機未至，但混亂異常，上海同業拆借市場，星期三已經要延長交易時間，應付交收。 按陳李講法，內地同業市場交易量由平時每日平均三百億左右，近數星期急升至近二千億，極不尋常。如果用美林陸挺所得既資料，內地當局趁年中理財產品到期高峰，突然收水，斬斷部份相關資金鏈，用意明顯。 內銀股表現，民行，信行最差勁，佢地理財產品亦係比例最多，似乎美林想法係啱。但外界另一件事諗唔通，就係理財產品背後，仲有幾多利差交易。 有內地專家相信，以往好一段時間，內地拆借市場拆入既資金，主要分三類用途：一，正常頭寸、二，利差交易，三，理財產品。 阿爺一夾，借低息做套息，套匯既利差交易即死，兼要大斬倉。 由於三十厘過份驚人，市場假設人行會出手。但亦唔排除當局反攻利差交易第二波，就係從人民幣匯率出手。 如果屬實，內地股市，內銀股，跌得應份。由於內地資金鏈關乎本港，有經濟師就話，八十八層高，實在應分分享下佢睇法，等市場唔好死晒都唔知咩事!!

伯南克成功發表「九．六」退市時間表，首度提及退市時序，結果市場做判斷，伯南克射球出界。 １３年九月減債、１４年六月全退，令伯南克有信心可以退市，源於當局對就業市場非常樂觀。 聯儲局在季度經濟預測當中，將今明兩年失業率預測調低，今年失業率下調至最低7.2%，較目前失業率低0.4個百分點。 更值得注意是明年預測下限就降至6.5%，正正符合當局考慮加息的其中一個條件。 如果按昨日觀察家分析，呢個修訂好大機會會在九月開始退市。 又又正如昨日高人所言，按伯南克性格，不會將「蘇州屎」留給下任，結果明明無在局內討論的內容，由佢以個人立場發表。 伯南克今次將退市策略講得明白，正是為明年一月任期屆滿後離職鋪路: 「有咩就算在我頭上」! 伯老「頂天立地」之姿，又一次令人感動!! 不過今次明確表達退市時間，就殺市場措手不及，股匯債商品全數出事。 有經濟師形容仿如將一個深切治療病人，拔走維生器一樣。 但問題是，沒有QE是否代表經濟又會一蹶不振？ 跟據聯儲局預測，2014年經濟增長率會達到最高3.5%，不過華爾街大行並沒有那樣樂觀，明年預計增幅只有2.7%。 咁大落差，部分可能反映在樓市身上。 伯南克話樓市已經見到明顯復蘇，不過隨著退市升溫，十年期債息升至22個月高位，美國三十年定息已經連升六個星期。借貸成本較年初急升近兩成。 雖然伯南克保證加息時間仍是2015年，又解釋債息上升部分原因，是市場對經濟前景轉趨樂觀。 不過華爾街日報並不認同，擔心剛剛回穩樓市，會因為利息上升而再次受損。 何況過去兩次QE都證明，聯儲局對經濟評估並不算太過準確，往往是高估了經濟表現。 言論發表期間，有中環人突然想起，八十八層高陳德霖做緊咩？ 答案不外乎：一，甜夢入睡、二，留心及盤算對本港以至全球市場影響。 金管局可能隆而重之，一小時內兩度電郵表述局方回應，但留心的，不足三百字回應，前後兩個版本，其實係將初版既「停止購買新債」，改為「停止買債」。 講到呢度，求先問大家既問題答案，呼之欲出了。 聯儲局買新債，抑或舊債都分唔清，八十八層閃身可以理解。再者，伯南克退市言論太明，太白，被華爾街中人批評有違貨幣政策出奇不意原則，更加俾市場有足夠空間Front Run。 美林計算，債息表現，其實反映每月購債規模大減超過八百五十億，即係...

聯儲局聲明，加演伯南克記招，論意義，併期盼，一定贏晒。 話曬，伯南克呢場SHOW，睇市場解讀，係對有言學習言論技巧，控制市場預期等等之士，絕對係極佳一課。 「"He's already stayed a lot longer than he wanted or he was supposed to!」 奧巴馬一句，一切盡在不言中，今次會係伯南克教授另一次主持由佢首創既聯儲局記者會倒數!! 市場對是次聯儲局會議異常緊張，撇開諗多左，反應過敏等等，最重要係怕再聽唔到一些要聽既野： 繼續放水，甚至加碼。 其實退市與否，根本不需要再聽伯南克發言，因為重點是聯儲局，會否修訂對經濟前景評估。 當局會否修訂今明兩年失業率、與及對經濟增長評估，將會是退市與否最明確的訊號。 由於當局目前預測，均好過大行經濟師預期，因此聯儲局如果維持預測不變，即是代表當局對經濟前景有信心。 減少買債時間，好可能會在九月至十月之間出現。 如果向上修訂(機會率甚低)，退市時間甚至會早到七月開始；不過如果當局評估貼近市場, 減少買債時間可能押後至十二月、甚至2014年。 值得留意，是聯儲局對失業率預測，一向較經濟增長準確。通常GDP差距與市場預期普遍高估35%。 目前觀察家估計，聯儲局好大機會會維持預測不變，換言之最快會到九月就減少買債規模。 彭博早前一個心儀伯南克接班人調查，由機構大戶投票，結果鴿派媽媽耶倫得票最多，其次係被譽為華爾街之友既前財長蓋特納。 反之，輩份極高既薩默斯、費沙，甚至當年獲老布殊大力推薦接替格老既費格遜得票最少。 聯儲局今次，一定要有更清晰言論，因為市場正向聯儲局施壓。 而市場中人亦早有盤算，伯南克絕對無周小川咁忍心，問題係要逼你親口講咁解。 鷹同鴿，其實係一線之差，亦不涉及因人而異。好似小川，半年前既今日，何嘗唔係一隻大白鴿。 美國的確未退市，政策更難言收緊，但三十年長債息抽高幅度，遠比十年或以下為大，按息亦上，呢的就係表不緊，但開始緊既現象。 亦因為咁，聯儲局最重要既決定，其實係上次會議。一個可減可減機制，諗得簡單些，根本就係將量寬QE，成為永久政策一部份。 問題在於啟動與否，增加抑或減少。所以，股票策略師已死，聯儲局主席才是真正股市大師!! 或許好似金融時報評論所估計，由...

傳說中的人行減RRR，當然沒有發生。 一日前先引述大型內銀話、人行有機會周三減存準金率，周三華爾街日報一改立場，形容人行並不急於放水。 人行態度是，趁市場拆息抽高機會，測試銀行承受風險能力，特別是不少中小銀行，近期大幅增加桿杆，形成資金錯配。 今次正好借機要求銀行提高資本水平，同時亦為日後利率市場化，進行鋪路。 不過人行「闊佬懶理」取態，就令資金市場異常緊張，七日回購利率一度抽上10厘水平，隔夜息更高見15厘，平了端午長假前拆息風暴的最高水平。 至於上海同業拆息，開市大幅抽高2%以上到7.66%，而一周至一個月拆息，全數高於7%。 由於短息抽高，連帶一年掉期利率亦升至5年新高。 資金緊張亦在國債拍賣市場顯現，繼上周財政部國債拍賣罕有流標。最新拍賣的十年期、總額300億人民幣定息國債，認購倍數得1.43倍，是去年８月以來最低，中標利率亦高過市場預期。 扯高拆息，當然是銀行對人行加深博奕。 內地媒體就為減準備金降溫，認為毋須過急，而上海證券報更透過引述李克強談話指，現時市場信貸水平相當足夠，亦不能再用貨幣高增長推動經濟。 瑞銀汪濤就認為，銀行對人行判斷顯然是錯誤，相信中央對增長放緩的容忍度，明顯提高，預期結季前銀行要滿足貸存比率，估計月底前拆息會持續緊張。 瑞銀同時下調全年經濟增長預測至7.5%，預計經濟復蘇要延遲至第三季。 野村就預期，受流動性緊縮影響，下半年GDP增幅有３成機會，會降至7％以下。 而一直對內地經濟前景樂觀的匯豐屈宏斌「牛斌」，可以說是市場上最後一個好友。 結果連佢都認輸，因應領導層對經濟增速放緩容忍度上升，大幅調低今明兩年經濟預測至7.4%，分別下調足足0.8及1個百分點。 但仍然預期今明兩年，有四分一厘減息空間。 當市場上最後一個好友都轉軚，反而令人想起之前一早睇淡內地經濟的高盛及美林，似乎更具先見之明。 至於阿爺可以咁樣忍手法、較之美日歐英，更反映誰才是不會被大行牽著走。

市場從來是玩弄感覺，一日怕退市，一日憧憬不退市。 至於偉大祖國，一日怕銀根緊，一日就憧憬銀行鬆。 「存款準備金率」呢六個字，似有久違，隨著內地資金緊，拆息高，於是一片降準之聲，隨即嚷起。 原本，上星期先話要減息，忽然之間變為RRR，背後係老外大報華爾街日報大字標題話，銀行正向人行施壓，不鬆手，會礙增長。 由於報道引述某間大型銀行，某某高管指，希望星期三減準備金。結果，輸入材料經加工後，星期三減存款準備金率傳言就不徑而走。 的確，人行精神，出奇不已。呢個招牌保證，內地咩都有可能發生。花旗加入支持，話降準機會大，原因係拆息太高，資金緊，外匯佔款流入減慢等等，影響市場流動性云云。 無錯，內地市場資金成本急升，七日回購利率仍然高達六厘八，隔夜息升番七十三點子，到五厘六。 人行即係央行，央行即係作為最後借貸人，LENDER OF LAST RESORT，降準舒緩流動性，言之成理。 但家有家規，內地有內地玩法，絕非一加一等於二那麼簡單，否則分析界唔會一年又一年，滿地眼鏡。 如果我地一定要賭降準，咁先問，到底人行係咪有意圖淡化準備金率角色。 有經濟師相信，利率市場化大前題，官方存貸，以至準備金率角色一定淡化，呢方面已經喺人行不斷靠市場操作體現一班。 人行到底想用拆息控制市場流動性，抑或用市場流動性控制資金成本，係兩回事。目前市場利率，的而且確比早前高出二至三厘，但美林一早提過，作為人行，一切盡在掌握中。 當局係咪有意將市場利息，指導向上，反而更值得關注。 利率向上有咩好處？一，李總理講過，要正視信貸氾濫問題。二，市場利率指導性之餘，亦係防控資金大舉外流途徑。三，唔少經濟師都話，用作懲罰銀行。 如果從早前利息夾高到十多厘水平睇，人行可容忍既利率上升水平，實在有大空間。陶冬形容，人行懲罰銀行呢句說話，來得貼切。 事關，六月底大量理財產品到期，再容許銀行用拆息市場拆入既短錢，應付產品到期，繼續構成資金年期同利率錯配，內地金融問題風險就繼續存在。 換句話，未來個多星期，或者好戲在後頭。減準備金，咪太認真!!

近百億港紙，誠哥可以用嚟買何文田地，但佢決定用呢筆錢買垃圾。 係垃圾發電項目。 同以往幾次一樣，誠哥繼續放眼歐洲，但走出英國，去到荷蘭。今次收購既垃圾，或者廢料處理發電項目，用企業價值對撥備攤銷稅前盈利計，相當於九倍，比長建同電能既十一，二倍左右。摩通話，合理 ! 誠哥，同接班人澤鉅多次講到，香港投資空間不大。的而且確，地之外，香港廢料發電項目係零。地產無礙回報極高，但如果睇誠哥今次出手，項目佔荷蘭佔有率兩成半，兼且電力上網有回報保證。 從另一角度睇，香港既地產項目，單係樓書係咪獲批，都已經等同零保證。 有分析員指，由此可見，誠哥依家鍾情除左現金流項目之外，最大前題係要沒有政策風險。 剛才提過，估值上收購屬於合理，而回報上，長建同電能向分析員講，以項目融資股債六，四比計算，項目投資回報大概係百分之十二點五。 多間券商話，相比早前英國多個項目，回報實屬吸引。 今次，誠哥購入既 AVR ，屬於荷蘭最大，亦算係李氏力場旗下長建首度染指歐元區。 美林同德銀相信，繼十多年前 3 仔之後，長實系日後更多歐洲大動力，而當然，論協同，機會最大或者係炮製垃圾概念 !!

對於今個星期聯儲局會議，WSJ 忠告是: 不要聽其言!!! 伯南克上次稍一發功，一句可加可減，令全球股市市值無2.7萬億美元。 過去十七個交易日內，道指累積跌超過300點，平均每日波動有大約191點。 美國十年期債息，上星期更升至2.29厘的14個月高位，美元指數亦跌至近四個月低位。 可想而知伯老呢句退市威力有多大。 USA TODAY訪問了45名華爾街經濟師，有7成意見認為，聯儲局今年會縮減買債規模，當中大部分估計最快會在今年初秋開始縮減買債。 這一改五月時睇法、當時他們預計聯儲局會維持買債計劃直至出年。 華爾街日報就指，經濟師普遍預期，今年10月縮減買債，整個買債計劃會持續至2014年五月才會結束。 由於上次發言釀成全球股災，一般預期，主席伯南克在今個星期議息後記者會，會發表言論紓緩市場對縮減買債及加息的憂慮。 聯儲局觀察家形容，伯南克上次發言低估了市場對於其言論的即時反應，故未來用詞應該會盡力保持謹慎，減少對退市時間性上的著墨，相信只會提及要視乎就業市場健康發展情況，調整買債規模。 華爾街日報認為，局內言論其實大可不理，關鍵反而是行動: 聯儲局會否調低經濟增長預測？ 聯儲局三月曾提出，今年經濟增長有2.6%，明年更會加快至3.2%。 但預計要達致有關預測，存有難度，因為第二季增長放慢，比起第一季時的2.4%，會放緩至只有1.9%。 因此要達聯儲局原來預計目標，下半年經濟務必要加快增長。 何況，與經濟師平均估計，今年經濟只有2.3%增長，更有一段距離! 所以整個會議最關鍵，會是聯儲局是否維持原來買債步伐，一旦維持即代表退市可期! 但話說回來，市場對WSJ 頻頻放料，已到忍無可忍階段，債王格羅斯更呼籲，華爾街日報的「深喉」應盡快收聲。 當然，市場不會等到星期三先有反應，看周一市場表現已知一二。 基於預計聯儲局今個星期議息後，會淡化縮減買債以及加息的預期，目前是時候考慮買入美國5年同10年期國債。 其他例如高息債，工業及原材源股，以及新興市場股市，都可望出現趁低吸納。 以美林的高息債券指數為例，由五月初的高位回落大約3%，過去兩星期走資近90億美元，其中美國垃圾債券基金，曾經一個星期走資46億美元，是有紀錄以來最多。 目前高息債與同年期美國國債相比，息差高出接近5厘，以回報率大...

經過三、六、九式下跌，市場是日反彈規模極其量只係一、三、五。 走資憂慮未散、美國政策未明、祖國取態不詳。一句講，不明朗因素持續!! 今年以來，資金因為尋找回報，分別有204億美元資金流入新興市場債市，規模已遠超去年水平，但這些投資者已經面臨大額虧損。 理柏統計資料就顯示，五月以來，新興市場本地貨幣基金，損失達7.8%。 好肯定，區內股、匯、債有超賣。從整體資金流睇，計算所有資產類別，淨外流區內市場資金介乎九十億美元，屬於歷來第三多。 而根據以往，凡係資金流外規模觸及八十至一百億區域，就係出現一個買入訊號!! 問題係，以往可以係一個好參考指標，但俗語有云「今時唔同往日矣」。 老套的講，祖國經濟火車頭效應漸失，再者，以往央行動一致，具備默契，今次明顯各走各路。 更甚係美國睇日本，日本靠美國，區內靠歐美，歐洲要睇大陸，大陸又要視乎熱錢。終歸一句，就係「你眼望我眼」。 坦白說，由市場追求高息回報、轉眼到風險胃納一轉，資金又變成大舉撤離風險資產。 經濟學人就以「資金暴力清場」，形容聯儲局可能放慢購債步伐，令債息回復至合理水平，結果同時對新興市場造成沖擊。 不過經濟學人亦相信，即使減慢買債速度，聯儲局仍然會保持每月一定買債規模，至於加息、更可能是需要以「年」去計算。 確實、市場可以Front Run一件事件，一個預期，但到一個階段，就要靜侯指示，否則一定唔高興。 市場要明確信息，對於潛退市呢個問題，大戶的確覺得估夠，太耐。因為，好明顯，市場部份資產係沽突左，買爆左，如果伯南克再來一招可加可減言論，一定唔得。 因為，市場下星期要既答案係焗佢 Yes or No and then When？？ 有留意的話，自從美國下跌，債息上升，華爾街大戶洗牌歸邊。最明顯係債王格羅斯，即時由估退市，變為不會退市。 或者黃金戰士啱，伯南克唔會、亦不能退，但肯定，市場不容許佢No Comment!!

於港澳口岸的找換店，曾經客似雲來。 除了來往中港澳三地，真的有兌換需要，更重要是這裡是全國地下錢莊最活躍的地方。 但半個月來，生意變得冷清。 即使端午長假期，門前依然人來人往，但實際要兌換的人不多。 找換店店主說，目前的經營環境，比當日監管部門及警方，大力打擊地下錢莊更加淡靜。 其實要觀察內地熱錢流進流出，不需計算甚麼外匯佔款減國際收支順差再扣除銀行新增外幣信貸。單看黑市找換店，其實已知全貌。 所以地下錢莊生意難做，巧合的是，早前湧入內地的熱錢，有退潮跡象。 反映部分外資流入的5月外匯佔款，得668億幾人民幣，係舊年11月以嚟最少。相對4月嘅2943億，大跌77%。 的確，美國提早退市預期，以及經濟復蘇理想，令海外資金重投美元資產。 加上憂慮內地經濟前景，連高盛哈繼銘都預言內地經濟會硬著陸。 近日流出內地股市的資金，亦是08年以來最多。 經濟師形容，持續半年有多的熱錢流入趨勢、有改變跡象，一方面是中央加強對熱錢流入的監控，同時由熱錢推動的貨幣基礙增幅，亦出現改變，間接形成銀行間資金流動性緊張。 結果就連財政部拍賣國債，都罕有流標，是2011年七月以來首次。 市場資金緊絀情況，己經進一步蔓延。 而且流動性風險不單未紓緩，月底銀行要應付人行年中查核、水緊的情況可能更嚴峻。 不過德銀馬駿就獨排眾議，猜測資金緊絀只是短期狀況，人行在未來一兩個月，會通過逆回購安排，向市場大量注資，可望將7日回購利率，由目前近7厘降至4厘水平。 果真如此，就真的顯示習李最終敵不過市場，結果可能又是另一場印鈔災難。

似曾相識，資金大舉抽離亞洲區，令人回想起九七年金融風暴前夕。 有對沖基金話，派對已經完結。 而標題所謂三．六．九式下跌，係因為市場震盪，市況跌幅可以有百分之三至九。 今日，區內投資者算係印象難忘。 開波唔見二百，不消半個鐘，唔見七百，再睇區內市場表現，不期然要問，區內出事嗎？ 貨幣，債券，股市通通要跌，撤資情況明顯!! 全球股市五月底以來，就蒸發二萬五千億美元資金。 伴隨貨幣大跌是各地債息急升，資金撤離，泰國印尼及菲律賓股市，今個月以來錄得有紀錄最大資金外流。 中環人話，呢期輸大錢，正正係一班宏觀對沖基金，之前買重區內，結果焦頭爛額。 退市憂慮令十年期美國長債息，升至14個月高位，前高盛資產管理主席奧尼爾、提醒投資者要准備好習慣，十年債息會接近4厘，而不再是2厘水平。 老到底係驚美國退市，日圓淡倉拆倉，抑或區內本身問題，而觸發亞洲區市場三．六．九式下跌，仍然係一個迷。 跌市搵唔到真正原因要驚，更可怕係，大舉沽貨，資金走佬之後，WHERE IS THE MONEY？ 錢去左邊？ 黃金？唔似！ 美元？跌緊！ 美債？都係跌！！ 以往，大跌市，一個資產大幅調整，會同時見到另一批資產大有承接。現在，無見到換碼！ 又唔似有傳統避險策略，咁先驚！ 當然，即使區內部份貨幣月內累積跌百分三至八，股市唔見雙位數，但區內除左借貸大增之外，基本因素，不能同九七當時相題並論。 從正面角度諗，區內唔會爆。但從審慎角度分析，區內近日跌勢，致命傷係醜態畢露。 一，原來口講退市，已經一擊即破。 二，擺到明，無咁大個頭，帶唔到咁大頂帽，區內的的確確承受唔到咁多熱錢。 所以，就算隨著市場回穩，但區內現形，巴菲特名言，「潮退方知誰裸泳」。 確實，部分國家基本因素並不樂觀，菲律賓出口出符意外錄得大跌；泰國本身的財政問題，已引起穆迪降級預警。而印度長期高通脹低增長，亦是潛在威脅。 更令人啼笑皆非是，由憂慮資金流入引發資產泡沬、突然變成資金撤離，各國央行亦顯得手足無措。 部分好似印尼無厘頭半夜提前加息，印度及巴西央行就多次干預匯市。 金融時報形容，情況已經表明，全球央行已經對情況逐步陷入全面失控 可能正如法興預言，新興市場牛市已經結束。 有基金話，肯定區內超低利率已告一段落，利率稍為向上，投資者就要尋求更...

無論法巴，里昂，花旗，大和，都不約而同指，美國退市之日，香港玩完之時。 此話聽落危言聳聽，實際言之成理。 好成日總有盡頭一日，居安要思危，尤其係外圍山雨欲來。雖然，梁副局堅稱，未有資金大規模外流，但環看區內近日，走資情況明顯，印度貨幣新低，泰、菲、印尼越快樂、越墜落，股市跌4-5%，貨幣眨值幅度更非常顯注。 就連離岸人仔亦顯著向下，香江細少市場，豈可置身事外? 風水佬可以呃你十年八年，部份評論早一陣子，見港股稍一反彈，美電稍為回落，就振振有詞話資金流入。 事後擺明，信者，哈利路亞!!!! 港匯高低，同港股升跌，其實絕不構成直接關係，即係港紙升，港股可以跌。 以今個月為例，港元升跌與否，港股依然跌者居多。同樣，港元升，亦不代表資金流入炒股。 好簡單，外圍不穩，香港作為亞太資金總部之一，客戶沽外圍股市，將套現所得，兌回本幣，即係港元，肯定港匯因為需求因素而上升，但絕對不能將班資回港，視作為資金流入既一種。 還有，如果市場緊張，港元資金緊，港匯亦會升。 所以，人講野可以聽，但Don't be Navie!! 肯定，可能市場充斥太多術士，到個市真係大跌一刻，先曉話股市轉勢，呢的或者叫Momentum Commentator。 佢地話，無錢走，因為港匯強，拆息低，但忽略過往大量結餘累積既因素。 如果睇另一個指標，外匯基金既外幣資產總額，數字一多，十居奇九就代表有錢入。 但睇下金管局數字，其實自從今年一月份開始，外匯基金外幣資產，一直未升過!! 資金流向劇變，觸發點固然係存在好一段時間既資產價格Mispricing，更大導火線，就係美國潛退市。 金記旗下貨幣發行委員會，最近一次會議亦提及，債息一升，隨時會引發大規模資金逆轉，令利率，資產價格可以有相當大變化!! 美息，包括係債息一升，美、港息差擴闊 ，資金有誘因離港套息。睇睇一的數，目前有三條A既部份市場債息同美國比較，新加坡較美國低十四點子，德國低六十，香港就比美國同期十年債息低七十點子以上，係同美息差距最大之一既市場，咁有意欲外流掛!! 大和一直認為，香港市場會行先死先，因為既係QE最大受惠人，亦會係退市最大輸家。 佢地指，過去幾年，千三億美元因為量寬流入，帶來的信貸增長，比這個數字多超過一倍，令香港陷入典型的信貸泡沫。 大和形容美國退...

臨近端午，數據現形，一系列五月內地數據一出，法興形容貼切，就係冰冷的現實。 的而且確，除左有賴珠寶相關消售力撐，消費稍穩之外，內地打假既結果係，經濟淡友先勝一局。 因為出口數據認真打假，出口五月按年增長，比四月急速放緩十三點七個百分點，跌幅之大，過去年幾都未見過。 亦因為出口打假，沒有假單據就沒有水份貸款，結果新增貸款遜預期。 亦因為新增貸款原形畢露，經濟師對「貸款多，經濟掂」的假設，徹底失效，於是，中國增長預測，又被大行調低。 五月份數據證明幾樣，一，中國經濟之前的而且確想得太樂觀。 二，二線大行經濟師對內地掌握較好，佢地係一早話內地數據有問題既一批。 如今，大牛如匯豐屈宏斌、星展梁兆基，都成了隱影人。 經濟表現貨不對辨，改革調整大於一切，少了聲音叫刺激，但多了聲音說減息。 到呢一刻，中國減息與否形同賭大細。正方包括瑞穗認為，中國不降息，經濟就此完旦。 佢地理由係，上游通縮，利率幾近冠絕全球，減是必須，或者係不對稱減息。 但反方卻認為，減息如果無望刺激貸款，等於無用!! 再現實係，利率無論高低，中小企從來借唔到錢。再者，內地流動性不缺，以五月為例，M2較M0高出五個百分點，流動性未盡其用相當明顯。 所以，陸挺為首既中間派堅持，只要市場操作準確，人民幣減少升值，貨幣政策少改為妙。 上周路透一篇報道，就繒影繒聲形容習李可以容忍到7%經濟增長底線，似為五月數據向市場預先做定預期管理。 所以經濟師普遍認同，數據是反映經濟結構改革，特別是經歷「去產能化」的陣痛，是轉型的必由之路。 的而且確，人行高調重提存保制，存保制背後係利率市場化前題，如果行減息之路，係咪影響部署？值得研究。 可以肯定，上星期五一場拆息風暴，鐵一般事實係中國經濟小黑天鵝，隔夜息十五厘，廣傳同業市場違約個案，正如彭博一篇文章指，大有金融風暴之感。 但亦好肯定，內地長假，外管局收緊，美元升值，資金減慢流入等等一切有跡可尋，影響流動性，既然如此，是否反映人行規劃一流，但掌握市場情況功力一般? 答案正正不言而喻。

今年以來，貨車司機發現，由福田保稅區過關到香港，時間由過去只需半小時，拉長到要三、四小時，做成嚴重塞車問題。 原來又是同出口數據造假有關。 中央電視台跟踪一輛貨車，進出深圳福田保稅區的貨車，車入面只是零散載著十多件集成電路。 而令人奇怪的是，在4月初的11天裡，這十幾件總值近6百萬美元貨品，反覆進出了54次，每次申報貨物數量和金額都相同。 單是這輛貨車，就令外貿數據誇大了約3億美元，加上其他兜圈的貨車，令首季在福田和香港之間，通關的日均車輛流量就增加了五成，達到一千八百輛車。 兜圈源於內地「內保外貸」政策，為企業提供套利機會。 由於兩地人民幣存在利率差距，企業先在內地銀行存款，換取信用證。 再與境外關聯企業買賣所謂的進出口貨物，把信用證交予關聯企業，在境外銀行兌現款項，之後再將步驟重複一次，境外款項完成「兜圈」運回國內套取利差。 利潤有多高? 目前本港人民幣貸息跟內地存息，相差約一厘，如果投資到一些高息理財產品，穩賺回報可以有四、五厘。 用美元付匯後，以人民幣收匯還能賺取埋匯差，以一億人民幣本金粗略計算，一年兜圈200次，已可套利近五億元。 不過隨著各部門嚴打，兜圈情況已經大幅收歛，福田保稅區每日貨物進出口均值，五月大跌八成三。 而所謂造假基地的中港貿易量，更由頭四個月平均68%增長，回落至5月只有7%升幅，終於回歸正常。 美林陸挺話，出口數據排除人為水分，估計今年以來實質只有低單位數增長，而隨著熱錢流入減少，對政策Implication是、過去幾個星期人民幣升勢已經結束。 瑞信陶冬就相信，由於出口無真正出現過強勁增長，所以對實體經濟唔會有影響。

環球市場星期四經歷被譽為近十年數一數二既大拆倉日。 俗些講，其實形同「劈友」，大鱷撼大鱷，旁觀者，單睇收市以為反覆上升，好明顯，你係如在夢中，其實條街大量血漬仍未清洗。 觀望一個就業數據好壞，可能左右聯儲局縮減購債規模時間，令外匯市場出現顯注波動。 觸發美元被拋售，美元指數星期四單日跌過 2% ，跌至三個多月低位。 美元兌日圓更一度跌過 3% ，創三年最大單日跌幅，之後在亞洲市場美元更一度跌穿 96 水平。 有對沖基金話，外匯市場波幅之大，令人想起 08 年金融海嘯的恐慌情況。 到底觸發拆倉，係怕沒有 QE ，抑或日本斷箭觸發？大行操盤手話，搞唔清，總之，星期四本港時間八點半，就好似有大戶「吹雞」，於是通通大拆特拆 !! 似樣，或者近磅，係債市拆完，到日圓空倉拆。日圓空倉規模有幾多，對唔著，真係唔曉，但根據美林上星期數字，單係佢地統計對沖基金，累積日圓空倉大約百二億美金左右。 但現代交易模式，一個空倉，引申係更多長倉，更多更多空倉，所以拆完未？天曉得也 !! 因為一個拆，個個倉都火燒連環船，星期四美國時間上晝八點半同下晝三點半，匯，金，股，債出現走勢同步異動。 更解釋唔到係，如果將主題講為市場避險，點解美元可以一度跌幅百分之三？ 正如法興之前講，長期賭單邊市結果，係沒有好結果。 邊個會估到，日股可以兩星期內，直插落熊市區。又有邊個估到，索羅斯，會揀喺踏正日股重回熊市區既一日，會刻意放料力撐日股，話已經重投市場。 更巧合的是，美國公布的就業數據，成為推動大市的無敵借口。 形容為完美組合，一方面是新增職位達 17.5 萬分，反映經濟增長動力充裕 ; 但同一時間失業率回升，就令聯儲局未有借口咁快退市。 果然，市唔會永無止境跌，今日話驚無 QE ，當個市稍有差池，百分之九十九點九，又吹 QE 回來，到時全球又再炒上，殺完好友再殺淡友，你話大戶賺錢幾易？ 分析員目前亦不敢對聯儲局閂水喉的速度，估算得太進取，他們之前估計在十月底的會議每月購買資產的規模，會降至每月 500 億美元，而家就估計，只會降至 650 億美元。 伯南克早前母校演說，幾乎明示一月一日之後，聯儲局與我無關。人人話「真叻」姐，白鴿媽媽耶倫係大熱，但華爾街日新消息傳，佢唔係...

資金突然異常緊張，內地媒體形容為拆息風暴。 臨近端午長假，情況尤為嚴重，隔夜及七日期回購利率，同時推高至十厘水平，是十六個月高位，上次拆息推高是去年春節前，人行要十年來首次展開逆回購安排。 上海銀行同業隔夜拆息，創超過五年半新高，自一一年 5 月最大升幅。 息率升至 8.294 厘，錄得自零七年 10 月以來新高。 內地交易員指，近日資金市場表現極不尋常，並且引發恐慌。 受影響底下，農行周四拍賣六個月期債券，罕有出現流標。 引致市場進一步恐慌，來自光大銀行。 內地廣泛盛傳，光大銀行有為數六十億人民幣同業拆借到期，未能向交易對手興業銀行償還，出現拆借市場違約。 雖然兩銀行均同時否認，但傳聞觸發多間銀行大舉拆入資金並停止拆出短錢，反映空穴來風。 市場一早預期，臨近長假，加上財政繳稅及存款準備金清算補繳，會推高拆息。 但多間內地銀行稱，問題遠比想像中來得嚴重。 銀行之間借錢，要用咁高息，都唔算最異常。 最奇怪係，點解人行唔做野，舊年過年，見錢少，都放水。 今次人行就唔係無做野，只係做左新野 面對市場極度波動，人行星期五首次啟動了新的秘密武器。 交易員話人行運用了，今年初先推出的短期流動性調節工具 SLO ，向市場注入七日期資金，不過規模未有市場傳聞中千五億咁多。 第一次啟動「短期流動性調節工具」 SLO ，聽落好深 ? 其實都係今年年初先推出，簡單啲講、全天候放水，以前就擇日，就算見到市場資金緊張，要俾錢，都要逢星期二、四先做。 而家鍾意幾時做就幾時做，但只限於七日期嘅短錢。 而且只是投給幾家金融機構，反映人行算是克刻。 劑牙膏咁逐啲放，但啲拆息已經去到五年幾高位，又是否杯水車薪 ? 咁人行都有佢難處嘅、而家樓市咁熱，俾錢俾得太疏爽，驚俾錯訊號市場，以為可以大炒特炒。 同時、路透社一篇報道都值得大家留意。簡單講就是指中央新領導層、可能會容忍經濟季度增長放緩至 7% ，到時習李才會出台新經濟刺激政策。 換言之，炒內地會有政策出台的好友，可以死心了。

勢估不到，東航去年話要在本港搞廉航，事隔半年仍然是大頭佛。 信德，東航，以及Jetstar各佔三分一，搞出一間叫Jetstar hk，捷星香港既廉價航空。 公司剛成立之日，牌未有，政府就「贈慶」，話，暫不處理新申請。 到底澳航透過捷星落戶香江算盤打響如否，似乎變數極多。 捷星，或者澳航，加東航同信德，關係複雜過複雜。 首先，澳航係圜宇一家成員，算係同國泰份屬同門。而信德，旗下持有香港快運五成半股權，另有四成半由海南航空持有，海南航空最近亦被澳航獲薦加入圜宇一家。 俾兩個Oneworld成員夾在中間，國泰一定極大反應。 又係信德，信德除左香港快遞之外，亦持有一成四澳門航空。澳門航空大股東係國航，國航又係國泰第二大股東。 簡單講，呢個關係網，既複雜亦難拆解，廉航呢個牌，到底最終政府係咪好似免費電視牌咁，拖得就拖？ 純粹背景，澳航近年之所以唔使執笠，全靠捷星。捷星區內廉航地位，可以匹敵Tiger Airline。但基於基本法要求，要香港攞牌，資金背景佢地過唔到骨，所以既東航，又信德，打足兩面牌。 信德大搞飛機，從最正路諗，係同船務有協調效應。再諗多的話，賭王係咪諗緊一個泛亞太區賭場聯繫概念？係就好睇過戲!! 捷星香港機隊暫定十八，全部係A320，頂盡handle到五個鐘機程，三，四線內地城市，同區內二線城市往返香港服務，捷星絕對有得做。 但想還想，大前題係三關先過，包括政府，國泰，同機場。 國泰地位是否今非昔比，中環人話，Remain Unknown。 以往航權問題，國泰明顯被政府「關照」，但依家發牌與否，中間夾個國航，政府取態，答案係睇阿爺!! 至於機場，問題更大。一，廉航要「平」，但香港機場落陸同處理費，一定唔「平」。 二，二零二零年第三條跑道未有之前，偉大既香港國際機場使用量已經近九成，接近飽和，據稱連航空公司用第五航權申請加班，都有困難。 所以捷星香港雖然比當日甘泉更強，更大，但往後發展，係咪一如賭王所想，好戲在後頭!

領匯由有盧婆婆，到取消上市，之後重新上市，八年後今日，如果純粹用每個基金單位價格衡量，真正領會係咩叫走寶。 但領匯全年業績一出，或者市場同時領會到咩叫好日子總有盡頭一日。 無疑，增長，租金，派息，要升得升，但驚喜欠奉。領匯過去幾年，平均可分派收入每年增長一成半，剛剛果年，增長不足一成半。大摩全中!! 領匯賣點係租金增長，如果睇全年，商鋪租金收入按年增長一成一，但下半年比上半年，增幅只有百分之三，半年計，放緩幅度之大，幾年來最明顯一次。 再者，睇呎租的話，三月底每方呎平均三十八個七，按年升百分之七，比前年同期一成二升幅亦都放緩。 分析員話，領匯加租，吸血，賺錢既方程式靠兩樣野，一．通脹造成既物業搶購潮。二．AEI資產提升。當中第二招最殺食。 領匯由零八，零九年起玩資產提升，結果基金單位價格一直升。資產提升作用係投資回報，領匯代表作係前年頌富商場，大翻新之後投資回報四成九，係歷來之冠，再對上一次係零九年既厚德，有四成一。 分析員提出，領匯三十大商場，廿個完成AEI，其餘十個投資回報再有三至四成，機會係零。假設每個翻新項目回報係一成半，領匯獲額外收入增長只有2%!! 再者，條街吉鋪多，領匯對手自然多左。所以，商場唔得，領匯唯一出路係玩街市，玩熟食中心。但佢兩範，如果大玩加租，搞到菜，肉，罐頭貴過阿康，同阿佳，一定同你死過!! 領匯首次提出，資產可買亦可賣，尤其係後者，以往從未講過。按信託條款，領匯賣野無問題，只係當年計劃再收購房委資產，就泡湯收場!! 但有無諗過，領匯收購房委資產有難度，但房委回購領匯，其實零難度，中環人話，呢樣野可以醞釀左好耐，亦可能係一個雙贏，點解呢？ 首先，社會聲音經常話要回購領匯，買番部份資產，咪當應酬，回應訴求。而對領匯嚟講，佢地有一批場，等同豬頭骨，商場無前途，區份太屋村，加租俾人斬死，倒不如賣俾政府，套現資金再收購有回報潛力既項目，一了百了。 領匯未知跌完未。成件事上，最慘都係商戶，租加左，生意，可能差左。以往，整手領匯做對沖，條氣可能順的。依家，唉!!

話要補償迷失二十年損失，追回失去的50萬億日圓。 安倍晉三提出「安倍經濟學」三枝箭最後一枝，就是經濟結構改革。 整個振興計劃簡單講，就是日本多年都未試過做的事: 吸引外資。 安倍晉三宣布，計劃准許在東京，以及日本其他大城市成立經濟特區，削減企業稅同放寬管制，目的係要吸引外國技術、人才同資金投資日本， 同時計劃喺十年，透過開放能源、醫療及基建項目，將外商直接投資提升一倍，到35萬億日圓。 至於電力市場及基建投資，未來十年會分別增至30萬億及12萬億日圓。 安倍晉三話，所有措施如果月中獲得內閣通過，將可以推動私營市場增加投資，亦會將國際創新能力帶到日本。 又承諾，計劃將每年國民人均收入，在十年內，每年提高最少3%。 安倍經濟學的首二部曲，即是他口中的兩枝箭，分別是由央行出手的無限量寬以及1500億美元財政刺激計劃。 推出以來，成功推動資產價格飊升，日本股市今年以來曾經觸及五年半高位，一度累積升53%，由去年十一月安倍上台計，升幅更達八成。 日本首季經濟按年更升3.5%，表現遠好過美國。 表面措施確實成功，不過無限印鈔有後遺症，就是資金撤離債市，包括一向支持國債的日本巨企，都不願再持有國債。 結果是直接推高債息，股市亦都由高位回落18%。 在日本首相安倍晉三，宣讀刺激經濟增長計劃後，日本股市跌勢加劇，收市跌超過五百點，落到七個星期低位。 有交易員形容，方案一方面缺乏細節，而市場期待的養老基金入市，仍然未有共識。 結果金融市場就好似作出「報復性」反應一樣。 經濟師話，安倍晉三改革計劃，雖然行出了第一步，願仍然未有觸及結構問題核心，包括高達35%利得稅率以及容許企業更容易進行裁員，相信所有措施成效，仍然要好長時間先可以見到。 講到量寬，值得一看是金融時報主筆、Martin Wolf一篇「美國人，你欠了伯南克很多」，頗值細咪。 當全球金融大師均破口大駡伯南克離經叛道，Martin Wolf的文章更值得令人深思是: 沒有伯南克的QE，今夕會是何夕? Martin Wolf對批評者的回應只有一個: 就是他們欠缺了伯南克的想像力。 而對伯南克，在明年任期屆滿，留底對佢的、應是一片掌聲。

PMI對PMI，官方數字出奇地好，匯豐篇制數字出奇地差，數字相差一點六，幅度之大，係舊年年底以來首次。 大家又會懷疑，又是官方數字作假？ 但PMI從來係一份問卷，受訪企業點答，絕對存在主或被指令成份，從呢個角度睇，民間官方數字其實無分別。 而且，如果純粹用受訪企業做標準，內地官方數字今年幅蓋數目由八百二，加到三千間，比匯豐多二點七倍，論代表性，誰敢說官方不夠? 可能市場唔信，或者太多疑惑，於是取其中庸之道係經濟已回穩，但力度不太強。因為官方數字早兩日公佈，先入為主之下，股市上半場掂，但下半場歐洲似乎情傾匯豐。 的確，官方PMI數字產生好幾大疑問搞唔清。最明顯，係產出指數部份大升，但從業人員指數再跌零點二。 另一點較大抵觸係訂單增加，但庫存持續萎縮。第三，購進價格指數大升五點，但同期煤、鋼、鐵礦石，甚至波的指數都要回落。 法巴嘗試從另一個角度分析，官方指數出奇到好，係季節性因素調整做法成熟左，但呢個分析既有毛病，亦有錯誤。 最明顯係，無論匯豐同官方五月數字，過去多年其實係按月跌多升少，無理由季節性調整因素同技巧進步，會令官方數字升。 分析員話，五月一向係旺季，季節性調整因素最重要，目的係令五月比四月更加公平同客觀。 否則，唔調整的話，一定勁升。所以，法巴解釋其實相反先岩，只會因為季節性因素做得唔好，比前幾年更差，官方數字先出現較大差異。 講到尾，經濟好定差，講求唔係證據，而係市場感覺。 內地官方數字雖然高達三千間企業參與，問題同細分佔比同匯豐更係一樣，但如果官方三千間企業抽樣，有二千九百九十九間係大企央企，結果不言而喻。 央企一方面受惠國策傾斜，中央或地方批出新投資，恐怕都不會先經民企再到央企? 同一時間，有留意今年人民幣升值因素，不難觀察今年顯注加快，雖然做出口不論央企民企一樣受難，但央企要做匯率對沖顯然有優勢得多，相反民企只有「死路一條」。 加上剛公布非製造業PMI亦跌至8個月低位，令人質疑官方指數，未必反映大多數人的現實，呢個亦係官方同民間數據背後最大神秘力量。 而令人憂慮是，一旦決策者以官方數據作為主要考慮，很容易出現政策錯配，結果明明要救卻變成抽手旁觀。